إعلان عن بكره الجي
......................

وكسرنا جناح الليل
واتسرسب منه الضي
وعزفنا النور مواويل
اعلان عن بكره الجي
ماهو دم ولادنا العنبر
ساجد ع الأرض يكبر
وبكلمة الله اكبر
هيعود الميت حي
إعلان عن بكره الجي

*****
يا دموع الأرض الشاكية
هيعود جواكي أمان
ويعود الشاي ع الركية
نشربه على صوت كروان
وتعودي عروسة يابلدي
على صدرك عقدين بلدي
واهي غيمة صيف هتعدي
ياللي مافيش زيك زي
ماهو دم ولادنا العنبر
ساجد ع الأرض يكبر
وبكلمة الله اكبر
هيعود الميت حي
إعلان عن بكره الجي
*****
الفجر الغايب راجع
إسهري للصبح عشانه
دا ماعادش مابينكوا موانع
والنيل واخده ف أحضانه
ياصبية افردي دراعينك
واغزلي فرحة على جبينك
ياجميلة دي ضحكة عينك
للروح الزاد والمي
ماهو دم ولادنا العنبر
ساجد ع الأرض يكبر
وبكلمة الله اكبر
هيعود الميت حي
إعلان عن بكره الجي
.....................................
رابط تحميل الاغنية

الكلمات بصوت الاخ كريم وكانت مجرد دندنة لحين تلحينها
الأغنية وكل كتاباتي مسجلة بالشهر العقاري وارجو عدم النقل