تويت
كَــان نِفْـــسِي أَفْـــرَح
كَان نِفْسِي أفـْرَح
زى أي بنت عَاديه
كان نفسي أرسم فـَرحِتي بريشه قَويه
الدبلتين كانوا حِلم بيرفرف عَليه
الفرحه طالِت
هيّه رَاحِت ولا جَيه ؟
أمي الحبيبه ...... مَاتخافيش
بنتك عـَصِيّه
و إن كان قـَدَرها الوِحدَه
مِش هَـتْعِـيش بَلـِيّه
و إن كان قـَدَرهَا الدَمعَه
هـتكون مِتْداريه
و إن يوم خطفني البَرد
هـفتكرك يا أمي
هـَسكُن مَلامحك
بَعـدها هَـقـفِـل عـِينيه
بَصمة أيديكى الطيبه
دايما يا أمي
بتردني لحالي و بتطبطب عليه
أمي الحبيبه .......
كان منايا أبقى أُم
تِفـْرِد بُسَاط الفـَرْحَه و تطـَبطب تضُم
بَسْ القـَدر خَلاه يا دوبك بَس حِلم
و رِضِيت يا أُمى
لَجل رَبّي ما يـِرضَي عـَـنّى
و إدّيت كِتير إخْلاص
و حُب الله سَاعدني
و فرِحت بالفـرحه ف عيون المحرومين
بالبسمة لما تداوي جرح المجروحين
و لقيت حياتى ف حضن أحلامي البريئه
الخير و حب الناس آمان و كمان حقيقه
بدلت خوفي و وحدتي بأجمل طريقه
إطمني .......... إطمني
, و أرضى عليه
كل الكلام شايلاه ف قلبى
بيجري فيه
و كرامتي غاليه و عزّتي ما تهون عليه
أمي الحبيبة ......
ماتخافيش بنتك عصيه
قدر اللي عاش يحلم بفرح الدنيا ديه
قدره مجاش
و لا جت له آيامه الهنيه
كان نفسي أفرح
زى أى بنت عاديه
تعليق