تويت
يابحر ساكت ليه
وموجك بيضرب فى الصخر
مش عارف بيقوله ايه
يابحر جتللك وانا موجوع
جتلك وعينى مليانة دموع
وبدمعة واحدة منّى
غرقت فى حزنى
ومقلتليش بيحصلى ايه؟!
يابحر انت ليه موجك
عليا قاسى؟
انت فاكر ولا ناسى
مشيتى على رمالك
ويا حبايبى
وسط ناسى
اسأل كل حبة رمل
عن كل خطوة خطيتها
وكل كلمة رسمتها
عن الدنيا والحب
اسألها وحتلاقى الحل
انت موجك قلبه بقى حجر؟
ولا انت كمان حاسس بقهر؟
***
ساكت ليه قوللى
ولا أصدافك خايفة
وموجك أخرس ليه
ورمالك مش شايفة
وأحب اقولك كمان
صخرك أصبح جبان
عايز يسيبك ويمشى
لجل ما يلاقى الأمان
فى مية غير ميتك
ويمة غير يمتك
***
وأنا حسيبك وحامشى
ومش حبُص ورايا
ومش حفكر فيك
واياك تجرى ورايا
أنا عمرى ماحفكر فيك
ولا أحنلك من تانى
ولا مرة حجرى عليك
وحابقى زيك أنانى
وسلام يابحر
تعليق