تويت
فى ليلة قاعد قدام الكرة الأرضية
بادور أى بلد أروحها تنسينى الهموم
ألاقى عنيكى انتى قدام عنيا
تبصيللى .... تتبدد الغيوم
ينزل مطر يبرد قلبى ويطفى ناره
واحس برياح
معرفش شمالية شرقية جنوبية غربية
معرفش بس هى رياح
تخلى القلب يرتاح
ويقول عنيكى وطنى
وطن ينسى الهم
وطن أفديه بدمى
ومش خسارة فيه الدم
وتجيلى نسمة تخلى القلب
يسمىّ بإسم الإله
فيعدى التضاريس
ما بين سهول وجبال
يعدىّ كل الحواجز
ويعض على النواجز
فيكسر الابواب
ويكسر الترابيس
*****
فى الفصل بشرح درس
على خريطة العالم
وربنا العالم بحالى
اكمن جيبى فاضى
ومش عارف اعد مالى
ولما اشتكى يقولوا
وأنا مالى
وبرغم فقرى
وبرغم انى انا فقرى
بحس ان فى عينيكى قصرى
واظن كده
ابقى وفرت لك بيت عصرى
فرشته محبة
وهدمتك فيه برضه محبة
ومتقلقيش ومتستغربيش
بس انتى اصبرى عليا حبة
اصلى انا حلفت اجيبلك
كل الزهور والورود
واطلع قمم الجبال
اخدلك نسمة هوا
عليها الكلام يتقال
وحلفت اجيبلك تاج
من ياقوت البحر ومرجانه
علشان تبقى أميرة كل شاعر
وميهمكيش جنانه
وحلفت اجيبلك توب حرير
من طريق الحرير
وبإيديا اغزله غزل
وكمان حلفت اجيب العالم بين ايديكى
من ساعة ماشوفت عنيكى
وهى فى أخر الفصل
بس لما حلفت
بعت لى الناظر جواب
وكان جواب بالفصل!!!!!!!!
بادور أى بلد أروحها تنسينى الهموم
ألاقى عنيكى انتى قدام عنيا
تبصيللى .... تتبدد الغيوم
ينزل مطر يبرد قلبى ويطفى ناره
واحس برياح
معرفش شمالية شرقية جنوبية غربية
معرفش بس هى رياح
تخلى القلب يرتاح
ويقول عنيكى وطنى
وطن ينسى الهم
وطن أفديه بدمى
ومش خسارة فيه الدم
وتجيلى نسمة تخلى القلب
يسمىّ بإسم الإله
فيعدى التضاريس
ما بين سهول وجبال
يعدىّ كل الحواجز
ويعض على النواجز
فيكسر الابواب
ويكسر الترابيس
*****
فى الفصل بشرح درس
على خريطة العالم
وربنا العالم بحالى
اكمن جيبى فاضى
ومش عارف اعد مالى
ولما اشتكى يقولوا
وأنا مالى
وبرغم فقرى
وبرغم انى انا فقرى
بحس ان فى عينيكى قصرى
واظن كده
ابقى وفرت لك بيت عصرى
فرشته محبة
وهدمتك فيه برضه محبة
ومتقلقيش ومتستغربيش
بس انتى اصبرى عليا حبة
اصلى انا حلفت اجيبلك
كل الزهور والورود
واطلع قمم الجبال
اخدلك نسمة هوا
عليها الكلام يتقال
وحلفت اجيبلك تاج
من ياقوت البحر ومرجانه
علشان تبقى أميرة كل شاعر
وميهمكيش جنانه
وحلفت اجيبلك توب حرير
من طريق الحرير
وبإيديا اغزله غزل
وكمان حلفت اجيب العالم بين ايديكى
من ساعة ماشوفت عنيكى
وهى فى أخر الفصل
بس لما حلفت
بعت لى الناظر جواب
وكان جواب بالفصل!!!!!!!!
تعليق