بسم الله خالقي نتكل اعليه=ربي صانع الكون وخالق الثقلاني
وعلى طه نصلي ونباهي بيه=خاتم الانبيا شفيعنا يوم الحسباني
يوم لاينفع فيه مال وتخبيه=لا ينفع عز ولا جاه ولا ولداني
يوم الحشر لازم اعليك تاتيه=واللي مكتوب اتشوفوا وحداني
يتقابل الخلق ويصد لباريه=وتشهد حروف الآية والقرآني
ويبكي الكافر من امعانيه =يتفكر وش كان عقب ازماني
والمومن تراه سعيد امساميه=ساجد وحامد لرب الاكواني
اللي حرثتوا الهيه اتلاقيه=ساعة يخف وساعة يثقل ميزاني
ربي يتوب علينا بجاه نبيه=يرحم امة محمد العدلاني
شايب وشيب واللي يناديه= يعمر قلوبنا قاع بالايماني
قوادري جاب القول يناجية=ماهو طالب غير الغفراني
يرحم موتانا ويرحم والديه=سبحان الله ايكررها لساني
السكنة زنينة اذ تسأل عليه= تلقاني فيها وتلقى عنواني
الوالد على الإسلام امربيه=وعلىالخير ثاني وصاني