إيه ياجدعان ماحدش حداكم يعرف الخط يفهم الراجل ؟ حد ما يعرفش خط الصعيد ولا إيه // عندك حق مانت من بلجيكا يابو عبدو تفهم في خط البلجيك والتجربة البلجيكية لكن خط الصعيد لع عموما خط الصعيد الأولاني من اسيوط ناحية البداري كان في التلاتينات دوخ الحكومة عشر سنين لحد الحكومة ما طخته بالخيانة // اجرت عليه واحد من رجالته وطخه بالغدر زي ماعملت مع ادهم الشرقاوي // لكن الخط الجديد ده عمي الله يرحمه عزت حنفي // كنا مع الحكومة سمن على عسل لحد عمي لما مارضيش يقفل خاشمه قام الحكومة حرنت وياه وحاوطت بلدنا النخيلة تلات تيام بلياليهم .. بالجيش ياواد عمي .. مش بالبوليس تلات تيام يطخوا فينا ونطخ فيهم موتنا منهم كتييير وجتلو منا شوية منهم حماد واد عمي وبعدين جبضوا على عزت الله يرحمه وحاكموه في محكمة مدينة نصر وحكموا عليه بالاعدام آم جال ليهم نفذوا الحكم فيا بالرصاص لأني حاربتكم بالرصاص لكن الحكومة مارضيتش // ومحمود ياسين الممثل عمل حكايتنا فيلم ياواد عمي هو والواد الممثل احمد السقا الفيلم اسمه الجزيرة .. أنا ماسكتش .. لكن هددتهم ورفعت قضية ومش هاسيب محمود ياسين ومش هاسيب السقا

ملحوظة معلش ياواد عمي كتبت بالعامية فرجاء عدم دخول طه خضر عبد الجيد طه مساعد الطبيب لأنه بيضايج من العامية

وانا بكتب بالعامية لأني في البستان أكتب براحتي ماحدش شريكي لكن أنا وراس عمي عزت بعرف فصحى مليح ،،، حتى اني بقول مضابث .. حد يعرف مضابث وظعن السحاب

دستورك ياواد عمي أصلي ظاعن من حداك دلوكيت

ياعالم ارحموني أول ماكتبت المداخلة دخل طه عبد الجيد طه بتاع الحقن

ممنوع دخول طه

[align=justify]شكرا يا أستاذ حنفي على الشرح كان الله في عونك على الإدارة وفي عون الإدارة عليك!

في الحقيقة سمعت في الخط رأيين رأي يقول إنه بطل كبير (وهو رأي الدكتور الصعيدي أحمد الشيمي الذي سلمه الخط الأكبر مقاليد الخلافة) ورأي يقول إنه قاطع طريق (وهو رأي أخينا الدكتور أحمد الليثي).

للمزيد من المعلومات يرجى زيارة الرابط التالي وقراءة مداخلات "خط الصعيد" (وكلها باللون الأحمر):

http://www.wataonline.net/site/modules/newbb/viewtopic.php?topic_id=10&viewmode=flat&order=ASC&type=&mode=0&start=780

وفي الحقيقة: لولا خوفي على مستقبل الملتقى لبادرت ودعوت خط الصعيد الأكبر (الدكتور أحمد الشيمي) إلى الملتقى!!!

تحية ليثية بلجيكية![/align]