تويت
أنت وين ...؟؟
الهموم البيه خيل أذا مر الليل تصهل
والجروح البيه موطن للسيوف ..
وأنه بين السيف وجروحي أشتهيك
وتشتهي أجروحي أديك ..
أضماد .. باقي من الأمل
وذكريات أيام عايشهن عليك ..
مرني مشتاق الزعل بعيونك أشوفنه دلال
لا أتكَول الراح راح ومايجيك ..
أنت وين ..؟
أنه تعبني أنتظارك
وأنت ماهزك حنين ولا حنينك أجه بيك
وأخر سنين العمر يشغلنه بال
بين ضيعنه فرص وبين بعت أسنين من عمري أشتريك
أنه بغيرك فراشه وعوسجة بر
ويابر اليلم ريح وفراشه وحشة أمضيعين
ألك كلي وحياتي أشكثر مابالعين أشوف الناس أشوفنك
لأنك يقيني ودنيتي وعشكَي .. يمن طول الليالي بحلمي أضمنك
أسطوره وخرافه وعشكَ كله جنون
ماظل حيل عندي ولا تشوف عيون
أنه الغيرك أصيرن حلم متأكد
وأنعم بالخيال وأفرح بروحي
بس أنه أعله حبك خاصمت غيرك
ماأدري شجاني أشبيه بس أرضيك
شهريارك چنت وأسرح بالخيال وأكَطع الليل
لوعندي بديل وماهويتك يوم من قانون مملكتي قرار ألغيك
وعودتني الليل بغيابك أرق
دموع وأهموم ورق
وأنه أنتظرك ملاك وملهم وكلك قصيده
وصحبة الوادم سفر .. وأنه بدروبك محطه
وأشرولي أشباقي عندك يارصيد
الشواطي وذكرياتك .. تضحياتك ..
وأنت باقي بلا خليل
أشبيك ؟؟
مو ماظل وقت ومتاني بلكي إيجيك
كاظم الفضلي
الهموم البيه خيل أذا مر الليل تصهل
والجروح البيه موطن للسيوف ..
وأنه بين السيف وجروحي أشتهيك
وتشتهي أجروحي أديك ..
أضماد .. باقي من الأمل
وذكريات أيام عايشهن عليك ..
مرني مشتاق الزعل بعيونك أشوفنه دلال
لا أتكَول الراح راح ومايجيك ..
أنت وين ..؟
أنه تعبني أنتظارك
وأنت ماهزك حنين ولا حنينك أجه بيك
وأخر سنين العمر يشغلنه بال
بين ضيعنه فرص وبين بعت أسنين من عمري أشتريك
أنه بغيرك فراشه وعوسجة بر
ويابر اليلم ريح وفراشه وحشة أمضيعين
ألك كلي وحياتي أشكثر مابالعين أشوف الناس أشوفنك
لأنك يقيني ودنيتي وعشكَي .. يمن طول الليالي بحلمي أضمنك
أسطوره وخرافه وعشكَ كله جنون
ماظل حيل عندي ولا تشوف عيون
أنه الغيرك أصيرن حلم متأكد
وأنعم بالخيال وأفرح بروحي
بس أنه أعله حبك خاصمت غيرك
ماأدري شجاني أشبيه بس أرضيك
شهريارك چنت وأسرح بالخيال وأكَطع الليل
لوعندي بديل وماهويتك يوم من قانون مملكتي قرار ألغيك
وعودتني الليل بغيابك أرق
دموع وأهموم ورق
وأنه أنتظرك ملاك وملهم وكلك قصيده
وصحبة الوادم سفر .. وأنه بدروبك محطه
وأشرولي أشباقي عندك يارصيد
الشواطي وذكرياتك .. تضحياتك ..
وأنت باقي بلا خليل
أشبيك ؟؟
مو ماظل وقت ومتاني بلكي إيجيك
كاظم الفضلي
عوسجة / نبات بري
بر / الصحراء
اليلم / يجمع
تعليق