تويت
بــس مـاتـقــولــّـيـش كـِـرهـتـك
اعتبرني سنين و عدت
اعتبرني دموع و جفت
و لا زهرة حب دبلت
اعتبرني ....... أي حاجه
بس ماتقوليش كرهتك
لمّا نار الغيره قادت
كل همسة حب نامت
بس فاقت ... و أما قامت
بين دموع الحب غرقت
ياللي ياما جرحت قلبي
الفراق مش بس ذنبي
ذنبك إنت كمان يا حبي
قوللي دنيتنا قاسيتنا
بس ماتقوليش كرهتك
اعتبرني حبيبي قصه
لسّه مابتكملش لسّه
و لا نسمه, ف دنيا حلوه
و انتهت يوم لما مشيت
اعتبرني ذكري كانت
بالدموع و الفرح فاتت
قول حبيبي إنك نسيتني
بس ماتقوليش كرهتك
مش هكون صوره ف جدارك
و لا حلمك أو شعارك
مش هكون غير بس صوره
وسط أوراق بانتظارك
لو تشوفها ..... بلون حروفها
تفتكرها تقول عرفتك
بس ماتقوليش كرهتك
الربيع بيفوت أوانه
و انتظار الكون عشانه
و الورود بتموت و تصحي
و الدفي بيهجر مكانه
و الشتا مهما جفانا
فين نروح فين من هوانه
مش مهم تقول سامحتك
بس ماتقوليش كرهتك
مهما تبقي الدنيا فينا
بكره هتروح من عينينا
و اللي باقي بجد لينا
هوه أيامنا اللي عدت
قول حبيبي إحنا انتهينا
بس ماتقوليش كرهتك
و اعتبرني سنين و عدت
تعليق