تويت
مكالمة مهمة وردود مستعجلة
# مكالمة مهمة جدا ؛ بقلم سحر فوزى - كاتبة وقاصة مصرية - القاهرة
ألو...أزيك يا ابنى..عامل ايه...خد بالك انت من نفسك فى غربتك وأطمن علينا...كل حاجة بقت تمام بعد الثورة....هو صحيح اخواتك الثلاثة قاعدين عاطلين ومحدش فيهم لاقى شغل ...وابن اختك خطفوه الاسبوع اللى فات وطلبوا فدية ولما بلغنا الشرطة قالوا لنا واحنا مالنا ادفعوا وروحوا خدوه ....والتاكسي اللى باشتغل عليه طلعوا البلطجية ضربونى وسرقوه ...والحمد لله اللى عايز حاجة دلوقت بياخدها بالدراع...او يُضرب عن العمل يومين تلاته ولو ما نفذوش طلبه يحرق له كام عربية او يعتصم فى الشارع لغاية لما يزهّق الحكومة وتنفذ له طلبه .. ولو حد قرب له يقولوا الشهيد ويطالبوا بالتعويض....اما الاحزاب الحمد لله بقت زى الرز ولا حد فاهم ده من ده.حتى جوز خالتك لقى نفسه فاضى انضم لواحد منهم واهو رشح نفسه فى الانتخابات...لكن طبعا كلنا عارفين مين اللى حيكسب من دلوقت ....اصلهم فهموا اللعبه خلاص...اما الفلول فهم بخير والحمد لله كل يوم واحد يترقى ويمسك منصب مهم...وكل يوم فى الاخبار يقولوا حنجيب الفلوس المنهوبة ولا حد بيجيب ولا بيودى... اما الاسعار فهى فى زيادة مستمرة واهو العيد داخل علينا ولا جبنا لحمة ولا حاجة قلت لاخواتك ابقوا اسمعوا (مأمأة) خروف الجيران ...وطبعا استلفت من عمتك علشان اكمل الشهر....ولما امك تعبت من كام يوم رحت اوديها المستشفى قالوا لى حالتها خطر وادفع 5000 جنيه تحت الحساب.... روحتها طبعا واهى من ساعتها فى غيبوبة.... والله احسن لها على الاقل ما تشفش اللى احنا فيه...معلش اقفل دلوقت ياأبنى اصل دورى فى طابور العيش جه!!!!!........
# ردود مستعجلة جدا ؛ بقلم محمد سليم- السعودية
آآآلو..إيوه يا با.,وغوشتني عليك وأمي وجوز خالتي وعلى مصر كلآتها ..طمّني.. هنا كلهم نازلين فينا قرّ ونق ويقولوا عندكم ثورة ثورة وراس النظام طارت بلا عودة..والنبي يا با ..أبقى أسأل جوز خالتى الثورة أزيها وماشية وألا وقفت عند الراس..بس الحمد لله أنك قلت لي كل حاجة متوفرة عندكم وبقت زي الرز أحزاب زي الرز وفلول زي الرز وبلطجية أكثر من الرز ..أطمئن يا با بالطريق شوال رز سعودي مستورد وإن شاء الله أمى تخف لما تشرب شربة رز ...وأبقي أعصر لها لمونة بالشوربة ..وع فكرة المفعوص أبن اختى دفعتوا له الفدية وألا أبعت لك كمان ورقتين خُضر........... آآآآلو آآآآلو.. الخط أتقطع ..
# المكالمة الثالثة ..من الأب لأبنه :
ألو..أنت فين يا بني.. معلش جات بسيطة.. البلطجية سرقوا الخط وخطفوا كيسة العيش مني ..حتى الجلابية طمعوا فيها ..بس الحمد لله ...أبوك كان لابس جلابية أحتياطي تحت الكلسون .. وصحتي ؟ زي البمب..عايش لسه ما استشهدش ..وأنت عامل أيه.. خد بالك من نفسك و..بلاش حكاية الثورة دي أوعي يكون عندكم ثورة تبقي مصيبتنا مصيبة ..وأبقى خد بالك من أخواتك وأمك أمانة والأعمار بيد الله ..ومتعوقش يا بني أرجع بقه الفلول حتمسك ..........آآآلو ..الخط أتقطع ..
#.. من الابن :
أطمئن يا با بعت لك ريالات حمرا للحمة والعدية وكمان كام عباية لك ..وشنطة ملابس لأمى واخواتي على العيد ..ولو اشتريت خروف أبقى سجّل مأمأته ووزعها ع الفلول....آآآآلو.......الخط أتقطع.
# و الأخيرة..من الأب :
-:آآآلو..كله مقدر ومكتوب يا بني..المؤمن مصاب..و أمسك نفسك يا ضناي......
-: خير.. أمي جري لها حاجة ؟...الواد أبن أختى سيحو دمه؟..الفلول مسكت في خناق الثوار..
الأهرام أتسرقت ..برج القاهرة سيّحوه وسرقوا حديده.. البلد مالها يا با ؟..الحرامية مسكوهم بالفلوس ..
-: لا يا بني أطمئن الحمد لله الشمس لسه بتطلع علينا بالنهار و
وميّة النيل لسه ماشية فالمواسير ..والعسكر في كل حته..
والفلول فوق عالسطوح ..والثوار عالأرض ..والناس لسه روحها ما طلعتش ...
بس يعني ..العبارة " بيلا "غرقت في نويبع ..والراجل غرق فالبحر مع الشنط .. علينا العوض ..و
عيد مبارك..............................
08/11/2011
ألو...أزيك يا ابنى..عامل ايه...خد بالك انت من نفسك فى غربتك وأطمن علينا...كل حاجة بقت تمام بعد الثورة....هو صحيح اخواتك الثلاثة قاعدين عاطلين ومحدش فيهم لاقى شغل ...وابن اختك خطفوه الاسبوع اللى فات وطلبوا فدية ولما بلغنا الشرطة قالوا لنا واحنا مالنا ادفعوا وروحوا خدوه ....والتاكسي اللى باشتغل عليه طلعوا البلطجية ضربونى وسرقوه ...والحمد لله اللى عايز حاجة دلوقت بياخدها بالدراع...او يُضرب عن العمل يومين تلاته ولو ما نفذوش طلبه يحرق له كام عربية او يعتصم فى الشارع لغاية لما يزهّق الحكومة وتنفذ له طلبه .. ولو حد قرب له يقولوا الشهيد ويطالبوا بالتعويض....اما الاحزاب الحمد لله بقت زى الرز ولا حد فاهم ده من ده.حتى جوز خالتك لقى نفسه فاضى انضم لواحد منهم واهو رشح نفسه فى الانتخابات...لكن طبعا كلنا عارفين مين اللى حيكسب من دلوقت ....اصلهم فهموا اللعبه خلاص...اما الفلول فهم بخير والحمد لله كل يوم واحد يترقى ويمسك منصب مهم...وكل يوم فى الاخبار يقولوا حنجيب الفلوس المنهوبة ولا حد بيجيب ولا بيودى... اما الاسعار فهى فى زيادة مستمرة واهو العيد داخل علينا ولا جبنا لحمة ولا حاجة قلت لاخواتك ابقوا اسمعوا (مأمأة) خروف الجيران ...وطبعا استلفت من عمتك علشان اكمل الشهر....ولما امك تعبت من كام يوم رحت اوديها المستشفى قالوا لى حالتها خطر وادفع 5000 جنيه تحت الحساب.... روحتها طبعا واهى من ساعتها فى غيبوبة.... والله احسن لها على الاقل ما تشفش اللى احنا فيه...معلش اقفل دلوقت ياأبنى اصل دورى فى طابور العيش جه!!!!!........# ردود مستعجلة جدا ؛ بقلم محمد سليم- السعودية
آآآلو..إيوه يا با.,وغوشتني عليك وأمي وجوز خالتي وعلى مصر كلآتها ..طمّني.. هنا كلهم نازلين فينا قرّ ونق ويقولوا عندكم ثورة ثورة وراس النظام طارت بلا عودة..والنبي يا با ..أبقى أسأل جوز خالتى الثورة أزيها وماشية وألا وقفت عند الراس..بس الحمد لله أنك قلت لي كل حاجة متوفرة عندكم وبقت زي الرز أحزاب زي الرز وفلول زي الرز وبلطجية أكثر من الرز ..أطمئن يا با بالطريق شوال رز سعودي مستورد وإن شاء الله أمى تخف لما تشرب شربة رز ...وأبقي أعصر لها لمونة بالشوربة ..وع فكرة المفعوص أبن اختى دفعتوا له الفدية وألا أبعت لك كمان ورقتين خُضر........... آآآآلو آآآآلو.. الخط أتقطع ..# المكالمة الثالثة ..من الأب لأبنه :
ألو..أنت فين يا بني.. معلش جات بسيطة.. البلطجية سرقوا الخط وخطفوا كيسة العيش مني ..حتى الجلابية طمعوا فيها ..بس الحمد لله ...أبوك كان لابس جلابية أحتياطي تحت الكلسون .. وصحتي ؟ زي البمب..عايش لسه ما استشهدش ..وأنت عامل أيه.. خد بالك من نفسك و..بلاش حكاية الثورة دي أوعي يكون عندكم ثورة تبقي مصيبتنا مصيبة ..وأبقى خد بالك من أخواتك وأمك أمانة والأعمار بيد الله ..ومتعوقش يا بني أرجع بقه الفلول حتمسك ..........آآآلو ..الخط أتقطع ..
#.. من الابن :
أطمئن يا با بعت لك ريالات حمرا للحمة والعدية وكمان كام عباية لك ..وشنطة ملابس لأمى واخواتي على العيد ..ولو اشتريت خروف أبقى سجّل مأمأته ووزعها ع الفلول....آآآآلو.......الخط أتقطع.
# و الأخيرة..من الأب :
-:آآآلو..كله مقدر ومكتوب يا بني..المؤمن مصاب..و أمسك نفسك يا ضناي......
-: خير.. أمي جري لها حاجة ؟...الواد أبن أختى سيحو دمه؟..الفلول مسكت في خناق الثوار..
الأهرام أتسرقت ..برج القاهرة سيّحوه وسرقوا حديده.. البلد مالها يا با ؟..الحرامية مسكوهم بالفلوس ..
-: لا يا بني أطمئن الحمد لله الشمس لسه بتطلع علينا بالنهار و
وميّة النيل لسه ماشية فالمواسير ..والعسكر في كل حته..
والفلول فوق عالسطوح ..والثوار عالأرض ..والناس لسه روحها ما طلعتش ...
بس يعني ..العبارة " بيلا "غرقت في نويبع ..والراجل غرق فالبحر مع الشنط .. علينا العوض ..و
عيد مبارك..............................
08/11/
2011
تعليق