تويت
سرقة حذاء المشير طنطاوى عقب اداءه لصلاة عيد الأضحى
وكعادة المصريين امتلأت الصفحات بالتعليقات الساخرة
على موضوع سرقة الحذاء بينما ظهرت اكثر من 4 صفحات
على الفيس بوك تعلن مسئوليتها عن حادث سرقة الحذاء :
من أجمل التعليقات
-1: مدرعات تجوب القاهرة ليلا في سرية تامة بحثا عن جزمة المشير
-2: سرقة جزمة المشير بتثبت إن لا بديل عن الأحكام العرفية
-منصور العيسوى:المشير معندوش جزمه اساسا
-العيسوى : أساساً مفيش مشير عشان يبقى فيه جزمه
-العيسوي : احنا معندناش جزم في مصر
-خبير استراتيجى : سرقة جزمة المشير مخطط لتقسيم مصر فردة يمين وفردة شمال
-اسامة هيكل وماسبيرو: نناشد المواطنين الشرفاء بالبحث
عن جزمة المشير والادلاء باي معلومات عن السارق
-مرتضى منصور : انا عندى سيديهايه للى سرق الجزمه ومعايه مقاسه كمان
-يا بخت اللى سرق جزمه المشير ,, والله عيل جرئ دا انا اخاف اسرق جزمة امين شرطه
-المشير هينتج فيلم جديد اسمه (رد جزمتي)
ا-لمشير سرق الثوره والشعب سرق الجزمه
ا-التسليم السلمي للجزمة هيتم ف خلال 6 شهور
-التلفزيون المصرى :قله مندسه واصابع خفيه تلعب فى جزمه المشير ولكن مازال الرباط شديد بين الجيش والشعب
-توفيق عكاشه: يا سياده الموشيير مهو انت يا خويا لو
كنت واخدها تحت باطك وانت داخل كداهون مكنتش إتسرقت
احمد زوبيضر : هذا مخطط ماسونى لمعرفه مقاس المشير
-اللواء الفنجري ( مشيرا باصبعه ) : و لن نسكت على اى محاولة للمساس بامن و مقدرات الجزمة
-التلفيزيون المصري ينفي خبر اختفاء جزمة المشير ويعرض فيديو قديم لها من حفل اكاديمية الشرطة
-الجيش حمى الثورة ولم يحمي الجزمة
- مثلما قام الجينرال ( مينا ) بتوحيد القطرين، أكيد في بطل حييجي يوحد الفردتين
-تعلن عصابة ولاد ابو اسماعيل عن مسؤليتها عن سرقه جزمة المشير
وتطلب فديه ثلاثه مليون دولار وتعطيه مهله 48 ساعه ولا سيتم
اعدامها فورا علي مراي ومسمع العالم كله وده اخر انذار
بعد البيان مباشرة :اعداد هائله من الجزم تنهال بغزاره على المجلس العسكرى لجنه تقصى الحقائق : لقد تم سرقه جزمه المشير وهو لابسها
بانتظار تعليقات و قفشات أعضاء الملتقى
مرحبا بتعليقاتكم
مرحبا بتعليقاتكم
تعليق