تويت
مظاهرة ثورية في الغرفة الصوتية
صادق حمزة المنذر : نحييكم من الغرفة الصوتية على الهواء مباشرة من اذاعة صوت العرب من ملتقى الأدباء و المبدعين العرب ,, الرجاء ارتداء المعاطف الواقية من المطر و القمصان الواقية من الرصاص
سليمى السرايري : معنا اليوم شاعر و شاعر و أديب و أديبة و ثائر و ثورية و ستكون السهرة غير عادية ,, فكونوا معنا
نجلاء نصير : نبدأ سهرتنا بمواجهة مع أديبنا غسان اخلاصي حول مستجدات الوضع في الشرق الأوسط
غسان اخلاصي : الحقيقة يا أخت نجلاء الحالة لا تسر , و المؤامرات على اشدها و لازالت بعض الدول تقتنع بفكرة الثورة رغم محاولتنا تصحيح أفكارهم
عبد العزيز عيد : انا لسه داخل و سامع حد بيقول مفيش عندنا ثورة
أحمد فريد : مقلتش حاجة و الله على ما أقول شهيد
عبد العزيز عيد : الناس دي لازم تعرف ان عندنا ثورة و اللي مش حيقتنع حقفل الغرفة دي و اشمّعها بالشمع الأحمر
فوزي بيترو : يا أخي طول بالك علينا ,, انتم تعيشون اكذوبة الربيع العربي ,, هذا ما حصّل حتى الخريف و لا نسمات الصيف و ابقى اسمع قصيدتي الشعرية في هذا الأمر
محمد سليم : مكرونة شعرية ايه و نسمات مين ,, أحنا كان عندنا ثورة
هيا اه اكلتها القطة ,, بس مش أنا اللي يتضحك عليا و يسرقوا عروستي .. دنا دافع فيها دم قلبي يا ناااااااااس
هيا اه اكلتها القطة ,, بس مش أنا اللي يتضحك عليا و يسرقوا عروستي .. دنا دافع فيها دم قلبي يا ناااااااااس
منار يوسف : أنا جاهزة بالملوتوف .. حنتظاهر امتى ؟
فوزي بيترو : انا عامل حسابي و دايما بدخل و معى طفايات الحريق و الدروع و الموسيقى و القصيدة ,, يا ريت نغير الموضوع
عبد العزيز عيد : أحنا نخلّص الأول موضوع الثورة ,, و بعدها نشوف مين حينضرب و مين حيعتصم
غسان اخلاصي : لازم يا جماعة يكون بينا حوار هادىء و نفهم أن هناك مؤامرات غربية لتغيير وجه المنطقة العربية
احمد ابو زيد : برضه حيقول مؤامرة ,, اليوم ده مش حيعدي على خير
محمد شعبان الموجي : يا تتكلموا بهدوء يا أجيب بلدوزر يشيل الغرفة دي باللي فيها من على وجه الأرض
سليمى السرايري : من فضلكم ,, الكلام يكون برقة ,, أنا شعر راسي وقف من الخضة ,, فين المراية
ماجي نور الدين : أنا شايفة أننا نعمل مسابقة و نشوف مين حيكسب وسام الأستفزاز الذهبي
نجلاء نصير : أنا بقول نعمل لهم مواجهات و نشدد عليهم الحصار و التعذيب لحد ما يبان لهم صاحب
سعاد عثمان : الأفضل أننا نحوّل الغرفة لدولة عربية تحكمها النساء طالما الرجال مش عارفين يحكموا
عائشة بلجيلالي : صح يا أستاذة سعاد و أنا بقترح ان النساء تعمل و تنتج و تزرع و تشق الترع و الرجال تخبز و تطبخ و تغسل و تنشر الغسيل كمان
ريما منيرعبد الله : طيب ازاي حينشروا الغسيل إذا كان الغرفة كلها مفيش فيها حبال .. اعملوا عقولكم يا أخواتي
أحمد أبو زيد : أنا من البداية بقول أن الموضوع فيه تسييس و تمييع للقضية الأساسية
مصطفى بونيف : أنا ( و أعوذ بالله من كلمة أنا ) لسة داخل .. هيا ايه القضية
عبد العزيز عيد : و الله ما أنا عارف بس أنا فاكر أن كان فيه قضية أساسية بنتكلم فيها قبل ما يتوهونا في التسريحات و الغسيل و الطبيخ
أحمد أبو زيد : أنا دلوقت اتأكدت أن فيه مؤامرة و مخطط لعمل غسيل مخ و كلاوي للشعب المصري و ده وضع مش ممكن يتسكت عليه أبدااااااا
منار يوسف : أضرب كرسي في الكلوب يا أستاذ ؟
محمد سليم : اضربي يا منار ,, لا يسلم الشرف الرفيع من الأذى حتى يراق على جوانبه الدمُ .. أنا عارف أن اليوم ده مش حيعدي على خير و حتبقى ضلمة
محمد شعبان الموجي : و تم حصر الضحايا في الغرفة الصوتية ما بين قتلى و جرحى و تلفيات نفسية و عصبية و تم ترحيل الجميع خارج الملتقى للأبد
أما شعبان الموجي فقد تم استدعاؤه من قبل نيابة أمن الدولة للتحقيق معه .. مع التوصيات المشددة من قبل منظمات دولية و جهات حقوقية بضروره اعتقاله و تعذيبه و تفجيره لاتهامه بالتستر على خلية ارهابية في صورة غرفة صوتية
أما منار يوسف فقد تم حرمانها من دخول الغرفة ليوم القيامة
منار يوسف : ده ظلم و الله أنا كنت داخلة أهدي النفووووس أهىء أهىء عاااااااا
منار يوسف
تعليق