تويت
.......................................
أنا قلبى عطشان حرية
عشق النبات للمية
أنا قلبى لو مش حر يموت
لو حر جوه الصعب يفوت
ياقلبى اصرخ على الصوت
رجعت بكرة خلاص ليا
………………………
أنا قلبى ملاك جواه احساس
مليان محبة لكل الناس
ولاده واقفة عليه حراس
تحميه وتبنى سنين جاية
...............................
أنا قلبى كتاب جميل مفتوح
حروفه عطر يرد الروح
يقولها عالية بكل وضوح
صفحاتى كلها وطنية
............................................
أنا قلبى كان مهموم وحزين
حقه المهضوم راح على فين
عايش تايه شهور وسنين
صابر يدعى دعوة قوية
...........................................
أنا قلبى كان عايش محبوس
والظلم كان على راسه يدوس
نافش ريشه كأنه طاووس
لما انكسر مالهوش دية
.........................................
أنا قلبى كان جواه بركان
لو ثار بيملا ألف ميدان
الكل هتفوا فى كل مكان
ودعنا عصر السلبية
....................................
أنا قلبى كان أسير مخطوف
أخرس لسانه ملاه الخوف
لما صرخ ملايين وألوف
الدنيا شاهدة علينا تشوف
رفعنا راسك يابهية
............................................
كلمات : عصام ميره
تعليق