تويت
منذ دخلت منار عالم المنتديات و هي تعاني من الكوابيس التي جعلت ليلها نهار و نهارها ليل
حتى وصل بها الحال أن تكون ضيفة دائمة في عيادة الطبيب النفسي
حتى وصل بها الحال أن تكون ضيفة دائمة في عيادة الطبيب النفسي
( 1 )
منار : يا دكتور ألحقني أنا بتحصل لي كوابيس رهيبة بشكل لا يصدقه عقل .. حتى أني فكرت أني ملبوسة من العياذ بالله .. اللهم احفظنا ..
الدكتور : خير .. أحكى لي عن كوابيسك
منار : شوف يا دكتور .. أنا فجأة بلاقيني في مكان مرعب رهيب .. فيه خليط غريب من البشر من كل شكل و لون و اتجاه
الدكتور : أزاي ده .. يا ريت تحكي بالتفاصيل
منار : بلاقي نفسي دخلت مدينة كبيرة أسمها ( المنتدى ) بها قرى و نجوع و شوارع لا حصر لها و لا عدد حتى أني بتوه فيها و أحيانا لا أعرف أعود لبيتي
الدكتور: يا لطيف .. يا لطيف
منار : المدينة لها حاكم و كل يوم و التاني يحصل تمرّد ضده و تقوم عليه ثورة تطالب بإسقاطه .. و أفضل طول الحلم أفكر حيسقطوه ليه و أزاي ؟؟ ومين الأصابع الخفية و الأجندات مع مين و يا ترى حيورطوني أزاي في المؤامرة و حيدربوني في أي خرابة ؟ طيب و بعد ما يسقطوه حيتحاكم و لا حيغتالوه و لا حيسلخوه .....
الدكتور : دى مدينة رهيبة فعلا
منار : كمان فيه قرية كل ما أعدي من جنبها أسمع صراخ و تهديد ووعيد و ضرب نار و اتفاجىء بجثث أترمت فوق دماغي زي المطر
و لما الفضول يشدني عشان ارجع .. ألاقي الجثث صحت و بتتكلم و رجع الصراخ والتهديد و الوعيد و ضرب النار
الدكتور : يا مغيث يا مغيث .. دي أسمها أيه القرية دي ؟
منار : بيقولوا عليها قرية الثورات و الفيضانات
الدكتور : اللهم ألطف بعبدك الضعيف
منار : و .. شفت حد بيقول يا حمير يا حمير
طبعا بصيت لنفسي على طول .. و بقيت أزعق و أقول .. أنا مش حمارة .. أنا مش حمارة .. الحمار هو اللي بيسكت ع الغلط .. راح قاللي اسكتي يا مغيّبة قلت له .. أهو أنت .. أهو أنت .. و فضلت أصرخ و ازعق لحد ما الدنيا كلها صحت
الدكتور : يااااه .. أنتِ عشتِ مأساة
منار : مش بقولك كوابيس رهيبة
دكتور : ها كملي
منار : لا خلاص تعبت .. الجلسة الجاية أكمل
إلى اللقاء
تعليق