تويت
اسمعوا آخـــــــــــرالأنباء
مسئول بيقول دا وبـــــــاء
والاسم العلمى بتاعــــــــه
أنفلونـــــــــــــزا الرؤساء
فيه فيرس جــــــن اتحوّر
يجــى ع الرؤساء ويشوّر
ع اللى بيسرق ويــــــزوّر
واللى معندوش أخـــــلاق
فيرس بيجيب م الآخـــــر
يدخل ع الحـــــاكم ساخر
ويقول له بذوق اتــــّــاخر
قبل مــــــــــاتقلب بخناق
اتـــــــــّــاخر يبقى بيفهم
اتــــــــــــــــأخر الله أعلم
المخفى ح يلحــــــق يندم
والــــــــــلا الفيرس سبّاق
ظهر الفيرس فى ينايـــــر
متعكر دمـــــــــه وفايـــر
كـــان خامل وصبح ثاير
واتمرد ع التريـــــــــــاق
حكـــــــام وخيبتهم مايله
أكلوهــــــا سليمه وسايله
أولهم كـــــــان جوز ليلى
وتانيهم كـــــــان بوعلاء
جــــــوز ليلى فهم متأخر
بوعــلاء م الخضه اتبخر
والفيرس كــــــان متسخر
لا مجــــــامله ولا استثناء
دخـــل الفيرس ع التالت
ودا كـــــان مختل وفالت
مـن عقله الحكمه اتشالت
وأهو راح وكأنه ماجــاء
والرابــــــع سوّف ماطل
وخلط بـــــــالحق الباطل
وآخرهـــا ح يقعد عاطل
وح يلجــــــــــــأ للأعداء
وخــامسهم لأ مش طيب
دا حلف بـــأبوه مايسيب
انما ح يطب قـــــــــريب
والمفتى خـــــــد الأوراق
ويـــافيرس اجرى شويه
فيه دولـــــه عزيزه علىّ
جـــار اللى حاكمها وهى
أصغر من حى بـــــولاق
أرجوك مش عايزه يعدى
وديـــــــه مطرح ماتودى
وان كنت يــافيرس مادى
تبقــــــى الثورات أرزاق
تعليق