تويت
ع التلتوار
نملاية بتستنى اللقمة
من أي بواقي رغيف مقطوع
والسرب النمل ف سراديبه
بيعاني الجوع
ماهو كل ما يخرج لجل العيش
بيقابل جيش
وقنابل غاز
ورصاص ممنوع
ومافيش سليمان
علشان ما يرص الناس بنظام
أو يحمد ربه على النعمة
وما بين الاطرش والاعمى
النملة الواقفة بتستنى ع التلتوار
بدأت تنهار
لاهي عارفة تعود جوه السرداب
ولا لاقية جواب
لسؤال بيلح بقاله شهور
النور مكسور
والحق اتبعتر ويّا الزور
إزاي حتعيش
وطيور السما كلها خفافيش
والليل بيدق على الابواب
في الشرق ضباب
والغرب ضباب
وشمالها سلاح مسنون حدين
وجنوبها خلاص اتقسم اتنين
لاهي عارفة تعدي الليل والغيم
ولا عارفة تعود جوه السرداب
ومافيش سليمان
ومافيش اتباع
الكل ف عين الكل اتباع
والنملة بتستنى اللقمة
من اي بواقي رغيف مقطوع
واما لقيتها
كان كل النمل ف سراديبه
ميت م الجوع
ع التلتوار!!
نملاية بتستنى اللقمة
من أي بواقي رغيف مقطوع
والسرب النمل ف سراديبه
بيعاني الجوع
ماهو كل ما يخرج لجل العيش
بيقابل جيش
وقنابل غاز
ورصاص ممنوع
ومافيش سليمان
علشان ما يرص الناس بنظام
أو يحمد ربه على النعمة
وما بين الاطرش والاعمى
النملة الواقفة بتستنى ع التلتوار
بدأت تنهار
لاهي عارفة تعود جوه السرداب
ولا لاقية جواب
لسؤال بيلح بقاله شهور
النور مكسور
والحق اتبعتر ويّا الزور
إزاي حتعيش
وطيور السما كلها خفافيش
والليل بيدق على الابواب
في الشرق ضباب
والغرب ضباب
وشمالها سلاح مسنون حدين
وجنوبها خلاص اتقسم اتنين
لاهي عارفة تعدي الليل والغيم
ولا عارفة تعود جوه السرداب
ومافيش سليمان
ومافيش اتباع
الكل ف عين الكل اتباع
والنملة بتستنى اللقمة
من اي بواقي رغيف مقطوع
واما لقيتها
كان كل النمل ف سراديبه
ميت م الجوع
ع التلتوار!!
تعليق