تويت
أنت هو سباب ضرَي .
أنت هو سباب ضرَي
.........
وأنا اللي حسبتني بزهري
ساعاك الهم كان حالف
انت هو سباب ضري
ياقلبي واش بيك تالف ؟
لا طالب لاطبيب يفري
حالي ديما معاك واقف
قاعد ولعوام تجري
واشحال أنا عليك خايف
لحبيب اللي فيه تشري
هاهو اليوم ليك نايف
باعك آلقليب بكري
واهجر كيما راك شايف
مليت القول ،ملَ صبري
ولساني ملَ والشفايف
والله بيك ضاق صدري
ياقلبي لاش راك تالف ؟
..........
ادور الدايرة "سويدي"
اوترجع لي كي الخادم
تبوس الصباط ويدي
وتقول أنا عليك نادم.
ابغيتك ماكان قصدي
نهلك روحي يا الظالم
ضحيت بما كل عندي
ولقيتك لي ماتوالم
ياسيدي فيك خاب سعدي
تعليق