تويت
[align=center]زرغتى يا أمّة
ان أنا طالع من الحبس بكفالة
وافتحى الراديو على أعلى الأغانى
وابقى قولى لجحش منّة
ان أنا ما زلت راجل زى مانى
بعشق السيف المعافر
صدرى بنيّة غويطة بتحضن الطير المسافر
قلبى تكعيبة محبّة
وضحكتى نبيت القنانى
ابقى قولى لجحش منّة
ان أنا ما زلت راجل زى مانى
صوت وبصّة نار وآية
كلمتى العصيان وتسبيحى الهداية
رغم طول الليل أبو الخطوة التقيلة فوق دمايا
والقصيدة اللى انتنت فوق البدن جبّة وعبايا
والوجع جوّاى وتنهيد الصبايا
اللى راسمينّى على حيطان الحارات
واللى ناقشينّى على جلد الايدين والكراسات
واللى كاتبينّى على طروف المعالق والأناجر
والفناجين والصحون والكبّيات
طمنى الحتّة عليّا وطمنى كل البنات
اللى لما بيبردوا بيتغطّوا بيّا
واللى لما بيرقصوا ببقى الصاجات
واللى لما يغنّوا ببقى العود وأوتار القانون
والناى ولحن الأغنيات
طمنى كل البنات
الوجع دايس على وتر السكات
والكلام طالع بيصفر بين ودانى
بس راجل زى مانى وجاى أغنى
جاى وشايل بين دراعاتى التمنى
شيلى منّى وشيلى عنّى
جتتى أتقل من الحلم المكابر
والوجع مكتوم وصابر
والكلام ع القهوة أصدق من حكايات المنابر
والحقيقة بوشها العابر بتهرب من لحافى
جاى لك عريان وحافى ..
.. طيرة مخنوقةعلى حيطان الزنازين والمنافى
ضهرى متنى من القصيد السل
والكلمة الجريحة الواقفة فوق عضمة كتافى
لفحة الكرباج بترعش وردة الناس الغلابة
والصريخ غنوة على بطن الربابة
والمخابر زيّهم زى الديابة بينهشوا بطن الضحيّة
والمسا غربان على وش الرعيّة
طمنّى يا أمّة البنيّة القاعدة بين دمى ووريدى
ان أنا البدن الصعيدى
طمنى يا أمة البنية الواقفة بين شباك ملامحى
ان أنا لسانى قمحى
لون حسن وحسين وخضرة وسيدة وعبد الحميد
لون ولاد بلدى اللى صاموا
وغمسوا الفرحة بصديد
طمنى الوردة اللى بين ورقات أجندة
بنت بتشاور على السكة الحديد
إن أنا راجع وناوى
أفضح العسكر على كل القهاوى
اللى دقوا دماغى بكعوب البيادات والبنادق
واللى جرّونى على وش البلاط أبو طعم حادق
واللى دخانهم معبق فى الدهاليز والخنادق
جوّا صدرى
يا بنات الحى
جى الصبح بدرى
أبدر الريح فوق ضفيرة البنت صابحة
وأسند الحاجة أم سيد للوكالة
وأسحب البقرات لجرن الست فاطمة
وأسعى للرزق المعلّق ع السقالة
والقصيدة الواقفة ع السن اليمانى
وأحضن الطفلة اللى شايلة فى عبّها
( نهار برتقانى )
وابقوا قولوا لجحش منّة
إن أنا ما زلت راجل زى مانى
بزرع الضحكة على عنبة مخيمر
وأرعى جديان عم حامد
وأما أقول يارب ..... بدعى بقلب جامد
وأسعى للرزق المعلق ع السقالة
زرغتى يا أمة ان أنا طالع من الحبس بكفالة
والعنى الزنزانة والعتمة الغبيّة
والصريخ بالليل وزند البندقية
اللى سايب بصمته فوق عضمياتى
وابقى قولى لجحش منّة
ان أنا لسّة جدع ومغنواتى [/align]
ان أنا طالع من الحبس بكفالة
وافتحى الراديو على أعلى الأغانى
وابقى قولى لجحش منّة
ان أنا ما زلت راجل زى مانى
بعشق السيف المعافر
صدرى بنيّة غويطة بتحضن الطير المسافر
قلبى تكعيبة محبّة
وضحكتى نبيت القنانى
ابقى قولى لجحش منّة
ان أنا ما زلت راجل زى مانى
صوت وبصّة نار وآية
كلمتى العصيان وتسبيحى الهداية
رغم طول الليل أبو الخطوة التقيلة فوق دمايا
والقصيدة اللى انتنت فوق البدن جبّة وعبايا
والوجع جوّاى وتنهيد الصبايا
اللى راسمينّى على حيطان الحارات
واللى ناقشينّى على جلد الايدين والكراسات
واللى كاتبينّى على طروف المعالق والأناجر
والفناجين والصحون والكبّيات
طمنى الحتّة عليّا وطمنى كل البنات
اللى لما بيبردوا بيتغطّوا بيّا
واللى لما بيرقصوا ببقى الصاجات
واللى لما يغنّوا ببقى العود وأوتار القانون
والناى ولحن الأغنيات
طمنى كل البنات
الوجع دايس على وتر السكات
والكلام طالع بيصفر بين ودانى
بس راجل زى مانى وجاى أغنى
جاى وشايل بين دراعاتى التمنى
شيلى منّى وشيلى عنّى
جتتى أتقل من الحلم المكابر
والوجع مكتوم وصابر
والكلام ع القهوة أصدق من حكايات المنابر
والحقيقة بوشها العابر بتهرب من لحافى
جاى لك عريان وحافى ..
.. طيرة مخنوقةعلى حيطان الزنازين والمنافى
ضهرى متنى من القصيد السل
والكلمة الجريحة الواقفة فوق عضمة كتافى
لفحة الكرباج بترعش وردة الناس الغلابة
والصريخ غنوة على بطن الربابة
والمخابر زيّهم زى الديابة بينهشوا بطن الضحيّة
والمسا غربان على وش الرعيّة
طمنّى يا أمّة البنيّة القاعدة بين دمى ووريدى
ان أنا البدن الصعيدى
طمنى يا أمة البنية الواقفة بين شباك ملامحى
ان أنا لسانى قمحى
لون حسن وحسين وخضرة وسيدة وعبد الحميد
لون ولاد بلدى اللى صاموا
وغمسوا الفرحة بصديد
طمنى الوردة اللى بين ورقات أجندة
بنت بتشاور على السكة الحديد
إن أنا راجع وناوى
أفضح العسكر على كل القهاوى
اللى دقوا دماغى بكعوب البيادات والبنادق
واللى جرّونى على وش البلاط أبو طعم حادق
واللى دخانهم معبق فى الدهاليز والخنادق
جوّا صدرى
يا بنات الحى
جى الصبح بدرى
أبدر الريح فوق ضفيرة البنت صابحة
وأسند الحاجة أم سيد للوكالة
وأسحب البقرات لجرن الست فاطمة
وأسعى للرزق المعلّق ع السقالة
والقصيدة الواقفة ع السن اليمانى
وأحضن الطفلة اللى شايلة فى عبّها
( نهار برتقانى )
وابقوا قولوا لجحش منّة
إن أنا ما زلت راجل زى مانى
بزرع الضحكة على عنبة مخيمر
وأرعى جديان عم حامد
وأما أقول يارب ..... بدعى بقلب جامد
وأسعى للرزق المعلق ع السقالة
زرغتى يا أمة ان أنا طالع من الحبس بكفالة
والعنى الزنزانة والعتمة الغبيّة
والصريخ بالليل وزند البندقية
اللى سايب بصمته فوق عضمياتى
وابقى قولى لجحش منّة
ان أنا لسّة جدع ومغنواتى [/align]
تعليق