تويت
غيِّر نَفْسك
ابراهيم خالد احمد شوك
أحسن ننضف الظاهر والباطن وضميرنا يبقى حساس
نشعر بمعاناة أهلنا وحبايبنا ومعارفنا ونزيل عوج الناس
نتفقد جيرانا القراب والبعاد وما نتلصص ونكتم ليهم الانفاس
تلقانا فى كل الملمات قدام أوكات الفرح ولحظات الباس
نختار حلو الكلام ولسانا ما يكون للشر ناشر وعوَّاس
الكلمة الطيبة والبسمة صدقة وكلو للسيئات كنَّاس
ثقتنا فى الله ماليها حدود والايمان الصادق نِعمَ الساس
أفتح صفحة جديدة للحب الصافى واكتب من أول الكراس
"أبدا التغيير من جواى وأكون للمودة بانى وكوَّاس"
لاتغشى مجالس النميمة والفتن وكون مع الأبرار جَلّاس
لاتتشائم ولاتنظر دايماً للنص الفاضى من الكاس
طيِّب نفسك واجعل حسن الخلق والمعشر نبراس
تحظى بحب الخالق والمخلوق ويدوم لك عملك حرّاس
تعليق