وَعْلآش يَآ لَيامْ ؟

**خديجة بن عادل** · 26-01-2012, 14:37

http://1.bp.blogspot.com/--eEy0D_-GTU/TxgZtdZgdII/AAAAAAAABJI/hUnadSBl9xA/s640/manaeer-6603c29e0d.gif

كيفاش أنخليك يا الغالي
وحبي هو بين أيديك حكاية
شملت فيه الحاير والمليح من كل ديرة
سكنت القلب من عهد قديم بزاف
يلا أرواح بلآك من الزعاف
راهي محبتك قوية وغواية
وأنت طبيبي ودوايا
هوايا وكل مُنايا
يا مضنوني علتي كبيرة
وحياتي دونك عذاب وشفايا
أش داك تطرق بوابي في الأول
واليوم جاي وحاب ترحل
كيفاش تنهي حياتي بجرة قلم
وتقول هذا اللي بيه أنا متكلم
ماعادت فارقة معاك
وأنا وهبت سنين عمري ليك في الحلالي
أش داني نفنى في حبك
حتان هشمت مشعالي
واذا حاب ترحل ..أرحل
لكن ماذا بيك تجي وتقعد أقبالي
واذا فية عيوب وريهالي
متخلينيش نرفع ونحط في سؤالي
بالله عليك سمطت علية أيامي وزدت في تهوالي
هذا المرسم تركتو من وراك خالي
ومفتاح قلبي خليتو عندك أمانة
خليه بين عينيك ديما في العلالي !

**خديجة بن عادل** · 26-01-2012, 14:58

http://2.bp.blogspot.com/--Kyt0Rg0yvc/TyF3MwucCgI/AAAAAAAABZw/vwYNMNqPYs0/s640/jjf6sxskabsd5vimjvti.png

جَانِي الليل وجَابْ أهْوَالُو ...
يآللي شاغَل البَال أشْ دَارُو فِيها عُزَالُو !!

**خديجة بن عادل** · 26-01-2012, 15:22

http://4.bp.blogspot.com/-7bkF-S9iYIw/TyF9FqAMdwI/AAAAAAAABZ4/_sOP6BuDBx4/s640/P7Q24929+%25281%2529.gif

بِ الله أعْلِيْكْ يَآ حْمَامِيْ !!

سِيْدْ الرْجَالْ لِيَة سْبَعْ خْوَاطْرِيْ تَتْوَنَسْ بِيْهْ
إذَا غَابْ فَكْرِيْ يَغْدَى طْوَاحِيْنْ وَالعَيْنْ تَبْكِيْهْ
مَاقْدَرْتْ نْعِيْشْ بْلآ بِيْكْ،الغَيْمْ غْزَا عَلَى القَلْبْ كَاسِيْهْ
يَآ مَرْسُولْ الحُبْ هَاكْ أجْوَابِيْ لِيْهْ أَدِيْهْ
قُلُوْ المَرْسَمْ بْلآ الغَالِيْ وَعْلآهْ نْجِيْهْ
قُلُوْ مَآ قْدَرْتْ نَنْسَاكْ وَلآ نَطْوِيْ كْتَآبْ رْسَمْتَكْ فِيْهْ
سَالُو بَالله إيْرَجَعْلِيْ مَفْتَاحْ الحُبْ اللِيْ نَبْغِيْهْ
قُلُوْ قْمَرْ اللِيْلْ نْبَاتْ نُنْظٌرْ فِيْهْ
خَايْفَة لآ يْجِيْهْ سْحَابْ إيْغَطِيْهْ
مَانَعْرَفْ بَعْدُوْ كِيْفَاشْ ضُرِيْ أَنْدَاوِيْهْ
كُثْرَتْ أَسْقَامِيْ وْلاَ طْبِيْبْ أَقْدَرْ يْنَسِيْهْ
هَاجَتْ أهْمُومِيْ فِيْ غْيَابَكْ وَالدَمْعْ أَعْيِيْتْ نْخَافِيْهْ

**خديجة بن عادل** · 26-01-2012, 16:18

http://3.bp.blogspot.com/-QdCoc0nhJYg/TyGI5M1l9sI/AAAAAAAABaI/yuTaQ4w4KQo/s1600/8b5280918e1.jpg

وعلاش يا الأيام
الوين رايحة ومسيبتني وماشيا
وينك البارح بركي كنت معايا زاهيا
نرقصو ونغنو بخواطر ذيك العويتقا
قربي وساميني وأقعدي بحذايا
فرجي وماتروحي عني يا الزايخا
ياك قربك فيه الروح والخواطر تبقَ مهنيا
وعلاش يا الأيام
منين تروحي عني نهمل ومايبقَ في العقل غير التهوال
بالله عليك يا المزيانة ماتنسايش الحب اللي في قلبي
راه معبي غير خير والسْلام لكل خياني
وعلاش يا الأيام
البارح كنت ذيك الطفلة المتهنيا
واليوم الحال شاهد عليه ربي
النوم رحل عليا وخلآ جمرة ما تطفيها غير الأعمار
بالله عليك ولي لِيا وردي عمري اللي رحل من زمان
راني نمشي وأنا مغمضة وراني خايفة في غربتي
يا لحنينا حني شويا وماتخلينا معلقا
وعلاش يا الأيام
رآه القلب موجوع والغربة زادت عذابي
حشمتك بالغالي أخزريني بعين المحبوب
فرجي همي وطفي ناري يا لالة يا لعزيزآ
جيتك نترجئ ونتوسلك شوفي لي وأنصريني على من عداني
ياك راني مانعرف غير الحوايج الباهيا
يا حبيتي يا أيامي جيتك من كل باب وطبطبت بالله حني عليا
وعلاش يا الأيام
البارح حنيت بحنة مرشوشة بماء الزهر .
وفي وسطها حطيت ذيك اللويزة اللي متباهية باللون الذهبيا
شديتها بيدي وأنا فرحانة باللون الوردي
وعلاش يا الأيام
خنقتي ماريا وخليتيها تتخبط في المحاين
ياك أنا نبغيك وأنتي وحدك هاربا عليا
يا الزينة لا...لا تروحي وتخلي عيني تنوح
ترحلي بلا ماتخبريني ياك هذا حقي
والله الحرام يخي ساهل بصح كل من خاف الله يبعد عنوا
طلي عليا بلي يرضي ربي وبعدي عني شماتة العديان
وعلاش يا الأيام
شفت كي الطالب كي الطبيب مالقيت حل
الوين..؟ الوين رايحة ومخليتني في همومي غارقا
رآه صبري طال و راني خايفة يجي النهار اللي يحبس قلبي ونبقا ذيك المرفلآ
وعلاش يا الأيام
تسمعي لي اللي ساحرني راني شكيتك للخالق العالي
أش نقولك الصبر هو دوايا
ونخلي ربي هو اللي يهز الضر
راهي دموعي زرآبة نعاني بصح ديري في بالك بلي مانموتش
اللي مقدر راني قابلاتوآ
بصح يومك راهو جاي ماتقوليش ربي راه غافل عنا وآا

موضوع قديم من سنة 2009

**مباركة بشير أحمد** · 27-01-2012, 11:37

تهانينا شاعرتنا القديرة "خديجة"
قلم يستحق الثناء والإعجاب.
واصلي وفقك الله.

**جمال عمران** · 01-02-2012, 15:59

الاستاذة خديجة
استمتعت بالقراءة لك ..وبالرغم من اختلاف اللهجة الا اننى سعدت بالقراءة والنصوص
شكرا لك

**م.سليمان** · 01-02-2012, 16:30

المشاركة الأصلية بواسطة خديجة بن عادل مشاهدة المشاركة

http://2.bp.blogspot.com/--Kyt0Rg0yv...sd5vimjvti.png

جَانِي الليل وجَابْ أهْوَالُو ...
يآللي شاغَل البَال أشْ دَارُو فِيها عُزَالُو !!

***
خاطرة ليلية قصيرة جدا
لكنها تخفي الكثير الكثير من المشاعر والأحاسيس المرهفة
وأحيانا يأتي الليل بقمره الوديع البديع
فيتغنى الشاعر ويقول :
قمر الليل خواطري تتونس بيه***نلقى فيه أوصاف يرضاهم بالي
ياطالب عندي حبيبه ليه شبيه***من مرغوبي فيه سهري يحلالي
شكرا جزيلا أ. خديجة بن عادل على هذا البوح الجميل
***

**خديجة بن عادل** · 01-02-2012, 17:25

المشاركة الأصلية بواسطة مباركة بشير أحمد مشاهدة المشاركة

تهانينا شاعرتنا القديرة "خديجة"
قلم يستحق الثناء والإعجاب.
واصلي وفقك الله.

الأخت : مباركة وزيارة ميمونة
أثلجت الصدر وأسعدت الخواطر
تحية أخوية ووردة ياسمين لمحياك .

**خديجة بن عادل** · 01-02-2012, 17:35

المشاركة الأصلية بواسطة جمال عمران مشاهدة المشاركة

الاستاذة خديجة
استمتعت بالقراءة لك ..وبالرغم من اختلاف اللهجة الا اننى سعدت بالقراءة والنصوص
شكرا لك

أهلا بك الأستاذ الفاضل : جمال عمران
سعدت بزيارتك الطيبة اللطيفة التي تدل عن طيب المعدن
وحسن الذوق رغم بُعد اللهجة الجزائرية والمغاربية عن المشرق
الا أننا هنا نعلم بتواجدها الثري بثراء الشعر فيها
وأنا هنا في أي استفسار تريدة ولي الشرف
دمت بنقاء السريرة وروعة الحضور
تحيتي وتقديري أيها الكريم .

**خديجة بن عادل** · 01-02-2012, 17:50

المشاركة الأصلية بواسطة سليمان ميهوبي مشاهدة المشاركة

***
خاطرة ليلية قصيرة جدا
لكنها تخفي الكثير الكثير من المشاعر والأحاسيس المرهفة
وأحيانا يأتي الليل بقمره الوديع البديع
فيتغنى الشاعر ويقول :
قمر الليل خواطري تتونس بيه***نلقى فيه أوصاف يرضاهم بالي
ياطالب عندي حبيبه ليه شبيه***من مرغوبي فيه سهري يحلالي
شكرا جزيلا أ. خديجة بن عادل على هذا البوح الجميل
***

الأستاذ وابن العم : سليمان ميهوبي
تعقيب جميل عنوان الألق
سرني حضورك وتواصلك
خاطرتي تعد ومضة في ثناياها قصة مأساة حقيقية
كن بخير وكان معك الحق فيما رميت إليه
هديتي لك

قمر الليل خاطري يتونس بيه

**خديجة بن عادل** · 27-02-2012, 22:34

http://4.bp.blogspot.com/-dVWveEGZYec/T0k7CueNSpI/AAAAAAAAB4I/w4wHPb1DUqI/s320/330007958.gif

عاود الربيع دارنا
جا وجاب معاه
الحراير،الرجال ..
دمها ثاير شدايد
زحفت من
شمالها لجنوبها
جواد خيال..
شاقين الطريق
براية النصر
وبإذن الله
شعارها النضال ..
صداها ضرب في
كف الميزان
وخرج الظلم من
فم المحال..
لوقالو:
وين الجمال مرآه
نقولهم :
يا قاصد النيل
روح شوف محلآ سخاه ..
شفت الأصل في
الشجرة والحجرة
نهرو ثاير في حماه ..
يا زاير لأم الدنيا
بلاغ سلامي للحاير
وقولو :
القلب والرب معاه ..
وبإذن الله
مصر في يد آمنة
حاميها هم شبابها
مكتوبين في سماه .

**خديجة بن عادل** · 27-02-2012, 22:54

الظلم هذا طال وزمانو ما نرضاه ..
جيب حقك يا مواطن ولا تستنى واش جاب الحاقد معاه ..
هز راسك في السماء واضرب قرطاسك ولا تخشاه ..
عوّل وقول بإسم الله : هاذي أرضي وعرضي وأنا مولاه .

***

بجاه الحبيب المصطفى حقق مناه ..
هذا يا لميمة ولدك شهيد ربي يطيب ثراه ..
راه سجل اسمه في التاريخ من قهر دماه ..
خليه يكتبلو الله الجنة في سماه .

***

شعشع ربيعنا زاهي بخطاه ..
والراية جاية تتباهى من وراه ..
يا اللي ناظر العيد جايب كساه ..
فجر غدوة جاي يجلجل بإذن الله .

**خديجة بن عادل** · 27-02-2012, 23:09

أعلاه المرسم خالي ..
وين الناس وكل أهلي وخوالي ..
يا اللي نسيت ثورات الربيع الحالي ..
طلعتنا تنكتب بالنصر في السماء العالي .

...........

دم الثوار داير في الطريق سواقي ..
وعيطات الولايا دوات وهشمت عضامي ..
بجاه الحبيب طفي جمرة الشام الغالي..
وأبعد الفتنة راهي جات اللحظة أقبالي .

.......

مليت من اللعب والغش في ما قدامي ..
يا اللي راك عاصب عينيك باش راك ذالي ..
خاف الله وسارع بالتوبة وعامل بالحلالي ..
لا يجيك نهار يثقل قلبك بالأثام ويولي بالي .

.......

تهمتي أني بنت بلادي عربية مهما قالو عدياني..
ما نخاف مادام راسي في السماء يدادي ..
والله نرفع رايتك يا تزاير ولو هي أخر أيامي ..
الحمد لله بأسلافك أنا نعتز بيك يا أرض أجدادي ..

......

آه !!..على دمعات الخيّة كيفاه تهادي ..
وحرقة ضلوع خواتي وطيحة أوليداتي ..
يا الغافل لا تفرح كثير غدوة عند الله ملاقي ..
وروح الشهيد في سماك راها تنادي .

**خديجة بن عادل** · 27-02-2012, 23:23

قلبي رآه على الأحباب حاير..
وكبدتي مشوية على كل الموت اللي صاير ..
يا اللي راك تسمع لية وشبعتني مراير ..
ليك الله في كل دمعة سقطت من عيون الحراير .

***

صال وجال هذا الغدار ..
ماج ونسى أنو زمن العار ..
ماعرف في دنياه ياخذ قرار ..
صابه الجبن ولآذ بالفرار.

***

هو وحدو العالم كيف القلب حاير ..
هذا ظالم دخل مبزع جناحاتو ..
وهذاك من هيه زوالي في قتلاه صابر ..
عايش في لظاه وحاط ربي في أكتافو .

***

راح الظلم من أيدي الجبابرة الكفار .
وان شاء الله كلمتنا وَحدة بإذن القهار .
عزنا ، جاهنا ، وحدتنا هي راس مالنا احنا بها جُهار .
مانخاف أمريكا ولابني صهيون خلاص فاح ربيعنا بكل زهور .

وَعْلآش يَآ لَيامْ ؟

وَعْلآش يَآ لَيامْ ؟

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث