تويت
تأليف: رضا الهجرسي
مذكرات زوج مفروس جدا
_________________
أقر أنا الموقع أدناه فلان الفلاني أنني كتبت هذه المذكرات وأنا ما زلت
في كامل وعي وقبل ما تجيني نقطة واتشل وأعجز عن الكلام والكتابة
وأوجه نداء إلي كل الأزواج المفروسين والمتغاظين أن يتواصلوا معي
حتي نكتب شهادة للتاريخ فيما تفعله بنات حوا المفتريين ..حسبي الله
ونعم الوكيل فيهم ..بأبناء آدم المساكين ..
عايزين تعرفوا طبعا هي عملت أيه ..
أنا هحكيلكم وأنتوا أحكموا ..
1
- خارج الصبح علي شغلي وكنت مفلس ومفيش في جيبي حتي جنية
يوحد الله ..فغلطت وقولتيلها ..
- أدعيلي دعوي حلوة كده من قلبك ع الصبح ..
رفعت يدها للسماء وقالت بحرقة ومن قلبها ..
- روح يا خويا ..يجعل عمرك ..قد فلوسك ..
.................................................. .....................
2
ليلة الخميس وما أدراك بليلة الخميس ..الليلة المباركة لكل زوج
ما هو بكرة أجازة ونهيص براحتنا بأه ..نيمت العيال ..ودخلت
الحمام تذوق نفسها وتحط الأحمر وتلبس قميص النوم الأحمر اللي
بيجنني ..طبعا ده اللي أنا فاكر أنها بتعملة ..طفيت النور ..
وولعت النور الاحمر ..عشان الجو والذي منه ..
وفجأة..وجدتها أمامي..شعرها منكوش..تخرج لسانها ..فاتحة ذراعيها كالشيطان ..
عيناها تبرق في الظلام ..ذي بسم الله الرحمن الرحيم ويجعل كلامنا خفيف عليهم ..وهي ترقص وتغني ..كالمجنونة ..
- والشعر الغجري المجنون ..يسافر في كل الدنيا ..
وضعت يدي علي قلبي من الخضة وأنا أصرخ ..
- قد تغدو امرأة يا ولدي ..هي الآخرة ..
وطبيت ساكت ..محطتش منطق ..
.................................................. .....................
3
قاعد وسارح مع بنات أفكاري ..أبحث عن الوحي لكتابة قصيدة
تناسب القصة التي أكتبها..وفجأة تذكرت بيت شعر يناسب الفكرة
فقلته بصوت عالي حتي لا أنساه ..فسمعت صرخة عالية ..وصوت
أرتطام جتتها بالأرض ..وراحت في غيبوبة ..
طلبت الأسعاف ..ودخلوها غرفة الأنعاش ..
وطبعا دفعت كل اللي في جيبي وأستلفت ..عشان أسدد مصاريف
المستشفي ..
بسأل الدكتور وأنا في غاية الأنزعاج ..
- طمني يا دكتور ..مراتي عندها أيه ..سكر ..ضغط ..سرطان ..
أرجوك يا دكتور طمني .. هتموت ..
فرد الدكتور وهو يبتسم أبتسامة خبيثة ..
- تموت أية يا راجل ..المدام ذي الفل ..
- أمال أيه اللي حصل ..
فرد الدكتور ضاحكا ..
- هو اللي طالع عليها تصرخ وتقول ..قال فيه شعر ..قال فيه شعر
بعد عشرين سنة جواز قال لي شعر ..
.................................................. ...............................
4
قاعد كافي خيري شري ..لقيتها بتقرب مني وهي بتهرش راسها وسألتني .
- مش أنت عامل نفسك ناصح وبتفهم في كل حاجة ..
طب أنا هسألك سؤال ..لو جاوبته ..هصدق أنك ناصح و بتفهم ..
أخذت نفسا عميقا وبلعت كلامها الزفر ..بس بيني وبينكم ...
أتفرست ..فقلت لها مبتسما وأنا أجز علي أسناني غيظا ..
- أسألي يا حبيبتي ..
وبلغة المثقفين سألت ..
- ما هو الفرق بين ..القضاء والقدر ..والمصيبة ..والكارثة ..
سؤال صعب أنا عارفة ..ومش هتعرف تجاوبه ..مش أنت
بتقول علية حمارة ومبفهمش ..جاوب بأه يا ابو العريف ..
بصراحة أستفزتني وأغاظتني ..ومن فرستي جاوبتها ..
- القضاء والقدر يا حبيبتي ..لو خطرعلي بالك تروحي تشمي
هوا علي كورنيش النيل ..والمصيبة لو ركبتي مركب وغرق
بيكي ..
فسألتني متحفزة ..
- طب والكارثة ..
فرددت علي الفور ..
- لو حد طلعك ..
.................................................. ................................
5
كلة كوم واللي حصل في سبوع أببنا البكري كوم .. قاعد وسط أصحابي ورجالة الحتة نافش ريشي وفاتح صدري ..
أبو الرجالة بأه ..وجاب الولد.. وولي العهد ..
والأمور كلها ماشية تمام ..الولاد ماسكين الشموع ..وولي العهد
في الغربال تهزة حماتي ..وهي تقول ..
- أسمع كلام أمك ..متسمعش كلام أبوك ..
طنشت ولا كأني سامع حاجة ..وأنا أبتسم بغيظ ..ولكني لاحظت
زوجتي تلم الأولاد حولها ..وتحفظهم أغنية شادية ..برجالاتك ..
وفجأة ..وجدتني محاط بالأولاد وهم يلفون حولي بالشموع ..
وهم يغنون ..
- برجالاتك ..برجالاتك ..يا سلام سلم علي شرباتك ..
وفجأة وجدتها تقفز وسط حلقة الأولاد وهي تقلد شادية وتغني ..
- أسفخس عليك ..وع اللي جابوك ..
حمار الحتة ..صبح حمارين ..
هو الخالق الناطق ...أبوه ..
بس التاني ..باربع رجلين ..
.................................................. .........................
6
رجعت من زيارة جارتنا ..والشرر يتطاير من عينيها ..وراحة
جاية في الصالة وهي تنفخ بأرف ..وفجأة وقفت ونظرت لي
نظرات شيطانية أنخلع لها قلبي ..وصرخت ..
- أنا عايزة ..منهد ..
- منهد مين ..
- اللي في الدش ..
- آه ..مهند .. ده كل ستات الشركة بتتكلم عنه ..اللي تقول واد عسل ..أمور ..طب وأجيبلك منهد ولا مهند ده منين ..
- تركب دش ..
- دش أيه اللي أركبه ..وأحنا مديونين لطوب الأرض ..والأقساط علينا مكومة ..أنتي أتجننتي ..تتحرقي أنتي ومهند في ساعة واحدة..
- كده ..طيب أنا هاخد العيال ومش راجعة ..ألا ومنهد في البيت..
وطبعا ركبت الدش ..ودخل مهند إلي غرفة نومي وسريري ..
أنا بأه بصحي بدري عشان أروح علي شغلي ..المدام طول
الليل سهرانة وقاعدة جانبي مستنية مهند ..
من كام يوم أصحي من النوم ..ألاقي وشي ملزق ..وبيزيد اللزق يوم عن يوم ..فحبيت أعرف السر ..فعملت نفسي نايم
وبدأ المسلسل ..وكل مرة يظهر فيها مهند ..تبص له ..وترجع
تبص لى ..
وتف علي وشي ..
تبص وتف ..تبص وتف .. تبص وتف..
.................................................. .............................
اللي سمعتوة ده نقطة من بحر ..
ولذلك اوجه نداء إلي كل الأزواج المفروسين في الأرض ..
قولوا ..أصرخوا ..أنفجروا ..تواصلوا معي قبل ما تجيلكوا ..
نقطة في النافوخ ..ولا شلل ..ولا ..ولا ..
مذكرات زوج مفروس جدا
_________________
أقر أنا الموقع أدناه فلان الفلاني أنني كتبت هذه المذكرات وأنا ما زلت
في كامل وعي وقبل ما تجيني نقطة واتشل وأعجز عن الكلام والكتابة
وأوجه نداء إلي كل الأزواج المفروسين والمتغاظين أن يتواصلوا معي
حتي نكتب شهادة للتاريخ فيما تفعله بنات حوا المفتريين ..حسبي الله
ونعم الوكيل فيهم ..بأبناء آدم المساكين ..
عايزين تعرفوا طبعا هي عملت أيه ..
أنا هحكيلكم وأنتوا أحكموا ..
1
- خارج الصبح علي شغلي وكنت مفلس ومفيش في جيبي حتي جنية
يوحد الله ..فغلطت وقولتيلها ..
- أدعيلي دعوي حلوة كده من قلبك ع الصبح ..
رفعت يدها للسماء وقالت بحرقة ومن قلبها ..
- روح يا خويا ..يجعل عمرك ..قد فلوسك ..
.................................................. .....................
2
ليلة الخميس وما أدراك بليلة الخميس ..الليلة المباركة لكل زوج
ما هو بكرة أجازة ونهيص براحتنا بأه ..نيمت العيال ..ودخلت
الحمام تذوق نفسها وتحط الأحمر وتلبس قميص النوم الأحمر اللي
بيجنني ..طبعا ده اللي أنا فاكر أنها بتعملة ..طفيت النور ..
وولعت النور الاحمر ..عشان الجو والذي منه ..
وفجأة..وجدتها أمامي..شعرها منكوش..تخرج لسانها ..فاتحة ذراعيها كالشيطان ..
عيناها تبرق في الظلام ..ذي بسم الله الرحمن الرحيم ويجعل كلامنا خفيف عليهم ..وهي ترقص وتغني ..كالمجنونة ..
- والشعر الغجري المجنون ..يسافر في كل الدنيا ..
وضعت يدي علي قلبي من الخضة وأنا أصرخ ..
- قد تغدو امرأة يا ولدي ..هي الآخرة ..
وطبيت ساكت ..محطتش منطق ..
.................................................. .....................
3
قاعد وسارح مع بنات أفكاري ..أبحث عن الوحي لكتابة قصيدة
تناسب القصة التي أكتبها..وفجأة تذكرت بيت شعر يناسب الفكرة
فقلته بصوت عالي حتي لا أنساه ..فسمعت صرخة عالية ..وصوت
أرتطام جتتها بالأرض ..وراحت في غيبوبة ..
طلبت الأسعاف ..ودخلوها غرفة الأنعاش ..
وطبعا دفعت كل اللي في جيبي وأستلفت ..عشان أسدد مصاريف
المستشفي ..
بسأل الدكتور وأنا في غاية الأنزعاج ..
- طمني يا دكتور ..مراتي عندها أيه ..سكر ..ضغط ..سرطان ..
أرجوك يا دكتور طمني .. هتموت ..
فرد الدكتور وهو يبتسم أبتسامة خبيثة ..
- تموت أية يا راجل ..المدام ذي الفل ..
- أمال أيه اللي حصل ..
فرد الدكتور ضاحكا ..
- هو اللي طالع عليها تصرخ وتقول ..قال فيه شعر ..قال فيه شعر
بعد عشرين سنة جواز قال لي شعر ..
.................................................. ...............................
4
قاعد كافي خيري شري ..لقيتها بتقرب مني وهي بتهرش راسها وسألتني .
- مش أنت عامل نفسك ناصح وبتفهم في كل حاجة ..
طب أنا هسألك سؤال ..لو جاوبته ..هصدق أنك ناصح و بتفهم ..
أخذت نفسا عميقا وبلعت كلامها الزفر ..بس بيني وبينكم ...
أتفرست ..فقلت لها مبتسما وأنا أجز علي أسناني غيظا ..
- أسألي يا حبيبتي ..
وبلغة المثقفين سألت ..
- ما هو الفرق بين ..القضاء والقدر ..والمصيبة ..والكارثة ..
سؤال صعب أنا عارفة ..ومش هتعرف تجاوبه ..مش أنت
بتقول علية حمارة ومبفهمش ..جاوب بأه يا ابو العريف ..
بصراحة أستفزتني وأغاظتني ..ومن فرستي جاوبتها ..
- القضاء والقدر يا حبيبتي ..لو خطرعلي بالك تروحي تشمي
هوا علي كورنيش النيل ..والمصيبة لو ركبتي مركب وغرق
بيكي ..
فسألتني متحفزة ..
- طب والكارثة ..
فرددت علي الفور ..
- لو حد طلعك ..
.................................................. ................................
5
كلة كوم واللي حصل في سبوع أببنا البكري كوم .. قاعد وسط أصحابي ورجالة الحتة نافش ريشي وفاتح صدري ..
أبو الرجالة بأه ..وجاب الولد.. وولي العهد ..
والأمور كلها ماشية تمام ..الولاد ماسكين الشموع ..وولي العهد
في الغربال تهزة حماتي ..وهي تقول ..
- أسمع كلام أمك ..متسمعش كلام أبوك ..
طنشت ولا كأني سامع حاجة ..وأنا أبتسم بغيظ ..ولكني لاحظت
زوجتي تلم الأولاد حولها ..وتحفظهم أغنية شادية ..برجالاتك ..
وفجأة ..وجدتني محاط بالأولاد وهم يلفون حولي بالشموع ..
وهم يغنون ..
- برجالاتك ..برجالاتك ..يا سلام سلم علي شرباتك ..
وفجأة وجدتها تقفز وسط حلقة الأولاد وهي تقلد شادية وتغني ..
- أسفخس عليك ..وع اللي جابوك ..
حمار الحتة ..صبح حمارين ..
هو الخالق الناطق ...أبوه ..
بس التاني ..باربع رجلين ..
.................................................. .........................
6
رجعت من زيارة جارتنا ..والشرر يتطاير من عينيها ..وراحة
جاية في الصالة وهي تنفخ بأرف ..وفجأة وقفت ونظرت لي
نظرات شيطانية أنخلع لها قلبي ..وصرخت ..
- أنا عايزة ..منهد ..
- منهد مين ..
- اللي في الدش ..
- آه ..مهند .. ده كل ستات الشركة بتتكلم عنه ..اللي تقول واد عسل ..أمور ..طب وأجيبلك منهد ولا مهند ده منين ..
- تركب دش ..
- دش أيه اللي أركبه ..وأحنا مديونين لطوب الأرض ..والأقساط علينا مكومة ..أنتي أتجننتي ..تتحرقي أنتي ومهند في ساعة واحدة..
- كده ..طيب أنا هاخد العيال ومش راجعة ..ألا ومنهد في البيت..
وطبعا ركبت الدش ..ودخل مهند إلي غرفة نومي وسريري ..
أنا بأه بصحي بدري عشان أروح علي شغلي ..المدام طول
الليل سهرانة وقاعدة جانبي مستنية مهند ..
من كام يوم أصحي من النوم ..ألاقي وشي ملزق ..وبيزيد اللزق يوم عن يوم ..فحبيت أعرف السر ..فعملت نفسي نايم
وبدأ المسلسل ..وكل مرة يظهر فيها مهند ..تبص له ..وترجع
تبص لى ..
وتف علي وشي ..
تبص وتف ..تبص وتف .. تبص وتف..
.................................................. .............................
اللي سمعتوة ده نقطة من بحر ..
ولذلك اوجه نداء إلي كل الأزواج المفروسين في الأرض ..
قولوا ..أصرخوا ..أنفجروا ..تواصلوا معي قبل ما تجيلكوا ..
نقطة في النافوخ ..ولا شلل ..ولا ..ولا ..
تعليق