تويت
هو فين يابا الوطن
هي دي كلمه ومعناها انسجن
هي كلمة مصر يابا يعني حاله من الشجن
جالها المخاض جابت ولاد كبروا الولاد باعو الوطن
ولا الوطن هو اللي باع والولاد هما الثمن
اللي اعرفه ان الشهيد فوق في السما ع الارض تارك بصمته
روحه هنا جوا الوريد مش في الكفن
ملعون أبو كلمة هوان
ملعون ابو كل اللي خان
ابني اللي قام من فرحته ولسه رحته في فرشته
رايح يشجع فرقته يرجع وملفوف في الكفن
واللي قتل واللي سرق
واللي نهب واللي اغتصب
بيرضعو من صدر مصر
وييكبرو فوق ارضها
ويستحمو بشمسها
وأكلتهم لحمها
ولما حسو بحبها
خانوا الأمانة والوطن
ملعون ابوكلمة وطن
شعرمحمد الخولي
تعليق