يقول الله تعالى :
ولكم في القصاص حياة يا أولي الألباب لعلكم تتقون
( البقرة 179)
القصـاص
****
للشاعر المصري / رشاد هويدي ( شاعر الوادي )
*************************
نبدأ بإيه ؟!
بالفاتحة على روح الضحايا ؟!
ما الأمر دا واخدين عليه !!
بنواسي كل المجروحين !!
ونبكي ويا الولايا !!
والمجرمين متعودين !!
إن نسكت في النهاية !!
ونواسي مين ؟!
ما احنا برضه المجروحين !!
والمقتولين !!
من سنين واحنا الضحايا !!
مش كفاية ؟!
************
لكن باقول للأشقياء !!
السفاحين !!
مش هنقبل العزاء !!
غير بالقصاص م المجرمين !!
وانسوا كبش الفداء !!
أو دفاع المأجورين !!
أو تواطؤ صاد وسين !!
أصل إحنا ما احناش أغبياء !!
ولا انتو يعني مفتحين !!
************
احنا فاهمين الأمور !!
والديابة والخراف !!
واللي بيزرع الشرور!!
والبلطجة والاختطاف !!
وشغل ظلمي أو شرور !!
وعصابة اللي مش نضاف !!
والحية واللي به كسور !!
واللي رافض الاعتراف !!
إنه لازم راح يغور !!
لاجل يجي ناس نضاف !!
************
واحنا برضه مش ضعاف !!
الشعب داس الخوف خلاص !!
وما فيش مناص !!
إلا القصاص !!
والعدل لو ما جاش سريع !!
ردنا هيكون فظيع !!
الموت بقى حلم الجميع !!
الموت بقى حلم الجميع !!
**************
رشاد هويدي
شاعر الوادي