تويت
( 1 )
خالتي بهية ست بيت شاطرة ,, و كمان حمى مفترية
مش تعرف في الدنيا غير ,, المناكفة و الحشريـــــة
و في يوم صَحت على دوشة ,, قال أيه ,, مظاهرة ثورية
قالت فيه أيه يا ولاد ,, ما العيشة حلوة و طعمة و هنية
و بناكل الفول الصبح و الظهر و العصر و نحلي بالطعمية
قالوا أصحي يا خالة دا فيه كافيار و سيمون فيميه و مهلبية
قالت و ده أيه يا ولاد طمنوني ,, مسحوق غسيل و لا عسلية
قالوا لها يا خالة فتّحي مخك معانا ,, حقّك سرقوه الحراميـــة
خالتي بهية رقعت بالصوووت لما عرفت أنها يا ولداه ضحية
و لحد كدة الحكاية مش منتهية
( 2 )
خالتي بهية لبست الشال و جري على ميدان الحرية
و لقت زحمة و هيصة وثورة و ناس عقولها متغذية
و نسيت العيال و أبو العيال و نصبت خيمة م الفجرية
و لما سقط النظام هات يا زغاريد و رقص للصبحية
و هات يا فشر عن أعمالها ,,, و بطولاتها الوهمية
و كلام في الأعلام و الفضائيات و تصريحات حمارية
قلت أما أروح أعقّلها ما خلاص فضيحتنا بقت عالمية
أستنوا ,, الحكاية لسة فيها بقية
( 3 )
لقيت خالتي بهية ع النت عاملة صفحة فيسبوكية
قال أيه ,, مرشحة نفسها ,,, رئيسة جمهورية
قلت و ماله يعني جت عليكِ ,, يا خالتي بهية
و لما بدأت أكلمها لقيتها ,, زعلانة و عصبيـــة
و بقت تتكلم عن الفلول و التطهير و الديمقراطية
و لابد و حتماً من إضرابات و إعتصامات و مطالب فئوية
أومال أيه ,, البلد لازم يكون فيها كافيار و عدالة إجتماعية
يا خالتي فوقي ,, و اسمعيني ,, لتلبسي السلطانية
ما الحكاية كدة ,, شكلها مش طبيعية
( 4 )
قالت امشي يا فلولية ,, أنا عندي مؤتمرات شعبية
مع المشير و المرشد و أبو علماني و البرادعية
أزاي بس و ليه ,, أنا بحلم و لا دي حكاية حقيقية
يا نااااااااااس صدقوني ,,,, بدل ما اروح العباسية
خالتي بهية مش بتفهم غير في المحشي و الملوخية
لما أروح ألحقها خالتي حبيبتي ,, دي حالة إنسانية
قابلني جوزها قاللي ,, خالتك في الجامعة العربية
أهىء أهىء خالتي وصلت يا حقودية
منار يوسف
خالتي بهية ست بيت شاطرة ,, و كمان حمى مفترية
مش تعرف في الدنيا غير ,, المناكفة و الحشريـــــة
و في يوم صَحت على دوشة ,, قال أيه ,, مظاهرة ثورية
قالت فيه أيه يا ولاد ,, ما العيشة حلوة و طعمة و هنية
و بناكل الفول الصبح و الظهر و العصر و نحلي بالطعمية
قالوا أصحي يا خالة دا فيه كافيار و سيمون فيميه و مهلبية
قالت و ده أيه يا ولاد طمنوني ,, مسحوق غسيل و لا عسلية
قالوا لها يا خالة فتّحي مخك معانا ,, حقّك سرقوه الحراميـــة
خالتي بهية رقعت بالصوووت لما عرفت أنها يا ولداه ضحية
و لحد كدة الحكاية مش منتهية
( 2 )
خالتي بهية لبست الشال و جري على ميدان الحرية
و لقت زحمة و هيصة وثورة و ناس عقولها متغذية
و نسيت العيال و أبو العيال و نصبت خيمة م الفجرية
و لما سقط النظام هات يا زغاريد و رقص للصبحية
و هات يا فشر عن أعمالها ,,, و بطولاتها الوهمية
و كلام في الأعلام و الفضائيات و تصريحات حمارية
قلت أما أروح أعقّلها ما خلاص فضيحتنا بقت عالمية
أستنوا ,, الحكاية لسة فيها بقية
( 3 )
لقيت خالتي بهية ع النت عاملة صفحة فيسبوكية
قال أيه ,, مرشحة نفسها ,,, رئيسة جمهورية
قلت و ماله يعني جت عليكِ ,, يا خالتي بهية
و لما بدأت أكلمها لقيتها ,, زعلانة و عصبيـــة
و بقت تتكلم عن الفلول و التطهير و الديمقراطية
و لابد و حتماً من إضرابات و إعتصامات و مطالب فئوية
أومال أيه ,, البلد لازم يكون فيها كافيار و عدالة إجتماعية
يا خالتي فوقي ,, و اسمعيني ,, لتلبسي السلطانية
ما الحكاية كدة ,, شكلها مش طبيعية
( 4 )
قالت امشي يا فلولية ,, أنا عندي مؤتمرات شعبية
مع المشير و المرشد و أبو علماني و البرادعية
أزاي بس و ليه ,, أنا بحلم و لا دي حكاية حقيقية
يا نااااااااااس صدقوني ,,,, بدل ما اروح العباسية
خالتي بهية مش بتفهم غير في المحشي و الملوخية
لما أروح ألحقها خالتي حبيبتي ,, دي حالة إنسانية
قابلني جوزها قاللي ,, خالتك في الجامعة العربية
أهىء أهىء خالتي وصلت يا حقودية
منار يوسف
تعليق