تويت
هدوا الديكورات
..................
في محيط الكدر
وبعين العدسة الزوم شايفة
أحمس مش واقف ع العجلة
ولا قادش تعرف مين رمسيس
الحلم بصيص
وعروسة النيل ست عجوزة
على راسها قفص فجل وجرجير
وقصادها العنباية بتطرح
حصرم..
والنمل عليه طوابير
تحلم بالقوت
كام ساعة تفوت
ترجع بالخضرة الدبلانة
وكأن الحلم مالوش تفسير
استوب وعيد
الفيلم دا فاشل بالتأكيد
غيرلي سيناريو الحدوتة
ادخل كلاكيت
وبعين العدسة الزوم شايفة
كليوباترا ماهيش أبدا ملكة
ولا يوليوس قيصر كان جاير
كليوباترا يادوب.. صنف سجاير
وعروسة النيل تحت الشجرة
بتزغط بط
وتلاقي الديب بشويش بينط
والدم يسيل
تهرب على دارها من الخضة
وبرعب تدور على نجدة
وتنادي الناس
فتلاقي الكل قصادها قابيل
استوب وعيد
الفيلم دا فاشل بالتأكيد
غيرلي سيناريو الحدوتة
ادخل كلاكيت
وبعين العدسة الزوم شايفة
حطين مش عارفة صلاح الدين
ولا كان ريتشارد مع الحملة
ولا فيه تعريف للصليبيين
وعروسة النيل جنب الأزهر
بتبيع يانصيب
وافندي بيشتري ميت ورقة
قبل التشطيب
فيلاقي الكل معاه خسران
يرجع بالخنجر يطعنها
والطعنة تصيب
استوب وعيد
الفيلم دا فاشل بالتأكيد
غيرلي سيناريو الحدوتة
ادخل كلاكيت
وبعين العدسة الزوم شايفة
كل المماليك حبة صعاليك
والشيخ القاعد في القلعة
تاجر دخان
الظاهر ان الكل جبان
وعروسة النيل لابسه السواريه
بتحط العطر المتفرنج
وبفعل العقل المتبرمج
ترقص من فعل موسيقى الجاز
الحلم مجاز
واهي واقفة تمكيج احلامها
للعرض قصاد فاترينة إزاز
وهناك ع البعد التعلب فات
وغراب بيعلم بني ادم
دفن الأموات
فيلمكوا ساقط
تصوير ساقط
اخراج ساقط
ومدام جواكوا ضمير ساقط
هدوا الديكورات
..................
في محيط الكدر
وبعين العدسة الزوم شايفة
أحمس مش واقف ع العجلة
ولا قادش تعرف مين رمسيس
الحلم بصيص
وعروسة النيل ست عجوزة
على راسها قفص فجل وجرجير
وقصادها العنباية بتطرح
حصرم..
والنمل عليه طوابير
تحلم بالقوت
كام ساعة تفوت
ترجع بالخضرة الدبلانة
وكأن الحلم مالوش تفسير
استوب وعيد
الفيلم دا فاشل بالتأكيد
غيرلي سيناريو الحدوتة
ادخل كلاكيت
وبعين العدسة الزوم شايفة
كليوباترا ماهيش أبدا ملكة
ولا يوليوس قيصر كان جاير
كليوباترا يادوب.. صنف سجاير
وعروسة النيل تحت الشجرة
بتزغط بط
وتلاقي الديب بشويش بينط
والدم يسيل
تهرب على دارها من الخضة
وبرعب تدور على نجدة
وتنادي الناس
فتلاقي الكل قصادها قابيل
استوب وعيد
الفيلم دا فاشل بالتأكيد
غيرلي سيناريو الحدوتة
ادخل كلاكيت
وبعين العدسة الزوم شايفة
حطين مش عارفة صلاح الدين
ولا كان ريتشارد مع الحملة
ولا فيه تعريف للصليبيين
وعروسة النيل جنب الأزهر
بتبيع يانصيب
وافندي بيشتري ميت ورقة
قبل التشطيب
فيلاقي الكل معاه خسران
يرجع بالخنجر يطعنها
والطعنة تصيب
استوب وعيد
الفيلم دا فاشل بالتأكيد
غيرلي سيناريو الحدوتة
ادخل كلاكيت
وبعين العدسة الزوم شايفة
كل المماليك حبة صعاليك
والشيخ القاعد في القلعة
تاجر دخان
الظاهر ان الكل جبان
وعروسة النيل لابسه السواريه
بتحط العطر المتفرنج
وبفعل العقل المتبرمج
ترقص من فعل موسيقى الجاز
الحلم مجاز
واهي واقفة تمكيج احلامها
للعرض قصاد فاترينة إزاز
وهناك ع البعد التعلب فات
وغراب بيعلم بني ادم
دفن الأموات
فيلمكوا ساقط
تصوير ساقط
اخراج ساقط
ومدام جواكوا ضمير ساقط
هدوا الديكورات
تعليق