كل الحقايق مبهمه
وتايه انا
بين كدب متصدق و بين
صدق مش لاقى السما
كل المشاعر مؤلمه
و شموس ضباب الليل بزيف0الكلمه غاسله الالسنه
كل الشقوق متلونه بلون الخضار
لابسه فساتين النهار
و اعرف منين الفرق بين لاتنين انا
و انا
اكمل ثوابتى اهتزاز
اكبر معارفى
ابتزاز
و ف عرف تكوينى الازاز
اسمى المعانى الدندنه
واعرف منين انهى طريق
انه الوحيد المختصر للفوز و جنات الهنا
و اعرف منين ان الحجاز
دى بين حجازات البشر
هى حجازات السنا
و اعرف منين انى برىء
قادر على سرب الطريق
و اعرف منين انى كفاءتى مش سراب
و ان الحجاب مرفوع و ان الاجتياز

بالفطره مش بالامتياز
تكاوين هزايم ممدوحين
متصورين
للامتلاك بالنفخ بالكدب انحياز

نصره و منى
و اعرف منين انى انا فعلا انا
و انا كل ما فيا استيراد
من اول الحفا ض لغاية لكنتى
و رطنتى
اوف كورس يس اوف كورس من غبر اختشا
او حتى داعى له لزوم للهيمنه
و اعرف منين انى بشر بقا م الاساس
و انا كل ما فيا ارتداد
و كل ما ف روحى انحباس
الشنشنه