تويت
إحنا بنضحك على بعض..!!
إحنا ليه بنضحك على بعض ..؟! ليه كل واحد لابس قناع علشان التاني مايشفش وشه الحقيقي ..؟! ليه بنحاول نذوّق المعاني و نزيّن الكدب ..؟! دا إحنا حتى يمكن بنكون بنضحك على نفسنا.. علشان نصدق إننا صح ..!! مافيش حد عاوز يعترف بإنه أخطأ.. بإنه فاشل .. أو حتى إنسان عادي .. بلا ملكات .. هوا ده عيب..؟!
أعتقد إن العيب إننا نكدب و نصدق الكدبة.. إحنا مش ملايكه ولا شياطين إحنا بني آدمين..!! يعني مافيش حد معصوم من الخطأ حتى الأنبياء من أول سيدنا أدم ..لحد سيدنا محمد(ص) - لما ربنا عاتبه في الأعمى - لكن الأنبياء ماكانوش زينا بيكدبوا .. كانوا بيستغفروا ..و ربنا كان بيعصمهم من الزلل ..و بيهديهم للصواب.
الكدب ده اتعلمناه من الشيطان .. و اتعلمنا منه حاجات تانيه كتير ..زي النفاق و الخداع .. المكر و الحيلة.. النصب و الإحتيال .. اتعلمنا منه نتلون على كل لون و نداري حقيقتنا وراء أقنعة زائفة ..و نسينا أهم حاجه .. إن إللي خلقنا .. شايفنا وعارفنا ..و شايف إيه إللي جوا قلوبنا و يعلم خائنة الأعين وما تخفي الصدور.
أعتقد إن العيب إننا نكدب و نصدق الكدبة.. إحنا مش ملايكه ولا شياطين إحنا بني آدمين..!! يعني مافيش حد معصوم من الخطأ حتى الأنبياء من أول سيدنا أدم ..لحد سيدنا محمد(ص) - لما ربنا عاتبه في الأعمى - لكن الأنبياء ماكانوش زينا بيكدبوا .. كانوا بيستغفروا ..و ربنا كان بيعصمهم من الزلل ..و بيهديهم للصواب.
الكدب ده اتعلمناه من الشيطان .. و اتعلمنا منه حاجات تانيه كتير ..زي النفاق و الخداع .. المكر و الحيلة.. النصب و الإحتيال .. اتعلمنا منه نتلون على كل لون و نداري حقيقتنا وراء أقنعة زائفة ..و نسينا أهم حاجه .. إن إللي خلقنا .. شايفنا وعارفنا ..و شايف إيه إللي جوا قلوبنا و يعلم خائنة الأعين وما تخفي الصدور.
أول الأمثلة طبعاً هي فترة الخطوبة .. لما كل واحد من الأتنين بيحاول يداري عيوبه عن التاني ..و يبان كأنه ملاك- ودي مش حقيقة - بيحاول يبان بشكل مش فيه ..و يذوق نفسه - أو نفسها- ..!! من بره و يحط قناع على وشه(ماسك) ..علشان التاني ميشفهوش على حقيقتة .. مع إن الحقيقة هتبان هتبان ..و هتبقى واضحة وضوح الشمس في عز الضهر بعد فترة من الوقت طالت أم قصرت.. و فضيحته هتبقى بجلاجل..!!
على مستوى الشغل .. الكل بيحاول يتملق في رؤسائه .. و بيعملّهم البحر طحينه و خده مداس .. علشان يرضى عنه سعادة البيه المدير الملهم ..إللي مافيش زيه اتنين .. العبقري إللي عمر ماشافت زيه العين..!!و العجيب إن هوا كمان بيصدق إنه الأوحد .. إنه سلطان زمانه .. و مافيش حد قده ..وإن الكل بيحتكم بأمره ..!! قالوا يا فرعون أيه فرعنك....؟! قال ملقيتش حد يلمني..!!
على المستوى السياسي .. الكل قاعدين بيتغنوا بالسلام ..السلام.. و القرآن بيقول (و إن جنحوا للسّلم فأجنح لها ) طيب و إن ماجنحوش ..و اعتدوا ..و ظلموا.. سرقوا و نهبوا.. يبقى نعمل إيه..؟! ماقبلها كانت الأية ( و أعدو لهم ما استطعتم من قوة ) فما أُخذ بالقوة لا يسترد إلا بالقوة.. يبقى سلام أيه مع ولاد الـ (...) دول..؟!
إحنا عاوزين سلام الأقوياء .. مش سلام الجبناء..!! عايزينهم هما إللي يطلبوا منا السلام .. مش إحنا إللي نعلن لهم الإستسلام..!!
على المستوى العالمي .. حيث القطب الأوحد.. و الهيمنة و البلطجة الأمريكية .. طبعاً كل الزعماء خايفين على عروشهم وكراسيهم ..و قاعدين يغازلوا فيها و يتوددوا إليها ..علشان ترضى عنهم ..و ترميلهم حتة عضمة يمصمصوا فيها .. و يمصوا دم الشعب ..إللي لا حول له ولا قوة..!! و هيا قاعده بتتحكم فيهم زي عرايس الماريونيت ..شويه بالديموقراطية.. و شويه بالجماعات الإرهابية..المهم إنها تحقق مصالحها الشخصية.. والكل عارف إنها بتضحك عليه ..و البجاحة إنها عارفه.. إننا عارفين..!!
على المستوى السياسي .. الكل قاعدين بيتغنوا بالسلام ..السلام.. و القرآن بيقول (و إن جنحوا للسّلم فأجنح لها ) طيب و إن ماجنحوش ..و اعتدوا ..و ظلموا.. سرقوا و نهبوا.. يبقى نعمل إيه..؟! ماقبلها كانت الأية ( و أعدو لهم ما استطعتم من قوة ) فما أُخذ بالقوة لا يسترد إلا بالقوة.. يبقى سلام أيه مع ولاد الـ (...) دول..؟!
إحنا عاوزين سلام الأقوياء .. مش سلام الجبناء..!! عايزينهم هما إللي يطلبوا منا السلام .. مش إحنا إللي نعلن لهم الإستسلام..!!
على المستوى العالمي .. حيث القطب الأوحد.. و الهيمنة و البلطجة الأمريكية .. طبعاً كل الزعماء خايفين على عروشهم وكراسيهم ..و قاعدين يغازلوا فيها و يتوددوا إليها ..علشان ترضى عنهم ..و ترميلهم حتة عضمة يمصمصوا فيها .. و يمصوا دم الشعب ..إللي لا حول له ولا قوة..!! و هيا قاعده بتتحكم فيهم زي عرايس الماريونيت ..شويه بالديموقراطية.. و شويه بالجماعات الإرهابية..المهم إنها تحقق مصالحها الشخصية.. والكل عارف إنها بتضحك عليه ..و البجاحة إنها عارفه.. إننا عارفين..!!
على مستوى القومية العربية و الوحدة الإسلامية.. دا إحنا مش عارفين حتى نوحد صفوفنا ولا نتفق على كلمة واحده..!! طب بس نتفق على أول رمضان ولا وقفة عرفات..!! فين إحنا من عمر بن الخطاب ..؟! لما قال ( لو عقرت دابة في العراق لسُئل عنها عمر)..!! فين إحنا من المعتصم ..؟! لما جيش الجيوش ساعة ما استنجدت واحده ست مسلمة ..و قالت (وامعتصماه)..!! فين إحنا من عمر بن عبد العزيز ..؟! لما قال للسحابة ( إمطري أنّى شئت فسيأتيني خراجك)..!! كفايه بس نقضيها سلمات .. و أحضان .. و ابتسامات .. و نجتمع كل سنة .. و نطلع بقررات نحطها في الملفات ..و نرميها في الأدراج.. و بعدين لما تقع الفأس في الرأس.. نقعد نعيط على إللي فات .. و نلف السبع لفات..!!
على مستوى الآخرة .. برضوا إحنا بنضحك على نفسنا ..بنعمل كل ما بنفسنا ..و بنقول أكيد ربنا هيغفرلنا ..و النبي هيشفعلنا..!! طيب بأمارة إيه يا مسلمين يا موحدين..؟! بنعمل إيه علشان ندخل الجنة..؟! فين التكافل بين المسلمين..؟! فين حقوق الجار..؟! فين بتروح الزكاة ..؟! - إذا كنا بندفعها أصلاً.. !!- فين هو الصوم عن الشهوات..؟! فين هيا الصلاة إللي بتوحد القلوب..؟! (ترى المؤمنين في تآزرهم و ترابطهم كالبنيان المرصوص يشد بعضه بعضا) دا كمان وإحنا رايحين نحج بيت الله.. كأننا مأحنش عارفين إن فيه غيرنا مسلمين بيتقتلوا ..و بيتعذبوا.. و بيتهانوا كل يوم ..و مغميين عنينا ..وعاملين إن إحنا مش شايفين..!! يبقى فاضل إيه من أركان الإسلام..؟! شهادة (ألا إله إلا الله وأن محمد رسول الله )..!! مين دلوقتي عنده استعداد أنه يستشهد في سبيل الله..؟! بعد ما ضيعنا فرض الجهاد..!!
على مستوى الآخرة .. برضوا إحنا بنضحك على نفسنا ..بنعمل كل ما بنفسنا ..و بنقول أكيد ربنا هيغفرلنا ..و النبي هيشفعلنا..!! طيب بأمارة إيه يا مسلمين يا موحدين..؟! بنعمل إيه علشان ندخل الجنة..؟! فين التكافل بين المسلمين..؟! فين حقوق الجار..؟! فين بتروح الزكاة ..؟! - إذا كنا بندفعها أصلاً.. !!- فين هو الصوم عن الشهوات..؟! فين هيا الصلاة إللي بتوحد القلوب..؟! (ترى المؤمنين في تآزرهم و ترابطهم كالبنيان المرصوص يشد بعضه بعضا) دا كمان وإحنا رايحين نحج بيت الله.. كأننا مأحنش عارفين إن فيه غيرنا مسلمين بيتقتلوا ..و بيتعذبوا.. و بيتهانوا كل يوم ..و مغميين عنينا ..وعاملين إن إحنا مش شايفين..!! يبقى فاضل إيه من أركان الإسلام..؟! شهادة (ألا إله إلا الله وأن محمد رسول الله )..!! مين دلوقتي عنده استعداد أنه يستشهد في سبيل الله..؟! بعد ما ضيعنا فرض الجهاد..!!
بذمتكم.. حقيقي.. والله ..إحنا مش كده .. يبقى بنضحك على بعض..!!
تعليق