* قسوة *مهداة الى الواقفين على رصيف الحياة..

**سامية عبد الرحيم** · 25-02-2012, 19:23

ياما الدنيا قسيت علينا
لا ندمنا لحظة ولا انحنينا
هي كدا .. سكتها طويلة
والشوك فيها كتير بالتيلة
لو نسينا لحظة همومنا
يبقى عايشين ف أحلامنا
ولو غنينا وقلنا للناس حكاوينا
قالوا ياعيني وغنوا أغانينا
ياريت نسيبنا منها
دنيا وفانية
ومرجوعنا لخالقنا وبارينا

شكراً لقلمك الرائع وموسيقاه الجميلة الشاعر جمال عمران
ودمت متألقاً مميزاً
تحياتي

**جمال عمران** · 01-03-2012, 17:58

المشاركة الأصلية بواسطة سامية عبد الرحيم مشاهدة المشاركة

ياما الدنيا قسيت علينا
لا ندمنا لحظة ولا انحنينا
هي كدا .. سكتها طويلة
والشوك فيها كتير بالتيلة
لو نسينا لحظة همومنا
يبقى عايشين ف أحلامنا
ولو غنينا وقلنا للناس حكاوينا
قالوا ياعيني وغنوا أغانينا
ياريت نسيبنا منها
دنيا وفانية
ومرجوعنا لخالقنا وبارينا

شكراً لقلمك الرائع وموسيقاه الجميلة الشاعر جمال عمران
ودمت متألقاً مميزاً
تحياتي

الاستاذة سامية
وما اجمل ماخطه قلمك هنا فقد إزداد متصفحى بهاءا..
تحيتى ومودتى

**فؤاد إبراهيم** · 04-03-2012, 19:16

جميلة كلماتك
موسيقاها رائعة
تقبل صداقتى ومرورى المتواضع

**ابراهيم خالد احمد شوك** · 04-03-2012, 19:35

المشاركة الأصلية بواسطة جمال عمران مشاهدة المشاركة

مهداة الى الواقفين على رصيف الحياة..
*************

الدنيا بتقسى علينا ..
ماسكانا من رقابينا ..
بتشد ايدينا ورجلينا ..
تنهش وتقطع فينا ..
****
لو مرة بنضحك إحنا ..
لو شفنا شئ يفرحنا ..
أو حتى بحبنا بحنا ..
تيجى الأيام تطوينا ..
وتمر سنين تشقينا ..
والايام تلعب بينا ..
الدنيا بتقسى علينا ..
****
لما تقرب أفراحنا ..
نلاقيها دم جراحنا ..
أتارينا عايشين محنة ..
وبتتكسر أمانينا ..
ونعيش بجراح تكوينا ..
الدنيا بتقسى علينا ..
****
الأمل اللى بنستناه ..
ونعيش عمرنا نجرى وراه ..
أول مايقرب نلقاه ..
يبعد ويعز علينا ..
تبكى بالدم عينينا..
والحاقدين يشمتوا فينا ..
الدنيا بتقسى علينا ..
****
العمر اللى بنحياه ..
ونحب يطول مداه ..
فى غمضة عين نلقاه ..
بيضيع من بين ايدينا ..
وتغرق بينا السفينة ..
ولا إيد تتمد تنجينا ..
الدنيا بتقسى علينا ..
*****

الخلق بتقسى علينا
حتى القريب ناسينا
فين اللى بمسح دمعة
فى الضلمة يولع شمعة
نصرخ بأعلى صوت
الكل يشوف ويفوت
مابسأل ايه صار فينا
نحنا من الغلب بنموت
مافيش حد بيواسينا
لمتين يارب هالكرب
متين يسقينا الحب
ونلاقى القلبو علينا

------------

لك الاجلال صاحب الكلمة السامية والاحساس النبيل

أكون ممتناً لقبولك كلماتى التى أتت عفو الخاطر

دمت للابداع الفاعل

مودتى وحبى وإعزازى

**جمال عمران** · 05-03-2012, 19:12

المشاركة الأصلية بواسطة فؤاد إبراهيم مشاهدة المشاركة

جميلة كلماتك
موسيقاها رائعة
تقبل صداقتى ومرورى المتواضع

الجميل فؤاد ابراهيم
بل تقبل انت صداقتى المتواضعة ودعنى اقولها كما قالها الفرسان الثلاثة ( الجميع للواحد ..والواحد للجميع ) فكلنا اخوة واشقاء يجمعنا حب ذلك الرائع ..الضائع ..المجهول ..المجنون ..الحنون .. الواثق ..المقلوب ..المستقيم ..العالى ..الباسق ..المتدلل ..المحب ..الزائغ ..اللاهى ..المتهور ..الرافض..السهل ..العصى ..القوى ..الرفيق ..الرقيق ..الحالم ..الناقد ..الواعر ..الواعى ..الصادق الجرئ ( شعر العامية ..
تحيتى لك ومودتى..

**جمال عمران** · 05-03-2012, 19:16

المشاركة الأصلية بواسطة ابراهيم خالد احمد شوك مشاهدة المشاركة

الخلق بتقسى علينا
حتى القريب ناسينا
فين اللى بمسح دمعة
فى الضلمة يولع شمعة
نصرخ بأعلى صوت
الكل يشوف ويفوت
مابسأل ايه صار فينا
نحنا من الغلب بنموت
مافيش حد بيواسينا
لمتين يارب هالكرب
متين يسقينا الحب
ونلاقى القلبو علينا

------------

لك الاجلال صاحب الكلمة السامية والاحساس النبيل

أكون ممتناً لقبولك كلماتى التى أتت عفو الخاطر

دمت للابداع الفاعل

مودتى وحبى وإعزازى

الاستاذ ابراخين
مرحبا بك وبكلماتك التى زانت متصفح ( الغلابة ) وزادته بهاءا ..
تقبل تحيتى ومودتى..

* قسوة *مهداة الى الواقفين على رصيف الحياة..