تويت
تأليف/رضا الهجرسى
إشاعة خلع ..
1
حكايتنا هي حكاية نجم النجوم ..ماجد البشرى ..
رجل هباه الله كل شئ..بهاء الطلعة فى وسامة محببة ..
شباب فهو تخطى الثلاثين من عمره وهو فى كامل حيويته وبهاءه
الشهرة.. والمجد ..والمال ..الذى كان يصرفه ببذخ ..
هوفتى أحلام كل ..المراهقات ..بل كل النساء ..
نجم الشباك الأول ..تكتسح أفلامه كل أفلام منافسيه..لأقبال..الجنس اللطيف بجميع أعماره على أفلامه ..كان موضع حسد من جميع الرجال..
اطلق عليه ..طور الوسط الفنى..
لكثرة علاقاته..النسائية..وفضائحه ..التى تملأ المجلات الفنية ..
وجرائد الفضائح الصفراء..
المنتجون ..يقفون على بابه بالطوابير ..ليقبل بطولة أحد أفلامهم ..
ولكنه ..إرتكب الخطيئة الكبرى التى لا تغتفر..فى حق نفسه أولا..
وفى حق ..كل معجباته من الجنس اللطيف ..وفى حق المنتجين ..
الذين كانوا يجنون من وراء فضائحه الملايين ..
لقد وقع فى الحب ..
أحب.حنان..الممثلة الصاعدة..والتى كانت فى بداية مشوارها الفنى .
و زاد الطين بلة ..وقرر الزواج منها ..وقد كان ..
تمت المأساة ..ومر على زواجهما ...سنة.. بالكمال والتمام ..
فدعونا نرى ..ما حدث له..
2
جلس نجم النجوم يتناول أفطاره ..وقد طالت لحيته ..وضاع بهاء وجهه ..يتصفح جريدة أمامه ..وتحيط به ..مجلات مفتوحة ..بأعداد
كبيرة ..يلقى الجريدة وهو يصرخ غاضبا ..
- مش ممكن ..مش معقول..ده جنان اللى بيحصل ده..ولا خبر عنى ..
تدخل امرأة ترتدى السواد عينيها باظة لبرة ..تضع له الطعام
ينظر لها بفزع وإستغراب ..
- أنتى مين ..يا ست أنتى ..
ترد عليه حنان ..بعد أن جلست أمامه على السفرة ..
- دى الخدامة الجديدة ..يا حبيبى ..
- الخدامة الجديدة .. فين جولى .
- جولى أنا رجعتها لمكتب التخديم ..وجبت بدالها ..ريا ..
- تمشى جولى وتجيب لنا ..ريا ..يا شيخة حرام عليكى ..
دى شبة..ريا فعلا ..وعملتى كده ليه ..
- توفير ..يا حبيبى ..توفير ..
- توفير ..أنا هروح البنك أسحب لك أى مبلغ أنتى عايزاة ..
وترجعى جولى حالا ..
- مفيش داعى يا حبيبى ..البنك بعت لك جواب..بيهددك فيه أنه ..
هيقفل حسابك ..لأنك بتسحب دلوقتى ع المكشوف ..
- أنا بسحب ع المكشوف ..
- يا ما قلت لك يا حبيبى ..أمسك أيدك ..تقولى ..ده عقد فيلم واحد
يغطى كل ده ..و العقد مجاش ..والفلوس خلصت..
- أزاى ..أنا هتتجن..ولا خبر واحد عنى.. فى أى مجلة أو جريدة ولا..منتج واحد يتصل حتى بتليفون ..أيه اللى حصل ..أنا مش
فاهم حاجة...
-أنا يا حبيبى عايزه أأقولك من زمان ..بس خايفة أجرح شعورك
الرقيق ..المرهف ..الحساس ..
- انتى بأه عارفة السبب ..وأنا نايم فى العسل ..لازم تصارحينى
بالحقيقة مهما ..كانت مرة ..وهتجرحنى ..ودلوقتى..أرجوكى
يا حنان يا حبيبتى ..أرجوكى..
- اهدا يا حبيبى ..اهدا ..هقولك على كل حاجة ..لأننا لازم نلحق ..
قبل المصيبة ما تزيد ..ونبيع كل اللى حليتنا ..
- كمان ..بأه أنا نجم النجوم ..يدهدر ..بيه الحال بالشكل ده ..
- اهدا يا حبيبى ..وخلينا نفكر بهدوء ..
- ادينى هديت قوليلى بأه ..أيه السبب..
- جوازنا يا حبيبى ..هو السبب ...
- جوازنا ..أزاى؟؟؟
- أنت يا حبيبى كان جمهورك.من البنات الروشين المراهقين اللى
بتمثل لهم فتى أحلامهم ..مش بس المراهقين ..كل الجنس اللطيف
حتى المتجوزين ..والمطلقات ..والأرامل ..أنت كنت بالنسبة لهم
الراجل اللى بيشفوة فى أحلامهم ..
- طب وأيه ..اللى حصل ..
- لما أتجوزتنى ..ضاعت آمال المراهقات اللى كانوا بيجروا ..
وراك فى كل حتة ..ويخشوا أفلامك ..عشان يشوفوك ..وكل واحدة منهم بتحلم ..أنك فى يوم من الأيام ..هتكون من نصيبها.
طبعا الحلم ده ..اتقتل لما اتجوزت ..واتنقل لنجم تانى ..
- يعنى أيه الكلام ده ..يعنى عشان أفضل ..نجم النجوم ..لازم أفضل عازب ..ومتجوزش ..
- بالظبط ..يا حبيبى ..عشان كدة أنا فكرت ..وقلبت الموضوع
وجبته يمين ..وبعدين جبته شمال ..لحد ما لقيت ..الحل..
- الحل ..وأيه هو الحل ..
- أنك لازم ترجع عازب ..ومش كده وبس ..وترجع بفضيحة
- أرجع بفضيحة ..
- ومش أى ..فضيحة ..فضيحة تهز الوسط الفنى كله ..وتفكر الناس بفضايحك ..بتاعة زمان ..وترجعك ..طور الوسط الفنى
تانى ..والجرايد والمجلات ..تتكلم عنك وعن فضايحك ..
والمنتجين يرجعوا يجروا ..وراك..ويبوسوا أيدك كمان ..عشان توقع لهم عقد ..
- وهى أيه الفضيحة ..اللى هتعمل ده كله ..
- الخلع ..
- الخلع ..عايزة تخلعينى يا حنان ..بعد الحب الكبير اللى حبتهولك
- وأنا كمان يا حبيبى ..أنت عارف ومتأكد من حبى ليك ..وأنى
مقدرش أعيش من غيرك.. ومن غير حبك لحظة واحدة ..
- أمال أيه اللى ..بتقولية ..لخبطينى ..
- يا حبيبى ..دى ..أشاعة هنطلعها ..
- أشاعة ..طب ليه منطلعش ..أشاعة ..طلاق ..
- الموضة يا ماجد يا حبيبى اليومين دول..الخلع .الطلاق خلاص ..
بأه موضة قديمة ..ومش هيعمل الفضيحة اللى احنا عايزينها
شوف بأه مانشيتات الجرايد ..لما تطلع وتقول ..خلع نجم النجوم
خلع طور الوسط الفنى ..يااااااه ..دى هتبقى فضيحة الموسم .
- فعلا يا حبيبتى ..ويرجع اسمى تانى ..يملا المجلات والجرايد
الصفرا ..بس هنطلع الأشاعة دى ..أزاى .
- لا ..دى بأه تسيبها عليه ..أنا عارفة هسربها عن طريق مين..
- مين ..
- مفيش غيرها ..أنهار الذومبجى ..
- يا خبر أسود ..ملقتيش غير أنهار الذومبجى ..دى تقبل العما ..
ولا تقبلنيش ..
- وهو ده المطلوب ..ومتنساش ..أنها أكبر ذومبجية فى الصحافة
الصفرا ..وتموت فى الفضايح ..شفت يا حبيبى ..حبيبتك حنان
فكرت لك فى كل حاجة.عشان تسترد عرشك.وترجع نجم النجوم
3
تسأل .. أم حنان ..فى فزع ..إبنتها حنان ..
- أيه الحكاية يا حنان ..جايبانى على ملا وشى ليه ..لازم تيجى حالا يا ماما ..محتاجاكى جنبى ..فهمينى ..أيه الحكاية ...
وجوزك فين ..ده مش بعادة يخرج ويسيب البيت ..
- أهدى يا ماما وأقعدى ..وأنا هفهمك على كل حاجة ..المهم قفلتى
شقتك وجبتى هدومك ..لأنك هتقعدى معايا هنا كام شهر ..
- ليه هو المتنيل على عينه سى نجم النجوم بتاعك ده راح فين ..ياااه أنا مقبلوش لله فى لله ..لا هو ولا أبوه ..واخد فى نفسة قلم
وفاكر أن مفيش ع الأرض غيره..ولا أبوه ..اللى ماشى فى كل حتة يتفشخر بأبنه..ومفيش على بقه غيرهذا الشبل من ذاك الأسد
يا خي يتنيل على عينه..العجوز المهكع ..هو وابنه ..
- يا ماما اهدى ..ومتبوظيليش الخطة ..
- خطة ..خطة أيه..
- خطة ..هترفع أسم بنتك فى السما ..ما بين يوم وليلة ..الشهرة
والمجد ..هيجو لغاية بابي ..والمنتجين هيتسابقوا ..عشان..
اكون بطلة أفلامهم ..والفلوس هتترمى تحت رجلية ..
- أزاى بأه يا فالحة ..وسى نجم النجوم ..واقف لك ..ذى العقلة
فى الزور..
- ما هى دى بأه الخطة الجهنمية اللى رسمتها بنتك ..ومعرفش
أزاى ..ماجد وافق عليها ..
- أنا مش فاهمة حاجة خالص ..
- مش مهم ..المهم أنك هتقعدى معايا هنا ..عشان ..أنهار تصدق
الأشاعة ..وتنشرها فى مجلة الحقيقة ..بتاعة الفضايح ..وبعدها
هيتفتح على مصراعية..باب المجد والشهرة .. للنجمة حنان..
تدخل عليهم.. الخادمة ريا ..
- فيه واحد ولا واحدة..أسمها..أنهار زمبلك ..ومعاها ..واحد قزعة
كده ..حاطط على قلبه ..شوية صناديق ..وبيسألوا عليكى يا ست
حنان ..
- دخليهم بسرعة الصالون ..أنا نازلة لهم حالا ..
- مين ..أنهار زمبلك دى..
- أنهار الذمبجى ..يا ماما ..فى حد فى البلد ميعرفهاش ..مش
وقته دلوقتى ..أنزلى ضايفيهم ..لغاية ما حط ماكياج الحزن
واللوع ..على وشى ..يالا يا ماما ..بسرعة ..
- طيب أدينى رايحة أهو ..لست زمبلك ..بتاعتك لما أشوف
آخرتها أيه معاكى..
تدخل أم حنان الصالون وترحب بأنهار وهى امرأة تخطت
الأربعين من عمرها ..تتشبة بالرجال فى ملابسها ..تضع
كاب على رأسها ..وتمسك بايب فى يدها ..لا تدخنه ..ترفع
رأسها فى ..قلاطة ..ترتدى نظارة سوداء ..وبجانبها شاب
يقترب من الثلاثين من عمره ..قصير القامة ..يضع ثلاث
كاميرات على صدره ...وهو مصورها الشخصى.. فلاش
- أهلا ..أهلا ..ست زمبلك ..
تسلم عليها بأطراف أصابعها فى إستياء ويصرخ فلاش
- الذمبجى ..يا هانم ..الست أنهار الذمبجى ..الصحفية ..
المتسيطة ..وقنبلة الصحافة الصفرا ..
- قنبلة ..وصفرا كمان..يا ستار يا رب ..
- طبعا يا هانم ..دى ذمبة منها ..تطلع أصغر فنان ..فوق
فوق فى السما ..وذمبة تانية ..تنزل ..أكبر نجم ...تحت
تحت ..فى أسفل سافلين ..وتنزله لسابع أرض..
- اللهم أما أحفظنا يا خويا .. هى مبتتكلمش ليه ..هى خرسا..
- دى يا هانم متتكلمش الا فى حالة واحدة.لما تيجى تفقع الذمبة.
تدخل حنان وهى تمسك منديل فى يدها وتدعى البكاء ..ترحب
بهم ..ثم ترتمى فى أحضان أمها باكية ..يهدأها فلاش ..
- أهدى يا نجمة أرجوكى ..عشان ستنا وتاج راسنا تفهم الحكاية
اللى قولتيها فى التليفون..وأنها هتبقى قنبلة الموسم ..أيه
بأه الحكاية ..
- الحكاية بإختصار ..أنى مبقتش قادرة استحمل عشرته أكتر من
كده ..طلبت منه الطلاق ..رفض ..فإضطريت ..أرفع عليه ..
قضية خلع ..
- هايل ..هايل ..يا نجمة ..ده خبر فعلا قنبلة ..ولا أيه يا أستاذتنا
تهز أنهار الذمبجى رأسها موافقة ..وتوشوش ..فلاش فى أذنه
فيصرخ ..
- فعلا ..فعلا ..الله ينور عليكى ..يا أستاذة أساتيذ الذنب ..هو ده
شوفى بأه يا نجمة المستقبل ..أنتى طبعا عارفة إن احنا أسم..
مجلتنا ..الحقيقة ..ولا ننشر ألا الحقيقة ..المثبتة بمستندات ..
رسمية ..الأستاذة عايزة ..الورقة اللى خدتيها من..
المحكمة ..لما رفعتى قضية الخلع ..عشان ننشر واحنا ..
ضهرنا محمى ..بيها ..
ترتبك حنان
- آه.. طبعا ..الأستاذة عندها حق ..بس الأوراق كلها عند محامى
العيلة ..
تقف أنهار وفلاش
- طب نستأذنك يا نجمة عشان الست وراها ذمبة فى حتة تانية وأول ما توصل للأستاذة الورقة..سيبى الباقى عليها ..
يخرج فلاش وأنهار ..وتجلس حنان تفكر بعمق ..ثم تتناول
التليفون وهى تقول ..
- أيوه ..مفيش غيره ..الأستاذ سحتوت المحامى ..ده محامى العيلة
وهو اللى هيفهمنى أعمل أيه ..
4
يضع ماجد يده على جرس باب شقته ولا يرفعه الا عندما تفتح
ريا الخادمة الباب ..فيدفعها بشدة وهو ينادى على حنان بعصبية
شديدة ..ووراءه ..أبيه ..وكل منهما ..يمسك مجلة الحقيقة فى يده
تقابلهما ..أم حنان ..بعصبية ..وهى الأخرى تمسك مجلة فى يدها
- بتزعق كده ليه..أنت ليك عين أنت وأبوك..بعد الفضايح والجرس
دي كلها..وبعد ما أتكفش المستور ..يا ..أكذوبة ..
يرد أبوه..صارخا
- أنا أبنى..مش أكذوبة ..كل ده..كدب وأفترا..أنا أبنى صاغ سليم
وذى الفل ..
- يا خى والنبى تتلهى ..فالح بس ..فى الروحة والجية ..دوشنا
هذا الشبل من ذاك الأسد ..هذا الشبل من ذاك الأسد ..بلا نيلة
- ولسه بقول ..وهفضل أأقول ..هذا الشبل من ذاك الأسد..
يهدأ ماجد أباه
- أرجوك يا بابا ..تهدى شوية ..أحنا مالناش كلام معاها ..فين حنان
- أنت عايزها ليه ..لو عندك كلام قوله للقاضى فى المحكمة
- محكمة أيه بس يا حماتى ..ده كله كدب ..ومتفقين عليه أنا وحنان
هى فين..يا حنان..يا حنان ..لازم المهزلة دى تقف حالا..
تدخل حنان وهى تنظر فى الأرض..فيمسكها ماجد من ذراعها
بعنف ..صارخا..وهو يشير لها بالمجلة ..
- تسمحى تفهمينى يا هانم ..أيه الكلام الفارغ ..اللى نشراة ..أنهار
فى المجلة ..بأه أنا أكذوبة الوسط الفنى ..طور الوسط الوسط تكشفه زوجته ..الفنانة حنان عاشت لمدة عام فى حرمان وعذاب..بأه أنتي كنتى عايشة معايا فى حرمان وعذاب
ترفع أم حنان يده من على ذراع حنان ..وتأخذها فى حضنها..
- أبعد أيدك عن البت ..أنت عايز تضربها ولا أيه ..أتفضل أطلع
برة وخد معاك الأسد أبوك ..والا هبلغ البوليس ..
- أنتى موافقة ..يا حنان ..على كلام أمك ..
تضع حنان وجهها فى صدر أمها ..يسحبه أبوه من يده ..
- يالا ..يا ماجد..يا ابنى ..وميعادنا فى المحكمة ..يا هانم ..
5
فى قاعة المحكمة ..يقف ماجد مع أبيه والأستاذ فتحى عمار
المحامى ..وماجد يحتضن فى صدره..ظرف كبير لصورأشاعات طبية.. يلمح أنهار تدخل من باب القاعة ..فيجرى ناحيتهم ..وعندما
تراه أنهار ..تحتمى فى ظهر فلاش..ويضع فلاش يده فى صدر ..
ماجد ليحميها ..وماجد يصرخ فى عصبية شديدة ..
- بأه ..أنتي يا أنهار ..تدينى الذمبة دى ..إن ما كنت ..أأقفلهالك ..
- ماسكة كويس ..يا واد يا فلاش ..
- متخافيش يا ستنا ..أحنا فداكى ..
- بدل ما تتشطر علية ..روح أتشطر ع اللى فضحتك ..ورفعت
عليك القضية ..عشان تشتهر ..وتبقى ..نجمة النجوم ..
يهدأ ماجد
- لأ..فى دى عندك حق ..
يتركها ماجد ويجلس بجانب والده والمحامى ..
وتنظر أنهار إلي فلاش فى فرح
- أيه رأيك يا واد يا فلاش ..فى الذمبة دى ..
- أستاذة أساتيذ ..الذمبجية كلهم ..عبقرية لن تتكرر فى تاريخ ..
الصحافة الصفرا يا ست.. تدخل حنان القاعة وهى تغطى وجهها بجريدة ومعها سحتوت
ويجلسوا فى نهاية القاعة حتى لا يراها ماجد ..فلم يراها ..
فقد كان يستمع إلى محاميه بتركيز شديد ..
- القضية هايفة ومتستحقش اللى بتعمله فى نفسك ده ..أحنا معانا
الشهادات الطبية من أكبر دكاترة ومدعمة بتحاليل وصور أشعة .
أنك سليم ومية ..مية ..واللى يهمنا هنا مش قضية الخلع ..
اللى يهمنا..أننا نثبت أنك سليم ..وأن كل اللى أتقال ده كدب
وتلفيق ..أحضرنا.. يا أستاذ بشري ..
- أيوه يا ماجد يا ابنى ..أهم حاجة ..نثبت أنك سليم ..وكامل
الرجولة ..وذي الفل..
- أنا حاسس بأهانة ..كبيرة قوى ..
- لا .أنا مش عايزك تفقد ثقتك بنفسك كده ..قول ورايا يا وله..
أنا جامد ..أنا قوى ..أنا عنتيل ..قول يا وله..
يردد ماجد بدون حماس ..فيصرخ فيه أبيه ..
- قول يا وله بحماس وقوة ..أنا جامد ..أنا قوى ..أنا عنتيل
- أنا جامد ..أنا قوى ..أنا عنتيل .
- كمان ..
- أنا جامد ..أنا قوى ..أنا عنتيل ..
يدخل القاضى ويطلب من الحاجب أن ينادى على القضية الأولى
- محكمة ..القضية الأولى ..المرفوعة من السيدة حنان ذكى ..
بخلع.. السيد ..ماجد البشرى ..
يتقدم المحاميان الى المنصة ..
- سحتوت سحتت ..المحامى ..حاضر عن السيدة ..حنان ..
- فتحى عمار المحامى ..حاضر عن السيد ..ماجد البشري.
ينظر القاضى إلى سحتوت
- أتفضل يا أستاذ سحتوت .. طلباتك ..
يرفع سحتوت..صوته فى لغة خطابية..ويتحرك أمام المنصة
- سيدى القاضى ..إن الجريمة الشنعاء.. التى نحن بصددها ..
ليشيب لها الولدان ..فى بطون أمهاتهم ..وتهتز لها أركان ..
المعمورة ..حزنا وكمدا..إن هذا المجرم الأثيم قد مات ضميره
وطعن موكلتى ..فى ..
يقف فتحى معترضا
- أعترض ..سيادة القاضى ..فهذا تجريح فى شخص موكلى ..
- أعتراضك..مقبول..راعى كلامك لو سمحت.. يا متر..
- أعتذر لهيئة المحكمة الموقرة ..فقد جرفتنى مشاعرى ..كلما تذكرت ما عانتة موكلتى..من عذاب الحرمان..و ممارسة حقوقها
الشرعية..والتى أحلها الله.. خدعها ..هذا الكاذب..بهيئته الهرقلية
الخادعة. وسمعته الكاذبة..التى روج لها ..بأنه طور الوسط الفنى
وفتى أحلام النساء ..و ووو..ثم ماذا ..أتضح أنه كذبة ..
يقف ماجد ثائرا
- كدب ..كل ده ..كدب ..
-استريح يا أستاذ يا ماجد أرجوك.. هييجى وقتك وتقول اللى أنت عايزه..أتفضل يا أستاذ سحتوت كمل..بس أختصر شوية دى قضية خلع ..مش جريمة قتل ..
- بل هى جريمة قتل ..سيدى القاضى ..قتل نفس بشرية حلمت
بحياة زوجية ..وصدقت كذبه وأدعااءته التى روجها ..ووقعت
فى الفخ..هذا الحمل الوديع ..وقع فى شبكة هذا الذئب ..ومع
ذلك ..حاولت ولمدة عام ..أن تساعده ..عرضته على أكبر
الأطباء ..فى مصر ..وفى الخارج ..ومفيش فايدة ...جلبت له
من أمريكا جميع أنواع الحبوب الزرقاء الأصلية ومن حسابها
الخاص ..لم تبخل علية بأى عزيز وغالى ..وبرضة مفيش
فايدة...
يقف ماجد فى هياج شديد
- أنت راجل كداب ..ومفترى ..
القاضى فى لهجة غاضبة
- إذا كررتها تانى ..هطلعك بره الجلسة ..
يشده أبيه من يده ويجلسه..ويحاول تهدئته..
- أحنا قلنا أيه ..
- أنا جامد ..أنا قوى ...أنا عنتيل ..
يشير القاضى إلى سحتوت أن يجلس
- خلاص يا أستاذ ..المحكمة أتنورت ..أتفضل أستريح
أتفضل يا أستاذ فتحى ..
- سيدى القاضى ..لسنا برجال أقوال فضفاضة ..وكلمات رنانة ..
ونلقى بالتهم جزافا..بدون أي أثباتات ومستندات ..فنحن لدينا ما
يثبت سلامة موكلى ..بل يؤكد فحولته الكاملة ..شهادات من
أكبر الأطباء المعروفين ..بنزاهتهم ..بسلامة موكلى ..وأنه..
يقاطعة سحتوت
- اسمح لى يا سيادة القاضى بالرد على زميلى المحترم ..فلسنا
نشكك فى نزاهة الأطباء ..فقد يكون الأستاذ ماجد.. سليم مائة
فى المائة فى الفحوصات الطبية ..
ويرفع صوتة عاليا
- ولكنه فاشل فى أثبات ذلك مع زوجته ..وعلى فراش الزوجية
ولا يوجد من يؤكد ذلك ..غير زوجته ..وشكرا سيادة القاضى
يشير القاضى إليهم بالعودة لأماكنهم
- أتفضلوا ياأساتذة ..وأكتب يا ابنى ...
تؤجل القضية ..للحكم ..بطلاق السيدة ..حنان ذكى ..خلعا..
يقف ماجد وهو يشير للقاضى بالشهادات ..فى حركات
هستيرية وجنون شديد ..ويهجم على المنصة ..
- أنا جامد ..أنا قوى ..أنا عنتيل ..
حتى شوفوا ..حتى بصوا ..
( النهاية )
إشاعة خلع ..
1
حكايتنا هي حكاية نجم النجوم ..ماجد البشرى ..
رجل هباه الله كل شئ..بهاء الطلعة فى وسامة محببة ..
شباب فهو تخطى الثلاثين من عمره وهو فى كامل حيويته وبهاءه
الشهرة.. والمجد ..والمال ..الذى كان يصرفه ببذخ ..
هوفتى أحلام كل ..المراهقات ..بل كل النساء ..
نجم الشباك الأول ..تكتسح أفلامه كل أفلام منافسيه..لأقبال..الجنس اللطيف بجميع أعماره على أفلامه ..كان موضع حسد من جميع الرجال..
اطلق عليه ..طور الوسط الفنى..
لكثرة علاقاته..النسائية..وفضائحه ..التى تملأ المجلات الفنية ..
وجرائد الفضائح الصفراء..
المنتجون ..يقفون على بابه بالطوابير ..ليقبل بطولة أحد أفلامهم ..
ولكنه ..إرتكب الخطيئة الكبرى التى لا تغتفر..فى حق نفسه أولا..
وفى حق ..كل معجباته من الجنس اللطيف ..وفى حق المنتجين ..
الذين كانوا يجنون من وراء فضائحه الملايين ..
لقد وقع فى الحب ..
أحب.حنان..الممثلة الصاعدة..والتى كانت فى بداية مشوارها الفنى .
و زاد الطين بلة ..وقرر الزواج منها ..وقد كان ..
تمت المأساة ..ومر على زواجهما ...سنة.. بالكمال والتمام ..
فدعونا نرى ..ما حدث له..
2
جلس نجم النجوم يتناول أفطاره ..وقد طالت لحيته ..وضاع بهاء وجهه ..يتصفح جريدة أمامه ..وتحيط به ..مجلات مفتوحة ..بأعداد
كبيرة ..يلقى الجريدة وهو يصرخ غاضبا ..
- مش ممكن ..مش معقول..ده جنان اللى بيحصل ده..ولا خبر عنى ..
تدخل امرأة ترتدى السواد عينيها باظة لبرة ..تضع له الطعام
ينظر لها بفزع وإستغراب ..
- أنتى مين ..يا ست أنتى ..
ترد عليه حنان ..بعد أن جلست أمامه على السفرة ..
- دى الخدامة الجديدة ..يا حبيبى ..
- الخدامة الجديدة .. فين جولى .
- جولى أنا رجعتها لمكتب التخديم ..وجبت بدالها ..ريا ..
- تمشى جولى وتجيب لنا ..ريا ..يا شيخة حرام عليكى ..
دى شبة..ريا فعلا ..وعملتى كده ليه ..
- توفير ..يا حبيبى ..توفير ..
- توفير ..أنا هروح البنك أسحب لك أى مبلغ أنتى عايزاة ..
وترجعى جولى حالا ..
- مفيش داعى يا حبيبى ..البنك بعت لك جواب..بيهددك فيه أنه ..
هيقفل حسابك ..لأنك بتسحب دلوقتى ع المكشوف ..
- أنا بسحب ع المكشوف ..
- يا ما قلت لك يا حبيبى ..أمسك أيدك ..تقولى ..ده عقد فيلم واحد
يغطى كل ده ..و العقد مجاش ..والفلوس خلصت..
- أزاى ..أنا هتتجن..ولا خبر واحد عنى.. فى أى مجلة أو جريدة ولا..منتج واحد يتصل حتى بتليفون ..أيه اللى حصل ..أنا مش
فاهم حاجة...
-أنا يا حبيبى عايزه أأقولك من زمان ..بس خايفة أجرح شعورك
الرقيق ..المرهف ..الحساس ..
- انتى بأه عارفة السبب ..وأنا نايم فى العسل ..لازم تصارحينى
بالحقيقة مهما ..كانت مرة ..وهتجرحنى ..ودلوقتى..أرجوكى
يا حنان يا حبيبتى ..أرجوكى..
- اهدا يا حبيبى ..اهدا ..هقولك على كل حاجة ..لأننا لازم نلحق ..
قبل المصيبة ما تزيد ..ونبيع كل اللى حليتنا ..
- كمان ..بأه أنا نجم النجوم ..يدهدر ..بيه الحال بالشكل ده ..
- اهدا يا حبيبى ..وخلينا نفكر بهدوء ..
- ادينى هديت قوليلى بأه ..أيه السبب..
- جوازنا يا حبيبى ..هو السبب ...
- جوازنا ..أزاى؟؟؟
- أنت يا حبيبى كان جمهورك.من البنات الروشين المراهقين اللى
بتمثل لهم فتى أحلامهم ..مش بس المراهقين ..كل الجنس اللطيف
حتى المتجوزين ..والمطلقات ..والأرامل ..أنت كنت بالنسبة لهم
الراجل اللى بيشفوة فى أحلامهم ..
- طب وأيه ..اللى حصل ..
- لما أتجوزتنى ..ضاعت آمال المراهقات اللى كانوا بيجروا ..
وراك فى كل حتة ..ويخشوا أفلامك ..عشان يشوفوك ..وكل واحدة منهم بتحلم ..أنك فى يوم من الأيام ..هتكون من نصيبها.
طبعا الحلم ده ..اتقتل لما اتجوزت ..واتنقل لنجم تانى ..
- يعنى أيه الكلام ده ..يعنى عشان أفضل ..نجم النجوم ..لازم أفضل عازب ..ومتجوزش ..
- بالظبط ..يا حبيبى ..عشان كدة أنا فكرت ..وقلبت الموضوع
وجبته يمين ..وبعدين جبته شمال ..لحد ما لقيت ..الحل..
- الحل ..وأيه هو الحل ..
- أنك لازم ترجع عازب ..ومش كده وبس ..وترجع بفضيحة
- أرجع بفضيحة ..
- ومش أى ..فضيحة ..فضيحة تهز الوسط الفنى كله ..وتفكر الناس بفضايحك ..بتاعة زمان ..وترجعك ..طور الوسط الفنى
تانى ..والجرايد والمجلات ..تتكلم عنك وعن فضايحك ..
والمنتجين يرجعوا يجروا ..وراك..ويبوسوا أيدك كمان ..عشان توقع لهم عقد ..
- وهى أيه الفضيحة ..اللى هتعمل ده كله ..
- الخلع ..
- الخلع ..عايزة تخلعينى يا حنان ..بعد الحب الكبير اللى حبتهولك
- وأنا كمان يا حبيبى ..أنت عارف ومتأكد من حبى ليك ..وأنى
مقدرش أعيش من غيرك.. ومن غير حبك لحظة واحدة ..
- أمال أيه اللى ..بتقولية ..لخبطينى ..
- يا حبيبى ..دى ..أشاعة هنطلعها ..
- أشاعة ..طب ليه منطلعش ..أشاعة ..طلاق ..
- الموضة يا ماجد يا حبيبى اليومين دول..الخلع .الطلاق خلاص ..
بأه موضة قديمة ..ومش هيعمل الفضيحة اللى احنا عايزينها
شوف بأه مانشيتات الجرايد ..لما تطلع وتقول ..خلع نجم النجوم
خلع طور الوسط الفنى ..يااااااه ..دى هتبقى فضيحة الموسم .
- فعلا يا حبيبتى ..ويرجع اسمى تانى ..يملا المجلات والجرايد
الصفرا ..بس هنطلع الأشاعة دى ..أزاى .
- لا ..دى بأه تسيبها عليه ..أنا عارفة هسربها عن طريق مين..
- مين ..
- مفيش غيرها ..أنهار الذومبجى ..
- يا خبر أسود ..ملقتيش غير أنهار الذومبجى ..دى تقبل العما ..
ولا تقبلنيش ..
- وهو ده المطلوب ..ومتنساش ..أنها أكبر ذومبجية فى الصحافة
الصفرا ..وتموت فى الفضايح ..شفت يا حبيبى ..حبيبتك حنان
فكرت لك فى كل حاجة.عشان تسترد عرشك.وترجع نجم النجوم
3
تسأل .. أم حنان ..فى فزع ..إبنتها حنان ..
- أيه الحكاية يا حنان ..جايبانى على ملا وشى ليه ..لازم تيجى حالا يا ماما ..محتاجاكى جنبى ..فهمينى ..أيه الحكاية ...
وجوزك فين ..ده مش بعادة يخرج ويسيب البيت ..
- أهدى يا ماما وأقعدى ..وأنا هفهمك على كل حاجة ..المهم قفلتى
شقتك وجبتى هدومك ..لأنك هتقعدى معايا هنا كام شهر ..
- ليه هو المتنيل على عينه سى نجم النجوم بتاعك ده راح فين ..ياااه أنا مقبلوش لله فى لله ..لا هو ولا أبوه ..واخد فى نفسة قلم
وفاكر أن مفيش ع الأرض غيره..ولا أبوه ..اللى ماشى فى كل حتة يتفشخر بأبنه..ومفيش على بقه غيرهذا الشبل من ذاك الأسد
يا خي يتنيل على عينه..العجوز المهكع ..هو وابنه ..
- يا ماما اهدى ..ومتبوظيليش الخطة ..
- خطة ..خطة أيه..
- خطة ..هترفع أسم بنتك فى السما ..ما بين يوم وليلة ..الشهرة
والمجد ..هيجو لغاية بابي ..والمنتجين هيتسابقوا ..عشان..
اكون بطلة أفلامهم ..والفلوس هتترمى تحت رجلية ..
- أزاى بأه يا فالحة ..وسى نجم النجوم ..واقف لك ..ذى العقلة
فى الزور..
- ما هى دى بأه الخطة الجهنمية اللى رسمتها بنتك ..ومعرفش
أزاى ..ماجد وافق عليها ..
- أنا مش فاهمة حاجة خالص ..
- مش مهم ..المهم أنك هتقعدى معايا هنا ..عشان ..أنهار تصدق
الأشاعة ..وتنشرها فى مجلة الحقيقة ..بتاعة الفضايح ..وبعدها
هيتفتح على مصراعية..باب المجد والشهرة .. للنجمة حنان..
تدخل عليهم.. الخادمة ريا ..
- فيه واحد ولا واحدة..أسمها..أنهار زمبلك ..ومعاها ..واحد قزعة
كده ..حاطط على قلبه ..شوية صناديق ..وبيسألوا عليكى يا ست
حنان ..
- دخليهم بسرعة الصالون ..أنا نازلة لهم حالا ..
- مين ..أنهار زمبلك دى..
- أنهار الذمبجى ..يا ماما ..فى حد فى البلد ميعرفهاش ..مش
وقته دلوقتى ..أنزلى ضايفيهم ..لغاية ما حط ماكياج الحزن
واللوع ..على وشى ..يالا يا ماما ..بسرعة ..
- طيب أدينى رايحة أهو ..لست زمبلك ..بتاعتك لما أشوف
آخرتها أيه معاكى..
تدخل أم حنان الصالون وترحب بأنهار وهى امرأة تخطت
الأربعين من عمرها ..تتشبة بالرجال فى ملابسها ..تضع
كاب على رأسها ..وتمسك بايب فى يدها ..لا تدخنه ..ترفع
رأسها فى ..قلاطة ..ترتدى نظارة سوداء ..وبجانبها شاب
يقترب من الثلاثين من عمره ..قصير القامة ..يضع ثلاث
كاميرات على صدره ...وهو مصورها الشخصى.. فلاش
- أهلا ..أهلا ..ست زمبلك ..
تسلم عليها بأطراف أصابعها فى إستياء ويصرخ فلاش
- الذمبجى ..يا هانم ..الست أنهار الذمبجى ..الصحفية ..
المتسيطة ..وقنبلة الصحافة الصفرا ..
- قنبلة ..وصفرا كمان..يا ستار يا رب ..
- طبعا يا هانم ..دى ذمبة منها ..تطلع أصغر فنان ..فوق
فوق فى السما ..وذمبة تانية ..تنزل ..أكبر نجم ...تحت
تحت ..فى أسفل سافلين ..وتنزله لسابع أرض..
- اللهم أما أحفظنا يا خويا .. هى مبتتكلمش ليه ..هى خرسا..
- دى يا هانم متتكلمش الا فى حالة واحدة.لما تيجى تفقع الذمبة.
تدخل حنان وهى تمسك منديل فى يدها وتدعى البكاء ..ترحب
بهم ..ثم ترتمى فى أحضان أمها باكية ..يهدأها فلاش ..
- أهدى يا نجمة أرجوكى ..عشان ستنا وتاج راسنا تفهم الحكاية
اللى قولتيها فى التليفون..وأنها هتبقى قنبلة الموسم ..أيه
بأه الحكاية ..
- الحكاية بإختصار ..أنى مبقتش قادرة استحمل عشرته أكتر من
كده ..طلبت منه الطلاق ..رفض ..فإضطريت ..أرفع عليه ..
قضية خلع ..
- هايل ..هايل ..يا نجمة ..ده خبر فعلا قنبلة ..ولا أيه يا أستاذتنا
تهز أنهار الذمبجى رأسها موافقة ..وتوشوش ..فلاش فى أذنه
فيصرخ ..
- فعلا ..فعلا ..الله ينور عليكى ..يا أستاذة أساتيذ الذنب ..هو ده
شوفى بأه يا نجمة المستقبل ..أنتى طبعا عارفة إن احنا أسم..
مجلتنا ..الحقيقة ..ولا ننشر ألا الحقيقة ..المثبتة بمستندات ..
رسمية ..الأستاذة عايزة ..الورقة اللى خدتيها من..
المحكمة ..لما رفعتى قضية الخلع ..عشان ننشر واحنا ..
ضهرنا محمى ..بيها ..
ترتبك حنان
- آه.. طبعا ..الأستاذة عندها حق ..بس الأوراق كلها عند محامى
العيلة ..
تقف أنهار وفلاش
- طب نستأذنك يا نجمة عشان الست وراها ذمبة فى حتة تانية وأول ما توصل للأستاذة الورقة..سيبى الباقى عليها ..
يخرج فلاش وأنهار ..وتجلس حنان تفكر بعمق ..ثم تتناول
التليفون وهى تقول ..
- أيوه ..مفيش غيره ..الأستاذ سحتوت المحامى ..ده محامى العيلة
وهو اللى هيفهمنى أعمل أيه ..
4
يضع ماجد يده على جرس باب شقته ولا يرفعه الا عندما تفتح
ريا الخادمة الباب ..فيدفعها بشدة وهو ينادى على حنان بعصبية
شديدة ..ووراءه ..أبيه ..وكل منهما ..يمسك مجلة الحقيقة فى يده
تقابلهما ..أم حنان ..بعصبية ..وهى الأخرى تمسك مجلة فى يدها
- بتزعق كده ليه..أنت ليك عين أنت وأبوك..بعد الفضايح والجرس
دي كلها..وبعد ما أتكفش المستور ..يا ..أكذوبة ..
يرد أبوه..صارخا
- أنا أبنى..مش أكذوبة ..كل ده..كدب وأفترا..أنا أبنى صاغ سليم
وذى الفل ..
- يا خى والنبى تتلهى ..فالح بس ..فى الروحة والجية ..دوشنا
هذا الشبل من ذاك الأسد ..هذا الشبل من ذاك الأسد ..بلا نيلة
- ولسه بقول ..وهفضل أأقول ..هذا الشبل من ذاك الأسد..
يهدأ ماجد أباه
- أرجوك يا بابا ..تهدى شوية ..أحنا مالناش كلام معاها ..فين حنان
- أنت عايزها ليه ..لو عندك كلام قوله للقاضى فى المحكمة
- محكمة أيه بس يا حماتى ..ده كله كدب ..ومتفقين عليه أنا وحنان
هى فين..يا حنان..يا حنان ..لازم المهزلة دى تقف حالا..
تدخل حنان وهى تنظر فى الأرض..فيمسكها ماجد من ذراعها
بعنف ..صارخا..وهو يشير لها بالمجلة ..
- تسمحى تفهمينى يا هانم ..أيه الكلام الفارغ ..اللى نشراة ..أنهار
فى المجلة ..بأه أنا أكذوبة الوسط الفنى ..طور الوسط الوسط تكشفه زوجته ..الفنانة حنان عاشت لمدة عام فى حرمان وعذاب..بأه أنتي كنتى عايشة معايا فى حرمان وعذاب
ترفع أم حنان يده من على ذراع حنان ..وتأخذها فى حضنها..
- أبعد أيدك عن البت ..أنت عايز تضربها ولا أيه ..أتفضل أطلع
برة وخد معاك الأسد أبوك ..والا هبلغ البوليس ..
- أنتى موافقة ..يا حنان ..على كلام أمك ..
تضع حنان وجهها فى صدر أمها ..يسحبه أبوه من يده ..
- يالا ..يا ماجد..يا ابنى ..وميعادنا فى المحكمة ..يا هانم ..
5
فى قاعة المحكمة ..يقف ماجد مع أبيه والأستاذ فتحى عمار
المحامى ..وماجد يحتضن فى صدره..ظرف كبير لصورأشاعات طبية.. يلمح أنهار تدخل من باب القاعة ..فيجرى ناحيتهم ..وعندما
تراه أنهار ..تحتمى فى ظهر فلاش..ويضع فلاش يده فى صدر ..
ماجد ليحميها ..وماجد يصرخ فى عصبية شديدة ..
- بأه ..أنتي يا أنهار ..تدينى الذمبة دى ..إن ما كنت ..أأقفلهالك ..
- ماسكة كويس ..يا واد يا فلاش ..
- متخافيش يا ستنا ..أحنا فداكى ..
- بدل ما تتشطر علية ..روح أتشطر ع اللى فضحتك ..ورفعت
عليك القضية ..عشان تشتهر ..وتبقى ..نجمة النجوم ..
يهدأ ماجد
- لأ..فى دى عندك حق ..
يتركها ماجد ويجلس بجانب والده والمحامى ..
وتنظر أنهار إلي فلاش فى فرح
- أيه رأيك يا واد يا فلاش ..فى الذمبة دى ..
- أستاذة أساتيذ ..الذمبجية كلهم ..عبقرية لن تتكرر فى تاريخ ..
الصحافة الصفرا يا ست.. تدخل حنان القاعة وهى تغطى وجهها بجريدة ومعها سحتوت
ويجلسوا فى نهاية القاعة حتى لا يراها ماجد ..فلم يراها ..
فقد كان يستمع إلى محاميه بتركيز شديد ..
- القضية هايفة ومتستحقش اللى بتعمله فى نفسك ده ..أحنا معانا
الشهادات الطبية من أكبر دكاترة ومدعمة بتحاليل وصور أشعة .
أنك سليم ومية ..مية ..واللى يهمنا هنا مش قضية الخلع ..
اللى يهمنا..أننا نثبت أنك سليم ..وأن كل اللى أتقال ده كدب
وتلفيق ..أحضرنا.. يا أستاذ بشري ..
- أيوه يا ماجد يا ابنى ..أهم حاجة ..نثبت أنك سليم ..وكامل
الرجولة ..وذي الفل..
- أنا حاسس بأهانة ..كبيرة قوى ..
- لا .أنا مش عايزك تفقد ثقتك بنفسك كده ..قول ورايا يا وله..
أنا جامد ..أنا قوى ..أنا عنتيل ..قول يا وله..
يردد ماجد بدون حماس ..فيصرخ فيه أبيه ..
- قول يا وله بحماس وقوة ..أنا جامد ..أنا قوى ..أنا عنتيل
- أنا جامد ..أنا قوى ..أنا عنتيل .
- كمان ..
- أنا جامد ..أنا قوى ..أنا عنتيل ..
يدخل القاضى ويطلب من الحاجب أن ينادى على القضية الأولى
- محكمة ..القضية الأولى ..المرفوعة من السيدة حنان ذكى ..
بخلع.. السيد ..ماجد البشرى ..
يتقدم المحاميان الى المنصة ..
- سحتوت سحتت ..المحامى ..حاضر عن السيدة ..حنان ..
- فتحى عمار المحامى ..حاضر عن السيد ..ماجد البشري.
ينظر القاضى إلى سحتوت
- أتفضل يا أستاذ سحتوت .. طلباتك ..
يرفع سحتوت..صوته فى لغة خطابية..ويتحرك أمام المنصة
- سيدى القاضى ..إن الجريمة الشنعاء.. التى نحن بصددها ..
ليشيب لها الولدان ..فى بطون أمهاتهم ..وتهتز لها أركان ..
المعمورة ..حزنا وكمدا..إن هذا المجرم الأثيم قد مات ضميره
وطعن موكلتى ..فى ..
يقف فتحى معترضا
- أعترض ..سيادة القاضى ..فهذا تجريح فى شخص موكلى ..
- أعتراضك..مقبول..راعى كلامك لو سمحت.. يا متر..
- أعتذر لهيئة المحكمة الموقرة ..فقد جرفتنى مشاعرى ..كلما تذكرت ما عانتة موكلتى..من عذاب الحرمان..و ممارسة حقوقها
الشرعية..والتى أحلها الله.. خدعها ..هذا الكاذب..بهيئته الهرقلية
الخادعة. وسمعته الكاذبة..التى روج لها ..بأنه طور الوسط الفنى
وفتى أحلام النساء ..و ووو..ثم ماذا ..أتضح أنه كذبة ..
يقف ماجد ثائرا
- كدب ..كل ده ..كدب ..
-استريح يا أستاذ يا ماجد أرجوك.. هييجى وقتك وتقول اللى أنت عايزه..أتفضل يا أستاذ سحتوت كمل..بس أختصر شوية دى قضية خلع ..مش جريمة قتل ..
- بل هى جريمة قتل ..سيدى القاضى ..قتل نفس بشرية حلمت
بحياة زوجية ..وصدقت كذبه وأدعااءته التى روجها ..ووقعت
فى الفخ..هذا الحمل الوديع ..وقع فى شبكة هذا الذئب ..ومع
ذلك ..حاولت ولمدة عام ..أن تساعده ..عرضته على أكبر
الأطباء ..فى مصر ..وفى الخارج ..ومفيش فايدة ...جلبت له
من أمريكا جميع أنواع الحبوب الزرقاء الأصلية ومن حسابها
الخاص ..لم تبخل علية بأى عزيز وغالى ..وبرضة مفيش
فايدة...
يقف ماجد فى هياج شديد
- أنت راجل كداب ..ومفترى ..
القاضى فى لهجة غاضبة
- إذا كررتها تانى ..هطلعك بره الجلسة ..
يشده أبيه من يده ويجلسه..ويحاول تهدئته..
- أحنا قلنا أيه ..
- أنا جامد ..أنا قوى ...أنا عنتيل ..
يشير القاضى إلى سحتوت أن يجلس
- خلاص يا أستاذ ..المحكمة أتنورت ..أتفضل أستريح
أتفضل يا أستاذ فتحى ..
- سيدى القاضى ..لسنا برجال أقوال فضفاضة ..وكلمات رنانة ..
ونلقى بالتهم جزافا..بدون أي أثباتات ومستندات ..فنحن لدينا ما
يثبت سلامة موكلى ..بل يؤكد فحولته الكاملة ..شهادات من
أكبر الأطباء المعروفين ..بنزاهتهم ..بسلامة موكلى ..وأنه..
يقاطعة سحتوت
- اسمح لى يا سيادة القاضى بالرد على زميلى المحترم ..فلسنا
نشكك فى نزاهة الأطباء ..فقد يكون الأستاذ ماجد.. سليم مائة
فى المائة فى الفحوصات الطبية ..
ويرفع صوتة عاليا
- ولكنه فاشل فى أثبات ذلك مع زوجته ..وعلى فراش الزوجية
ولا يوجد من يؤكد ذلك ..غير زوجته ..وشكرا سيادة القاضى
يشير القاضى إليهم بالعودة لأماكنهم
- أتفضلوا ياأساتذة ..وأكتب يا ابنى ...
تؤجل القضية ..للحكم ..بطلاق السيدة ..حنان ذكى ..خلعا..
يقف ماجد وهو يشير للقاضى بالشهادات ..فى حركات
هستيرية وجنون شديد ..ويهجم على المنصة ..
- أنا جامد ..أنا قوى ..أنا عنتيل ..
حتى شوفوا ..حتى بصوا ..
( النهاية )
تعليق