تحبيني
واسوي نفسي ما أدري!!
وادري انك تحبيني
ولكن لازم أتجاهل
واخنق زفرة اعروقي
ورعشة حب في حروفي
وأحلام ومشاعر موج تتلاطم
وأفكارٍ على صفحاتي تتزاحم
حبيبي .. ما بيدي حيله
حظوظ وأقدار ما ترحم
وأنا ما اعشق الأوهام
إذا كنتي تحبيني
أنا أترجاكِ تنسيني
وانا بانساك
وكلٍ يمضي في حاله
*******************
تحبيني !!
وش اللي حببك فيني؟!
وأنا رحال
خيالٍ يلبس الأسمال
بقايا من أحاسيس ومشاعر خلفها أقفال
ولا تساوي بعد هذا العمر مثقال
انا يا طفلتي ظلٍ لذاك الفارس اللي كان
وما تنفع عبارة كان
وانا بحكم الزمن راضي
وقلبي بالجم اغروره
ويكفي ما أخذ من لذة الماضي
يقولون الغرام جنون
وانا مجنون
ولكن للجنون احدود
وانتي قمة اجنوني
*******************
تشوفي الشمس ؟
أنا مثل الشمس بأرحل!!
وبترك لك شفق حبي
جمالٍ يسلب الألباب
ولكنه كئيبٍ يكتم الأنفاس
تعالي غمضي عيونك
فهذي لحظة غروبي
ولكن احبسي أدموعك
ومن بكره الفجر يطلع
ولا ما لامس اخدودك
نسيمه
ازرعي آمال
وكوني فطلته زهرة
ونفحة عطر من فوق الندى ترقص
أكيد ماعاد تلقيني مع الإشراق
مثل ما كنتي تلقيني
لأني ساعة من عمر الزمن مرت
وعمر اللى مضى ما يعود