تويت
معؤُول مافيش شاطر حسن
يحمل حبيبتي على ألْبه لَبْيَض
مش ألْبه لِسْوِد
كان عصر إسْود
عايزينه أبيض
مَـ كفاية إسود
من إمتى يِسْرَأ في الفلّ لَبْيَض
وِسْنين بيحرَأ في القطن لَبْيَض
معؤُول مافيش شاطر حسن
وِإْديه بِتزرع
وِعْنِيه بِتحضن
والخطوة منه في الوادي لَصْفَر
تِفْرِئْ تخضَّر
تِجْمَعْ تحضَّر
ملايين لورد الحياة بتنظر
ليه بس تنظر
والشر يؤطُف
مـَ كْفاية نرجس حبيتي ينزف
والعطر أرَّب ف غيطانُه ينشف
والورد ينده عليه ماردش
كتير يُردُّوا
كتيريِهبُّوا
كتير يُخضُّوا
وحبيبتي تِشْهَأ
وعيونها لسَّا
بتستنى ردُّه
تستنّى بدْره
تستنّى جدّه
تستنّى عهد ويَمين هياخده
تتمنى تِفرح
وشجاعتُو تُحرس
تتمنّى تِهدا
وأمانتو تُحكم
تتمنى تِعْلى
وعدالتُو تِفصل
وِطَيابْتُو تِفضَل
ولا مال قارون يِغويها
تِرحل
ولا عرش عالي يِغريها
تِنزل
ولا عُمره يِنزِل
لأ فُوءْ هيفضل
لـَ فْ يوم هينزل
غير لمّا يُحضُن
فِ تراب حبيبتي
ويشيلها آية
فِ نني ألبه
ويفض سيرة
وعليها ردْم
عن نهب سلب
وفساد وظلم
عن قهر هدم
وضلام وهم
عن كل غدر
عن أي فُجْر
دي حبيبتي تعبت
من كام سنة
وكمان سبَأْهم يِجي ميت سنة
والميت سنة مافيهُمْش غير لحظة هَنا
علِّت رايتْها رغم المحن
رغم الألم ..
يُعصر فِ حبة ألْب الزمن
وحبيبتي تصبح
وتبات تؤلُّه
حِمْلي تآيِل
بس انت ليها
لوكنت تظهر
كل الكلاب هتخاف وتهرب
كل الفِران ف جحورها تِخفى
كلّ اللي حافر في ألبه حرفي
وائِف وَرَاك
ودِما حبايبي
أول خُطاك
ونصر ربي
هيكون جزاك
لسه بتنده
تستنى رده
تستنى وعده
تحلم بورده
وبفله الأبيض
كتفه اللي فُوءُه
هتفُوء وتنهض
وتؤول أكيد
لو كان بعيد
هستنى ييجي
الشاطر حسن
omaima abdelhakim
omaima abdelhakim
تعليق