تويت
تأليف:رضا الهجرسى
مليون سنة ..قبل الخلع (ق.خ)
الحلقة الأولى
_________
تعيش أسرة (هوهو) فى منطقة الكهوف العشوائية وهو رجل تخطى الأربعين عاما ..وأسرته مكونة من زوجته (هى هى) التى تخطت الثلاثين عاما..وإبنه (يويو) فى التاسعة من عمره..وأبنته (رىرى)
فى السادسة من عمرها..وأسرة هوهو..من الأسر الفقيرة ..فكل ما تمتلكة عبارة عن ..تنين(توتو) عجوز وديناصور(دودو) مهكع والتنين .مربوط ..أمام الكهف من الخارج أمام فتحة ممتدة لداخل الكهف لينفث فيها الناركلما أرادت (هى هى) ..أن تطهو طعام الأسرة ..والذى يحضره (هوهو) من خروجه للصيد فى المنطقة المسموح له ولأمثاله من فقراء القبيلة للصيد بها ..وهى منطقة يندر فيها الصيد.. ويتنافس كل فقراء القبيلة مع بعضهم البعض وقد يقتل بعضهم بعضا من أجل خرتيت يظهرفجأة.أو خروف أو ماعز. .أو ديناصور هارب من المنطقة المحظورة المبشبشة والمحظورعلى فقراء القبيلة الصيد بها ..وهى منطقة مليئة بكل أنواع الحيوانات وبكميات وافرة ..ولا يسمح للصيد بها الا لحاشية الحكيم الأكبر وأسرته..وحاشيته من وجهاء القبيلة . .ومن يخالف ذلك يقتل فورا.. .
والكهف من الداخل به ..سرير حجري ..ينام عليه .(هوهو)و(هي هي)
وسرير حجرى فى الجهه الأخرى من الكهف ..تنام عليه .(رىرى) ..
و(يويو) .ثم فى نهاية الكهف منطقة تخزين الحيوانات المقطعة ..
بالقرب من الفتحة الذى ينفث فيها التنين ناره لتطبخ عليها (هى هى) طعام الأسرة.. وكان هذا اليوم ..يوم خروج (هوهو) للصيد ..إعتدل فى سريره وكانا يرتديان.. جلد جاموس برى ...........
تناول ..هراوته الغليظة ..ورفعها عاليا ونزل بها على رأس (هى هى) ليوقظها ..ولكنها لم تستيقظ .وهرشت. بيدها على رأسها مكان الخبطة ..وهى تتثاءب..
هوهو: قومى يا وليه ..فزى ..
هى هى: أيه ..يا راجل ..بتصحينى بدرى كده لية .لسه دودو ..معوأش.
هوهو: دودو.. عوأ من بدرى ..قومى أكلينى ..جعان ..
هي هى: جعان .ده أنت لاهف لوحدك قبل ما تنام..ورك خرتيت كامل
وخروف بفروته ..وقعدت تقزأز فى ييجي أتناشر جوز فراخ..
هوهو: معرفش.. يا هى هى يا حبيبتى ..أيه اللى كان سادد نفسى عن الأكل ..أمبارح ..
هى هى: طب قوم صحى العيال ..وأخرج ولع لى ..توتو ..وخلى ناره هادية ..لحسن شيط لى الأكل أمبارح ..على ما ربنا يرزقنا
ونجيب توتو جديد ..لحسن ده هكع خالص ..وبيهب فى وشى.
هوهو: معلش يا هى هى يا حبيبتى ..أنا عارف أنك تعبانة معايا..بس
أديكى شايفة الحال..الصيد بقى شحيح أوى ..والحكيم مش عايز يفكها شوية ..ويسرب لنا شوية حيوانات من المنطقة المبشبشة
هى هى: طب قوم ..ومتنكدش على نفسك.. وأنت خارج للصيد..وأصطبح وقول يا صبح..ومتنكدش عليه أنا كمان ..وتفكرنى
..بالجوازة المنيلة بستين نيلة دى ..
( تحدث نفسها)
هى هى: كنتى فين يا لأة ..لما قلت أةةةةة ..
هوهو: بتبرطمى تقولى أيه يا وليه ع الصبح ..
هى هى : مبقلش يا سبعى ..يا مهنينى ..وروح صحى الواد يويو .عشان ميتأخرش عن كهف المدرسة ..وأنت تغور وتخف
عن نفسنا شوية ..يوه أقصدى تسعى على رزقك يا خويا
يتجة( هوهو) إلى السرير الحجرى الذى ينام علية.أبنه( يويو) ويرتدى جلد خروف.ويتلحف بثعبان ضخم ليتدفأ به.وأبنته( رىرى) وترتدى
جلد ماعز وتحتضن سلحفاة ضخمة ..فيربت عليها فى حنان..ويرفع الثعبان من على( يويو) ..
هوهو: قوم يا حبيبى ..عشان تلحق مدرستك قبل ما يقفلوا باب الكهف ..ويضيع عليك اليوم ..وأنت عارف يا حبيبى إن انا حاطط كل أملى فيك.وبموت نفسى فى الصيد عشان تكبر وتتعلم وتبقى حكيم من حكام البلد ..وتنهب وتصطاد فى المنطقةالمبشبشة على كيفك.وتطلعنا من السحت اللى أحنا فية ده بأه ..
يويو: لأ ..مش رايح كهف المدرسة تانى ..حكيم الكهف ضربنى عشان أنت مدفعتش المصاريف ..وقالى مجيش الا معايا المصاريف ..
هوهو: ماشى يا حبيبى ..أنا رايح أصطاد وهاخد معايا دودو ..ومش راجع.. الا ومعايا المصاريف ..
يركب( هوهو) الديناصورالمهكع مغادرا ساحة الكهف و(هى هى) ومعها (يويو ورىرى) ..يشيرون له مودعين.تهمس لهم (هى هى) ..وهى تشير بيدها قبل أن يختفى خلف الجبل الكبير..
هى هى: قولوا معايا ..يا ولاد ..
الثلاثة معا: كنتى فين يا ..لأ ..لما قلت ..أةةةةةةةةةةةةةةةةةةةةة..
وإلى لقاء قريب مع الحلقة الثانية..
مليون سنة ..قبل الخلع (ق.خ)
الحلقة الأولى
_________
تعيش أسرة (هوهو) فى منطقة الكهوف العشوائية وهو رجل تخطى الأربعين عاما ..وأسرته مكونة من زوجته (هى هى) التى تخطت الثلاثين عاما..وإبنه (يويو) فى التاسعة من عمره..وأبنته (رىرى)
فى السادسة من عمرها..وأسرة هوهو..من الأسر الفقيرة ..فكل ما تمتلكة عبارة عن ..تنين(توتو) عجوز وديناصور(دودو) مهكع والتنين .مربوط ..أمام الكهف من الخارج أمام فتحة ممتدة لداخل الكهف لينفث فيها الناركلما أرادت (هى هى) ..أن تطهو طعام الأسرة ..والذى يحضره (هوهو) من خروجه للصيد فى المنطقة المسموح له ولأمثاله من فقراء القبيلة للصيد بها ..وهى منطقة يندر فيها الصيد.. ويتنافس كل فقراء القبيلة مع بعضهم البعض وقد يقتل بعضهم بعضا من أجل خرتيت يظهرفجأة.أو خروف أو ماعز. .أو ديناصور هارب من المنطقة المحظورة المبشبشة والمحظورعلى فقراء القبيلة الصيد بها ..وهى منطقة مليئة بكل أنواع الحيوانات وبكميات وافرة ..ولا يسمح للصيد بها الا لحاشية الحكيم الأكبر وأسرته..وحاشيته من وجهاء القبيلة . .ومن يخالف ذلك يقتل فورا.. .
والكهف من الداخل به ..سرير حجري ..ينام عليه .(هوهو)و(هي هي)
وسرير حجرى فى الجهه الأخرى من الكهف ..تنام عليه .(رىرى) ..
و(يويو) .ثم فى نهاية الكهف منطقة تخزين الحيوانات المقطعة ..
بالقرب من الفتحة الذى ينفث فيها التنين ناره لتطبخ عليها (هى هى) طعام الأسرة.. وكان هذا اليوم ..يوم خروج (هوهو) للصيد ..إعتدل فى سريره وكانا يرتديان.. جلد جاموس برى ...........
تناول ..هراوته الغليظة ..ورفعها عاليا ونزل بها على رأس (هى هى) ليوقظها ..ولكنها لم تستيقظ .وهرشت. بيدها على رأسها مكان الخبطة ..وهى تتثاءب..
هوهو: قومى يا وليه ..فزى ..
هى هى: أيه ..يا راجل ..بتصحينى بدرى كده لية .لسه دودو ..معوأش.
هوهو: دودو.. عوأ من بدرى ..قومى أكلينى ..جعان ..
هي هى: جعان .ده أنت لاهف لوحدك قبل ما تنام..ورك خرتيت كامل
وخروف بفروته ..وقعدت تقزأز فى ييجي أتناشر جوز فراخ..
هوهو: معرفش.. يا هى هى يا حبيبتى ..أيه اللى كان سادد نفسى عن الأكل ..أمبارح ..
هى هى: طب قوم صحى العيال ..وأخرج ولع لى ..توتو ..وخلى ناره هادية ..لحسن شيط لى الأكل أمبارح ..على ما ربنا يرزقنا
ونجيب توتو جديد ..لحسن ده هكع خالص ..وبيهب فى وشى.
هوهو: معلش يا هى هى يا حبيبتى ..أنا عارف أنك تعبانة معايا..بس
أديكى شايفة الحال..الصيد بقى شحيح أوى ..والحكيم مش عايز يفكها شوية ..ويسرب لنا شوية حيوانات من المنطقة المبشبشة
هى هى: طب قوم ..ومتنكدش على نفسك.. وأنت خارج للصيد..وأصطبح وقول يا صبح..ومتنكدش عليه أنا كمان ..وتفكرنى
..بالجوازة المنيلة بستين نيلة دى ..
( تحدث نفسها)
هى هى: كنتى فين يا لأة ..لما قلت أةةةةة ..
هوهو: بتبرطمى تقولى أيه يا وليه ع الصبح ..
هى هى : مبقلش يا سبعى ..يا مهنينى ..وروح صحى الواد يويو .عشان ميتأخرش عن كهف المدرسة ..وأنت تغور وتخف
عن نفسنا شوية ..يوه أقصدى تسعى على رزقك يا خويا
يتجة( هوهو) إلى السرير الحجرى الذى ينام علية.أبنه( يويو) ويرتدى جلد خروف.ويتلحف بثعبان ضخم ليتدفأ به.وأبنته( رىرى) وترتدى
جلد ماعز وتحتضن سلحفاة ضخمة ..فيربت عليها فى حنان..ويرفع الثعبان من على( يويو) ..
هوهو: قوم يا حبيبى ..عشان تلحق مدرستك قبل ما يقفلوا باب الكهف ..ويضيع عليك اليوم ..وأنت عارف يا حبيبى إن انا حاطط كل أملى فيك.وبموت نفسى فى الصيد عشان تكبر وتتعلم وتبقى حكيم من حكام البلد ..وتنهب وتصطاد فى المنطقةالمبشبشة على كيفك.وتطلعنا من السحت اللى أحنا فية ده بأه ..
يويو: لأ ..مش رايح كهف المدرسة تانى ..حكيم الكهف ضربنى عشان أنت مدفعتش المصاريف ..وقالى مجيش الا معايا المصاريف ..
هوهو: ماشى يا حبيبى ..أنا رايح أصطاد وهاخد معايا دودو ..ومش راجع.. الا ومعايا المصاريف ..
يركب( هوهو) الديناصورالمهكع مغادرا ساحة الكهف و(هى هى) ومعها (يويو ورىرى) ..يشيرون له مودعين.تهمس لهم (هى هى) ..وهى تشير بيدها قبل أن يختفى خلف الجبل الكبير..
هى هى: قولوا معايا ..يا ولاد ..
الثلاثة معا: كنتى فين يا ..لأ ..لما قلت ..أةةةةةةةةةةةةةةةةةةةةة..
وإلى لقاء قريب مع الحلقة الثانية..
تعليق