تويت
الغجرية تكشف شعر راسها وبتقول : ..
على المستخبي واللي مش معروف ..
أضرب فى ودعي .. وتمللي بادعي ..
والمستخبي بأقوله علي المكشوف ..بيقول
كلام فريد ..
يا مجلس الشعب شوف لك في الشارع حل ..
كتر الكلام مضيعة لوقتك ووقت الكل ..
الناس نفذ صبرها ..
والشعب كل ومل ..
عايزين نشوف تشريعات
الناس لها ترتاح ...
وتحس إن الكابوس من فوق كتافها إنزاح ..
والمخفي سيد قراره فات زمانه وراح ..
والرمل بيقول لي شايف سكتك صعبة ..
وفيه مشاكل كتير والحل مش لعبة ..
كتر لجان التقصي والعباد صابرين ..
علي الرغيف والسولار ..
وأنبوبة البوتجاز واللحمة والبنزين
بين كرامة وغير سمعة القوانين ..
الشعب صحيح خلاص ..
وإن كنتوا مش عارفين ..
ممكن يشيلكم ويختار بكرة ناس تانيين..
وأديني حذرت وأنتم كلكم سامعين ..
الشعب لسه فى ميدانه بيعدل الموازين ..
وأنا قاعدة بأضرب فى ودعي ..
وأوّل لكم عن مواجعي ..
وبكرة حارجع وحادعي ..
وأشوف وأبين زين ..
" فريد طه .. "
( مما قرأت .. )
تحياتي واحترامي ..
حكيم .
" فريد طه .. "
( مما قرأت .. )
تحياتي واحترامي ..
حكيم .
تعليق