قال المثل وعاش مين قال
بعد الحالة مافي حال
قالوا لفرعون وايش
فرعنك
قال ما لقيت حدا يردني
لا صيني ولاامريكي
بيصدني
والروسي الله يخليه
واقف للغول يدفيه
بالفيتوا حيلوح بايدوه
لينفذ الي بيريدوه
وكل واحد براسه موال
وقال المثل وعاش من قال
بعد الحاله مافي حال
مش لزراق عيونك
ولا لحلاوة لونك
هي طبخة ومصالح
لاتحسب حالك فالح
وشعبك ياما شال
وبعد الحالة مافي حال
وقال المثل وعاش من قال
بتقتل الحمام وتشرد
روحوا حتظل تغرد
والشمس لابد تبدد
عتمة وصفعة حتسدد
لعابد الكرسي المحتال
وبعد الحالة مافي حال
وحامي الحمى الجبان
بينه وبين الجولان
مافي الا شارع وجدران
لكن بالحيطة فايت فوت
ع اهل الدار حكم بالموت
وصرنا نسمعلوا صوت
ونصير الحريات والقدس
والاديان
نصرالله و ايران
الي بحصل زور وبهتان
لا في ثورة ولا طغيان
هادي شؤون داخلية
مالنا عليها وصية
يندبح الشعب ومالوا
بس يضل الحال عحالوا
ماعرفوا انوا المارد
خرج واقسم ماهو عايد
الا الحرية شعار وسايد
وبقاء الحال من المحال
قال المثل وعاش من قال
بعد الحالة مافي
حال
بقلم كوثر النيرب