تويت
تأليف:رضا الهجرسى..
أشحت... كى أخلعك
_______________
أوقف قاضينا سيارته فى المكان المخصص له ..أمام مبنى المحكمة ..
ترامى الى سمعه ..صوت امرأة تشحت بعبارات غريبة ..أسند ظهره
على سيارته ونظر ناحية المرأة ..وهو يستمع إليها وهو يبتسم لما ..
يسمعه من عبارات الشحاتة ..والتي يسمعها لأول مرة ..ووجد امرأة.. تجاوزت الثلاثين من عمرها. يحيط بها خمس فتيات.تتراوح أعمارهن بين ..الثانية عشر ..والعاشرة ..والثامنة ..والسادسة ..والرابعة ..
وتحمل طفلة على قدميها ..فى الثانية من عمرها ...
تجلس المرأة على السلالم المؤدية الى باب المحكمة الرئيسى ..
والفتيات يتحركن وهن يمددن أيدهن ..لكل من يصعد السلالم ..
والمرأة تردد عباراتها..
المرأة : ساعدونى يا أهل الخير ..ساعدونى يا محسنين ..ساعدوا ولية .
غلبانة عايزة تخلع جوزها.. الندل ..الجبان ..
ساعدونى أخلع الخسيس ..ولم أجرة المحامى ..
جميع النساء الصاعدة السلالم ...تتسابق لتضع النقود ..فى أيدى الفتيات
المرأة : الله يخليكى يا ختى ..وما ميغلبلكيش راجل ..أبدا ..ويهديلك راجلك
وما تتجبرى تخلعيه أبدا ...
جميع الرجال ..ينظرون نظرات مليئة بالغيظ ..ولا يفكرون حتى فى ..
مساعدتها ..ويسمعونها عبارات الأستهزاء والسخرية..
المرأة: صحيح ..رجالة أندال ..عايزين الخلع ..كلكوا خسسة عايزين
الخلع ..الا ما فية راجل واحد ..يحط فى عينه حصوة ملح ..
ويقول أساعد الولية الغلبانة دى ..صنف خسيس ..عايز الخلع
تطقط جميع النساء من حولها ..
أحدى النساء: والنبى ..ليكى حق يا ختى ..دول عايزين الحرق كلهم..
تشير المرأة الى جميع النساء الذين أحاطوا بها ليساعدوها فى لم أجرة المحامى
المرأة: وأنتوا كلكوا كده يا حبايبى ...جايين تخلعوا برضة..
ترد جميع النساء فى صوت ملأه الغيظ والحقد ..معا وهن يصرخن
جميع النساء: أيوه يا ختى ..
المرأة : ومعاكوا أجرة المحامى ..
أحدى النساء: أنا بعت عفش بيتى ونمت ع الأرض ..عشان أجيب أجرة .
المحامى ..وأخلع الخسع ده من حياتى ..بهدلنى يا ختى..
المرأة: حاسة بيكى يا ختى ..ربنا يساعدك ويخلعهولك على خير ..وتخلصى منه ..
يظهر ضابط شرطة من باب المحكمة الرئيسى..
الضابط: لو سمحتوا يا هوانم ..ممنوع الجمهرة ..قدام باب المحكمة ..
أتفضلوا جوه ..وأشتموا زى ما أنتوا عايزين ..يللا والا..
هضطر أدخلكوا بالقوة ..
أحدى النساء: طبعا ما أنت راجل زيهم .. ومش عاجبك كلامنا ..
تتجة جميع النساء الى داخل مبنى المحكمة وتواصل المرأة عبارات الشحاتة
يتجة إليها الضابط ..
الضابط: قومى يا ست أنتى من قدام باب المحكمة ..والا هتطرينى أقبض عليكى
وهنا يتحرك قاضينا ناحية الضابط ..
القاضى : سبهالى أنا ..
يضع القاضى كارت فى يد المرأة ..
القاضى: ده الكارت بتاعى ..تجينى فى مكتبى بعد ما خلص الجلسات ..
تنظر المرأة الى الكارت وتلقيه فى وجهه ..
المرأة: بأه يا راجل يا خسع أنت ..بدل ما تحط فى عينك حصوة ملح
وتحط فى أيدى عشرة ولا عشرين جنية ..تحطلى ورقة معفنة ..هقول أيه ..ماأنت راجل ذى المعفن جوزى ..ما هو لازم
تحاموا لبعضيكوا..
الضابط غاضبا ..
الضابط: أيه يا مرة يا مجنونة أنتى ..ده سيادة القاضى ..اللى بتلمى أجرة المحامى ..عشان تقفى قدامه ...ويخلعك م المعفن بتاعك
القاضى: أرجوك يا حضرة الضابط ..دخلها مكتبى هي وبناتها ..
وأنا هشوف حكايتها أيه بعد ما أخلص الجلسة ..
يتجة القاضى ناحية باب المحكمة ..ويأخذهم الضابط الى الداخل..
ينهى قاضينا الجلسة ويدخل مكتبه ..
القاضى: أدينى فضتلك يا ستى ..قوليلى بأه أيه الحكاية ..
المرأة : وهتخلعه ..كده من غير ما أدفع ..للمحامى المتسيط ..عماشة الألف جنية اللى طالبها ..
القاضى: المحامى المتسيط ..قماشة ..فيه محامى اسمه قماشة ..
المرأة : عماشة يا خويا ..عماشة ..سلامة سمعك..
القاضى: قوليلى الأول أيه حكايتك ..
المرأة :الراجل الخسيس جه من يومين..مونون ..وشامم..ونزل ضرب فيه
وفى البنات من غير سبب..وراح طاردنا فى الشارع..طلعلى عماشة من تحت الأرض.وقالى أنه محامى متسيط ..وأن أنا والبنات
صعبنا عليه ..وهيجيب حقنا ويرجعنا الشقة ..ويرفع لى ..قضية خلع ..بس لازم أدفع له ألف جنية الأول. لزوم مصاريف
القضية ..وعشان كده شحت ..والستات الله يسترهم دفعوا ومبخلوش..
القاضى: لو سمحت يا حضرة الضابط ..تروح بنفسك تجيب لى ..
جوزها ..والمحامى المتسيط ده ..اللى أسمه ..عماشة ..
أرسل القاضى وأحضر طعاما لها ولبناتها ..ومرت ساعتان ..ودخل الضابط
ومعة زوجها ..وعماشة ..وعيونهم حمراء وتظهر على حركاتهم علامات السطل والونونة..
القاضى: أنت بأه جوز الست دى ..ودول بناتك..
الزوج: أيوه يا باشا ..أنا جوز الست دى ..ودول بناتى ..هما عملوا حاجة يا باشا..
القاضى: وأنت بأه المحامى المتسيط ..عماشة ..
عماشة: محامى أيه يا باشا ..ده أنا راجل على باب الله ..وأرزقى ..
القاضى: أمال قلت لها ليه ..أنك محامى وطلبت منها ..ألف جنية ..
عماشة: مش أنا يا باشا ..ده جوزها جالى ..وطلب منى أعمل كده ..وهيدينى ميت جنية ..وأنا راجل أرزقى ..وبعمل اللى يطلبه منى الزبون وفهمنى أن مراته مدكنة دهب أمها ..ورسم الخطة ..هو يطردها
وأنا أستلقاها ..فتبيع الدهب بتاع أمها اللى مدكناة ..بس هى دى كل الحكاية يا باشا ..أمشى أنا بقى يا باشا ..براءة..
القاضى: يا حضرة الضابط ..خد المحامى المتسيط عماشة ..حطه فى الحجز على ما أشوف حكاية جوزها ..
قرب يا أبو البنات قولى عملت كده ليه..
الزوج: أنت نطقتها يا باشا ..أبو البنات ..كنا عايشين مبسوطين ورزقنا مكفينا ..فضلت تزرب لى بنت ورا بنت ..والمصاريف كترت ..والغلا ولع الدنيا ومبقتش قادر على لقمتهم ..أأقولها كفاية ..تقولى أما أجيب لك الواد اللى نفسك فيه..لغاية ما الحالة بقت كرب ..وهربت بالشم من الحالة الكرب دى..
القاضى: ليه يا ستى كده ..كان كفاية واحدة ولا أتنين عشان تعرفوا تربوهم وتراعوهم ..
الزوجة: دلوقتى أنا السبب ..مش فضلت تقولى أنا نفسى فى واد يشيل أسمى بعد ما أموت ..وياخد عزايا ..
القاضى: أنا هسيبك عشان بناتك .. المرة الجاية هحبسك ..يللا خد عيالك ..وحاولوا تعيشوا على قدكوا ..وبطل الهباب اللى بتشمه ده .
-مر أسبوع..وبعد أن أوقف القاضى سيارته ..ترامى الى سمعة صوت المرأة وهى تشحت بنفس العبارات وحولها بناتها ..
توجة أليها وهو فى ذهول..
القاضى : هو عملها تانى ..
المرأة: لا يا باشا.. ده بقى ذى الفل.. وماشى ع العجين ميلخبطوش ..
القاضى: أمال أيه اللى رجعك تشحتى تانى..
المرأة: أصل المرة اللى فاتت.. لميت مبلغ حلو قوى من النسوان اللى فلبها محروق م رجالتهم ..
فقلت أهى سبوبة حلوة.. تساعد ع المعايش برضة..
( النهاية )
أشحت... كى أخلعك
_______________
أوقف قاضينا سيارته فى المكان المخصص له ..أمام مبنى المحكمة ..
ترامى الى سمعه ..صوت امرأة تشحت بعبارات غريبة ..أسند ظهره
على سيارته ونظر ناحية المرأة ..وهو يستمع إليها وهو يبتسم لما ..
يسمعه من عبارات الشحاتة ..والتي يسمعها لأول مرة ..ووجد امرأة.. تجاوزت الثلاثين من عمرها. يحيط بها خمس فتيات.تتراوح أعمارهن بين ..الثانية عشر ..والعاشرة ..والثامنة ..والسادسة ..والرابعة ..
وتحمل طفلة على قدميها ..فى الثانية من عمرها ...
تجلس المرأة على السلالم المؤدية الى باب المحكمة الرئيسى ..
والفتيات يتحركن وهن يمددن أيدهن ..لكل من يصعد السلالم ..
والمرأة تردد عباراتها..
المرأة : ساعدونى يا أهل الخير ..ساعدونى يا محسنين ..ساعدوا ولية .
غلبانة عايزة تخلع جوزها.. الندل ..الجبان ..
ساعدونى أخلع الخسيس ..ولم أجرة المحامى ..
جميع النساء الصاعدة السلالم ...تتسابق لتضع النقود ..فى أيدى الفتيات
المرأة : الله يخليكى يا ختى ..وما ميغلبلكيش راجل ..أبدا ..ويهديلك راجلك
وما تتجبرى تخلعيه أبدا ...
جميع الرجال ..ينظرون نظرات مليئة بالغيظ ..ولا يفكرون حتى فى ..
مساعدتها ..ويسمعونها عبارات الأستهزاء والسخرية..
المرأة: صحيح ..رجالة أندال ..عايزين الخلع ..كلكوا خسسة عايزين
الخلع ..الا ما فية راجل واحد ..يحط فى عينه حصوة ملح ..
ويقول أساعد الولية الغلبانة دى ..صنف خسيس ..عايز الخلع
تطقط جميع النساء من حولها ..
أحدى النساء: والنبى ..ليكى حق يا ختى ..دول عايزين الحرق كلهم..
تشير المرأة الى جميع النساء الذين أحاطوا بها ليساعدوها فى لم أجرة المحامى
المرأة: وأنتوا كلكوا كده يا حبايبى ...جايين تخلعوا برضة..
ترد جميع النساء فى صوت ملأه الغيظ والحقد ..معا وهن يصرخن
جميع النساء: أيوه يا ختى ..
المرأة : ومعاكوا أجرة المحامى ..
أحدى النساء: أنا بعت عفش بيتى ونمت ع الأرض ..عشان أجيب أجرة .
المحامى ..وأخلع الخسع ده من حياتى ..بهدلنى يا ختى..
المرأة: حاسة بيكى يا ختى ..ربنا يساعدك ويخلعهولك على خير ..وتخلصى منه ..
يظهر ضابط شرطة من باب المحكمة الرئيسى..
الضابط: لو سمحتوا يا هوانم ..ممنوع الجمهرة ..قدام باب المحكمة ..
أتفضلوا جوه ..وأشتموا زى ما أنتوا عايزين ..يللا والا..
هضطر أدخلكوا بالقوة ..
أحدى النساء: طبعا ما أنت راجل زيهم .. ومش عاجبك كلامنا ..
تتجة جميع النساء الى داخل مبنى المحكمة وتواصل المرأة عبارات الشحاتة
يتجة إليها الضابط ..
الضابط: قومى يا ست أنتى من قدام باب المحكمة ..والا هتطرينى أقبض عليكى
وهنا يتحرك قاضينا ناحية الضابط ..
القاضى : سبهالى أنا ..
يضع القاضى كارت فى يد المرأة ..
القاضى: ده الكارت بتاعى ..تجينى فى مكتبى بعد ما خلص الجلسات ..
تنظر المرأة الى الكارت وتلقيه فى وجهه ..
المرأة: بأه يا راجل يا خسع أنت ..بدل ما تحط فى عينك حصوة ملح
وتحط فى أيدى عشرة ولا عشرين جنية ..تحطلى ورقة معفنة ..هقول أيه ..ماأنت راجل ذى المعفن جوزى ..ما هو لازم
تحاموا لبعضيكوا..
الضابط غاضبا ..
الضابط: أيه يا مرة يا مجنونة أنتى ..ده سيادة القاضى ..اللى بتلمى أجرة المحامى ..عشان تقفى قدامه ...ويخلعك م المعفن بتاعك
القاضى: أرجوك يا حضرة الضابط ..دخلها مكتبى هي وبناتها ..
وأنا هشوف حكايتها أيه بعد ما أخلص الجلسة ..
يتجة القاضى ناحية باب المحكمة ..ويأخذهم الضابط الى الداخل..
ينهى قاضينا الجلسة ويدخل مكتبه ..
القاضى: أدينى فضتلك يا ستى ..قوليلى بأه أيه الحكاية ..
المرأة : وهتخلعه ..كده من غير ما أدفع ..للمحامى المتسيط ..عماشة الألف جنية اللى طالبها ..
القاضى: المحامى المتسيط ..قماشة ..فيه محامى اسمه قماشة ..
المرأة : عماشة يا خويا ..عماشة ..سلامة سمعك..
القاضى: قوليلى الأول أيه حكايتك ..
المرأة :الراجل الخسيس جه من يومين..مونون ..وشامم..ونزل ضرب فيه
وفى البنات من غير سبب..وراح طاردنا فى الشارع..طلعلى عماشة من تحت الأرض.وقالى أنه محامى متسيط ..وأن أنا والبنات
صعبنا عليه ..وهيجيب حقنا ويرجعنا الشقة ..ويرفع لى ..قضية خلع ..بس لازم أدفع له ألف جنية الأول. لزوم مصاريف
القضية ..وعشان كده شحت ..والستات الله يسترهم دفعوا ومبخلوش..
القاضى: لو سمحت يا حضرة الضابط ..تروح بنفسك تجيب لى ..
جوزها ..والمحامى المتسيط ده ..اللى أسمه ..عماشة ..
أرسل القاضى وأحضر طعاما لها ولبناتها ..ومرت ساعتان ..ودخل الضابط
ومعة زوجها ..وعماشة ..وعيونهم حمراء وتظهر على حركاتهم علامات السطل والونونة..
القاضى: أنت بأه جوز الست دى ..ودول بناتك..
الزوج: أيوه يا باشا ..أنا جوز الست دى ..ودول بناتى ..هما عملوا حاجة يا باشا..
القاضى: وأنت بأه المحامى المتسيط ..عماشة ..
عماشة: محامى أيه يا باشا ..ده أنا راجل على باب الله ..وأرزقى ..
القاضى: أمال قلت لها ليه ..أنك محامى وطلبت منها ..ألف جنية ..
عماشة: مش أنا يا باشا ..ده جوزها جالى ..وطلب منى أعمل كده ..وهيدينى ميت جنية ..وأنا راجل أرزقى ..وبعمل اللى يطلبه منى الزبون وفهمنى أن مراته مدكنة دهب أمها ..ورسم الخطة ..هو يطردها
وأنا أستلقاها ..فتبيع الدهب بتاع أمها اللى مدكناة ..بس هى دى كل الحكاية يا باشا ..أمشى أنا بقى يا باشا ..براءة..
القاضى: يا حضرة الضابط ..خد المحامى المتسيط عماشة ..حطه فى الحجز على ما أشوف حكاية جوزها ..
قرب يا أبو البنات قولى عملت كده ليه..
الزوج: أنت نطقتها يا باشا ..أبو البنات ..كنا عايشين مبسوطين ورزقنا مكفينا ..فضلت تزرب لى بنت ورا بنت ..والمصاريف كترت ..والغلا ولع الدنيا ومبقتش قادر على لقمتهم ..أأقولها كفاية ..تقولى أما أجيب لك الواد اللى نفسك فيه..لغاية ما الحالة بقت كرب ..وهربت بالشم من الحالة الكرب دى..
القاضى: ليه يا ستى كده ..كان كفاية واحدة ولا أتنين عشان تعرفوا تربوهم وتراعوهم ..
الزوجة: دلوقتى أنا السبب ..مش فضلت تقولى أنا نفسى فى واد يشيل أسمى بعد ما أموت ..وياخد عزايا ..
القاضى: أنا هسيبك عشان بناتك .. المرة الجاية هحبسك ..يللا خد عيالك ..وحاولوا تعيشوا على قدكوا ..وبطل الهباب اللى بتشمه ده .
-مر أسبوع..وبعد أن أوقف القاضى سيارته ..ترامى الى سمعة صوت المرأة وهى تشحت بنفس العبارات وحولها بناتها ..
توجة أليها وهو فى ذهول..
القاضى : هو عملها تانى ..
المرأة: لا يا باشا.. ده بقى ذى الفل.. وماشى ع العجين ميلخبطوش ..
القاضى: أمال أيه اللى رجعك تشحتى تانى..
المرأة: أصل المرة اللى فاتت.. لميت مبلغ حلو قوى من النسوان اللى فلبها محروق م رجالتهم ..
فقلت أهى سبوبة حلوة.. تساعد ع المعايش برضة..
( النهاية )
تعليق