ياعم جمعه فينك ؟؟
سايبنا ليه وهربان ؟؟
بتيجى زى المواسم ..
بتنور شمعدان ..
وتختفى فى لحظة ياهربنجى ..
وتطول ومش بتبان ..
حتى رقمك اتغير واوعى ..
تتغير انت كمان ..
صندوق رسايلك غلبنا ..
من شهور مليان ..
ياعم امسح رسايلك ..
وفضى لينا مكان ..
عشان رسايلنا توصلك ..
ورد علينا كمان ..
ولا المملكة واخداك ..
وخت ع النسيان ؟؟
محدش ينسى مصر ياجمعه ..
ده مصر فى الوجدان ..
وعارفك وطنى ومخلص ..
بس الظروف الوان ..
ظروف غصب عنك اكيد ..
باعداك عن الخلان ..
ومصر فى قلبك اكيد ..
وولادها دوول جدعان ..
وانت مصرى وجدع ..
شاعر جميل فنان ..
ياجمعه رد علينا ..
أو ابعت العنوان ..
بس نطمن عليك ..
وتطمن انت كمان ..
...................
تحيتى لكل مصرى يرفع راية مصر فى بلاد العرب بكل العمل الدائب والكفاح الكبير..