يبقى .. هنعيش

لسه فيه شمس .. بتطلع
فيه قمر .. بيهل
فيه حق صوته .. بيطلع
فيه شجرة تحتيها .. ضل
سامع دقات قلوب
فيه شوق في عين الكل

لسه النهار بيجى
والعين فيها دموع
فيه قوله أخ
فيه أم .. وطوع
فيه طفل بيضحك
لساك ياقلوب في الضلوع
فيه طعم حلو لكلام
بنسلم .. ونرد السلام
لسه بنتمنى
لسه فيه أحلام

لسه الغصون بتميل
لسه فاكرين .. الجميل
لسه الجناين .. بتخضر
فيه حقيقة .. وفيه دليل

لسانا بنسلم .. بالايد
بيجينا يوم عيد
بنسمع قوله .. الله
لسه الأدان بمواعيد

لسانا .. هنعيش
طول ما المناير .. على المينا
طول ما فى المرسى .. سفينه
لسه بنركب البحر
فيه جوامع .. في المدينه

لسه عايزين المحبه
فيه إيد ممدودة بالخير
الارض فيها .. حبه
فيه راهب .. في الدير

ثابته في ضهر الأرض
ياجبال .. ما بتناميش
بتتكلمى عنا

ياعيون .. ما بتكدبيش
يبقى نستنى
لسانا .. هنعيش
لسانا .. هنعيش