في البيت عنا إدمان
ع السياسة يا إخوان
حتى الولد غسان
لساتوا قد الصيصان
بتكلم بحجة وبرهان
يابا بسمع بالأمان
بسمع فيه من زمان
من عهد ستي أم رمضان
هادا دوا للعيان
ولا طبخة للجوعان
ولا رقعة للعريان
ومن الضحك أبوه فرطان
يابني هادي لعبة جان
لا عيان ولا جوعان
أصلوا العريان
مش إنسان
في شرع الغاب
والبهتان
افهمت يا غسان
كل شي من زمن
كان
ومازال إخوتنا
الفرسان
بتقاتلوا ع كرسي
وصولجان
وإحنا مكانك
يا حسان
لاطرح زرعك
ولا نور البستان
شغلوا العالم
الطفران
بنزين وكهربا
وجراب الحاوي
مليان
بديت تتثاوب
يا غسان
كلام ببكي
الصوان
تصبح على امان
ويكفيك شر الإنس
قبل الجان
أصلهم أصل البلا
والطوفان
وهادي قصة
ولدي غسان
مع السياسة الفارطة
والامان