نام ، نام، نام
وادبحلك جوز
الحمام
نمت يما وماصحيت
هزيتك كتير ومارديت
على أختك جريت –جريت
يمكن النار رحمتها
ومرت بس وقبلتها
لقيتها يما مثلك تمام
طارت معك طارت
لا ودعت أمها
ولا قالت سلام
نامت تحلم
بلعبة وشال
وفارس يغير
لحوال
ما عرفت انوا
للصغار
أكلوا الحنظل
والصبار
وكبروا قبل
الوقت والأوان
وهادا قدر
وكان
لكن عجبي
عليك يا زمان
الشام أطفالها
تحت الرماد
والبركان
وغزة طفلها
بيموت بشموع
القهر
واسمه رسمة
منقوشة بس
ع الحيطان

=

يا عالم يلي
دانك من طين
يا عالم يلي
دانك من عجين
في ذمتك طفل
الشام وفلسطين
اصبري
مالك غير الصبر
عنوان
وادعي في
ليلة قهر
ع كل متخاذل
وجبان