تويت
أثر الخطوة بيسيب أثر وحبة كلام!!
هنزل هنا التدوينات اللى بكتبها فى الصفحة وتابعوا
هنزل هنا التدوينات اللى بكتبها فى الصفحة وتابعوا
-
-
الطيبين بيعكزوا بعضهم
لأجل مايعدوا خطوة زمن
الطيبين بيدفعوا
خطوتهم تمن
الطيبين ذات الدموع الصامتة
جزاتهم الجنة
وجزاتهم ساعات تاريخ وطن!! -
كلنا عابرين
لكن فية حد بيسب أثر فى الرتم
فبيغير لحن أغنية الحياة
فغنوا قبل المغيب!!تعليق
-
أو قمر منور ضلام جوانب قصة
فتحلى رقصة الدقات
جوا القلوب
والقلوب سبحة
بتتجمع الحبات
فى ذكر العينين للعينين
أو التأمل الكامل للضحك
لما يسكن التقاطيعتعليق
-
أستاذ / عمرو
أنت رجل صعب الأغوار
ملئ بالأسرار
أعتذر أستاذي
لم أفهم الهدف من هذه الصفحة
هل هي خواطر ؟ أم دروس من مواقف ما ؟ أم ماذا ؟
كما أني رأيت بعض الألفاظ جاوزتها الطباعة
أظنها كانت تحتاج لمزيد تدقيق قبل الطبع
كلنا يحتاج لآخر فلا تحرمنا من مرورك على
فيض إخوانك من الشعراء ، والشاعرات .
أنا بانتظار إبداعك المميز دائما .وكــــــان لـــــــي صـــــــــديقتعليق
-
عبارة عن خواطر او ومضات
المشكلة فى الوقت فقط ياسيدى
ولما بجد الوقت بقرأ أكثر من موضوع بدل ما اقرا موضوع واحد واعلق
وفية حاجات كتير بتعجبنى
واوعدك انى اتابع ..تعليق
-
جحا لما مات ساب لنا قصر النظر
وأحنا ممن بعدية غاوينا البص تحت الرجول
يبقة لية نتفاجأ بالوقوع
لية نتفاجأ بالوقوع
لموا الكراسى وأطفوا النور
المسرحية أنتهت
رفضت الجماهير
المسرحية لسة منتهتش
لكنى حلفت جحا عدى فى النعش
جحا مات
صرخوا اللى يسيب أثر ميمتش
جحا مكنش جد الضحايا
لكنهم غاويين بص تحت الرجولتعليق
-
يامجموعين بشر
سرب الحمام أهوة عدى
وفات عليكم كمان النهاردة
يامجموعين بشر
قلدوا السرب
لما تنّزل السما مطر
الحمام بيتوضى
وبيسبح
يامجموعين بشر
أحلامكم تتدبح
لو تفوتوا فرصه
لو تسيبوا أحلامكم بدون ضهر
يامجموعين بشر
العمر خطر
لو ميزان العدل أختل
وأتبعتوا الضلام
أو عشقتوا الوجود
بدون ما تسيبوا أثر
يامجموعين بشر
جمعوا الحبات
العمر ماهوش فرط
العمر سبحات
لو تكمل تصير جنة
ولو يفشل يبهت الأثر
يامجموعين بشر !!!تعليق
تعليق