تويت
من عينيَّه يا ( حبيبه )
مـــــن عينيه يا حبيبه .. هبقا أقول لـــــه
مــــــــش هسيبو يوم ما يجي غير ما أقول له
****
هــوَّا لينا بركه غيرك .. دا انت كتر ألف خيرك
****
بس وحيـــــــــــــــــــــاة اللي ردو بدون معــــاد ..
ما تلوميه على انو طول في البعــــــــــــــــــــــــاد
****
هبــقا أقول له : إن عينك من بكاه .. بقو ليل ضـــــــــلام
وان رجلك شلها جريك وراه .. بين اللئــــــــــــــام
وان صوتك راح ـ يا عيني ـ من نداه .. بين الزحـــــــــام
وان قلبك قطعوا سيف الفراق .. من غير مـــــــــــــلام
****
علِّي صوتك ـ يا حبيبه ـ .. عندي أصل الشبكه وقعه .. لسه رجعــــه
واحـــــــنا لسه فــ الانتظار .. فاتحين لِجيةْ حضرته .. مية ألف دار
****
هيكون لعينك ـ يا حبيبه ـ كالصبـــــــاح
ويْصُف لرجول الأمل مليون جنـــــــــاح
ويشد بإدين العمل نجم النجــــــــــاح
ويعيد لحنجرة الحياة صوتهــــــــا اللي راح
ويضمد القلب اللي عصراه الجــــــــراح
****
علِّي صوتك ـ يا حبيبه ـ .. عندي أصل الشبكه وقعه .. لسه رجعه
واحـــــــنا لسه فــ الانتظار .. فاتحين لِجيةْ حضرته .. مية ألف دار
****
أيوه لَزْمَنْ لَمْ أحلام العيــــال
مــ اللي هِبْطِتْ تحت أسوار المحال
واللي بيها ننتفض من حال لحــال
خُدْ إيديهم .. هدُّو أسوار المحـــال
هات عزيمهْ .. شمس ميطولهــاش زوال
****
أيْوه .. وصلت ـ يا حبيبه ـ .. بس لسه الصوت مغلوش .. لأ يا ستي مش هطنش
****
أيوه .. طبعا هبقا أقول له ، ومش حـــــــــــــرام
مد إيدك ، وابني أبراج الحمـــــــــــــــــام
وابدأ المسلم ، وغيره بالســـــــــــــــــلام
واروي أغصان الزتونه بالوئـــــــــــــــــام
****
قولي يا ست ما تستحي .. أنا خط مفتوح افرحـــــــي
ولا عمري هقفل سكتي .. عنك يا روحي ومهجتـــــي
مــ اليوم لا يمكن ( اكنسلك ) .. ولا فــ انتظاري هعلقِك
ولا هقلبك ، ولا اوزعك .. و ( رْموف ) لحاجه تكــــدَّرِك
****
والشكر للي قام لماضي ، و ( فرمتـــــــو )
و ( مْستَّبِ ) الأهداف ، وعارف سكـــــتو
و ( مْسيِّف ) الأديان ، وفاهم سنِّتـــــــو
و ( مْرَسْتت ) الأفكار ، وظابط نيتــــــو
****
أيوه وصلت ـ يا حبيبه ـ .. بس لسه الصوت مِغَلْوِشْ
إدعي ربك ـ يا حبيبه ـ .. نهتدي .. ولا يوم نِطَــــنِّشْ
=======================
تمت بحول الله ، والله من وراء القصد
بقلم / محمد محمود شعبان ( حمادة )
مصر ـ الزقازيق ـ محافظة الشرقية ـ
تعليق