* أكتب رباعية هنا *

**جمال عمران** · 26-04-2012, 18:22

عاوز تخلص من مراتك ؟؟ ..
وتكون كسبان القضية ..
بالمرة تخلص من حماتك ..
أم أفكار تخريبية ..
قول عن الاتنين بسرعة ..
دوول من أنصار الشيوعية ..

**نجاح عيسى** · 26-04-2012, 18:31

لالالالالالالالا يا استاذ جمال
مراتك وحماتك ؟؟؟
يعني جريمه مزدوجة !!
اكيد حضرتك غير متزوج
وإلاّ لم تحرض على هذه الجريمة ههههه

**نجاح عيسى** · 26-04-2012, 18:34

أنساك ازاي
انا لو قلبي ينساك
العين ما بتخبيش
وعينيا لو تنساك
الفكر ما يسبنيش
والفكر لو ينساك
حبك ما يرحمنيش ..!

**جمال عمران** · 26-04-2012, 18:45

المشاركة الأصلية بواسطة نجاح عيسى مشاهدة المشاركة

لالالالالالالالا يا استاذ جمال
مراتك وحماتك ؟؟؟
يعني جريمه مزدوجة !!
اكيد حضرتك غير متزوج
وإلاّ لم تحرض على هذه الجريمة ههههه

الاستاذة نجاح ( ألق المعانى )
إذا كان الزواج يعنى أقتران رجل بامرأة ..فأنا لم أتزوج بعد....
تحية للمتزوجات والحموات الفضليات فهن صانعات المستقبل ...
تحيتى سيدتى الراقية..

**أحمد على** · 26-04-2012, 19:48

ثورة !! قلنا ثورة
ثورة ،هتفنا بلدنا حرة
والدم سال جبال
ضاع الهتاف وبقت خلاص مُرَّة

الله يرحمك يا ثورة

**جمال عمران** · 27-04-2012, 17:46

يا احمد ياعلى خليك بعيد عنى ..
الثورة باقية وكلامك مزعلنى ..
الثورة عمرها ماتموت ولا تتهد ..
وعاوز تعرف فى الميدان قابلنى ..
.....................
من أرضنا هل الإيمان والدين ..
عيسى ومحمد ثورتين قايمين ..
وطول ما إيد شعب العرب فى الإيد ..
الثورة قايمة والكفاح دوار ..
.............

**محمد محمود محمد شعبان** · 02-05-2012, 10:24

أيها الإخوة الثائرون
دعوني وبعد إذنكم طبعا أغير الموضوع
ولو معجبكوش إرموه
ومهما نظن إن الأمل ضاع فغدا تغرد العصافير
ولو مغردتشي يبقى الشمس نايمه لسه ..، وعايزه حد يصحيها
ولو مصحيتشي يبقى .. !! يبقى ..!! ان شالله عنها ما صحيت بقى احنا هنموت روحنا .هاهاهاهاهاهاها
===================================

=================================

يا حبيبي يا قمـــــــــــر ... بعدك رهيــــــــب
حتى في قربــــــك خطر ... تسبي القليـــــــب
والعيون مرسى سفــــر ... حط الكــــــــــلام
هوَّا دا دائي وقــــــــدر ... روح يا طبيـــــب

======================
يا ريت تكون عجبتكو

**خديجة بن عادل** · 02-05-2012, 12:02

شاف عقلي جمال وأداه معاه ..
يا اللي راك راكب الريح وعلاه ..
حط بالك عني والحب لا تخفاه ..
هاك مني ياسمينة والقلب كل رضاه ..
واشكر كل طالب واش جاب معاه ..
وڤول يا لميمة نهاري لبس برنوسو وزاد بهاه .

Merci Djamel

**محمد محمود محمد شعبان** · 05-05-2012, 07:41

أجدد التحية لصاحب الفكرة الأستاذ / جمال عمران
وما زلتُ في متابعة كل هذه الروائع
وأعتذر عن تقصيري في المشاركات
ولكني في الطريق إن شاء الله
تحية للجميع ، والسلام

( حمادة )

**محمد محمود محمد شعبان** · 05-05-2012, 09:32

( فاعلاتن .. فاعلاتن .. فاعلاتن )

ابتسامك الصبــــاح ده ... رحته فُلَّــه
صبح كسَّر خلف ليـلك ... ألف قُلَّـــــه ( إبريق يصنع من الفخار )
يالَّا اضحك خوّف الحُزْ ... ن المعشش
وادع ربك إنو يرْفـــــع ... كل علـــــــه

**محمد محمود محمد شعبان** · 05-05-2012, 19:15

( سلام للأمام )

عامية مصرية

( "سلام للأمام "هي أمر من المعلم بالجيش ليعلم الجنود
كيفية إلقاء التحية على الرتب العسكرية ، جعلتُها عنوانا لهذه
القصيدة لتكون رسالة لكل الشعب المصري ، وللجيش المصري
عموما ، والذي خدمت به ، وأقدر كل مجهوداته )

فعولن .. فعولن .. فعولن .. فعول
-----------------------------------------------------------------

سلامْ للأمامِ ، وسلامْ للأمام
سلام للي سهران سلاحو ما نام
وباني عرينو فــ قلب الحدود
تحيَّا لقائد ، وجندي هُمام

***

مـَ يرضى الهزيمه ، ولا عُمْرو لان
بطل فـ انتصاره ، ودا من زمان
دا من عهد مينا ، وْ لَحَدِّ السَّادات
وتمِّمْ جِميله فـ يناير كمان

***

سلام يا سلاحي ، وْصَفَا ، وانتباه
يـَ (بِلْدِي) يا (دُفْعَهْ) يا سَتْرو، وغَطَاهْ
وأُرْقُدْ ، وعَمَّر ، ودُسْ عـ الزِّنَادْ
بُرُوجِي، ونادي .. نِلَبِّي نِدَاهْ

***

مَقَفِّزْ مِلَمَّعْ بِيَادَهْ وبِرِيْهْ
ووقت المناوره ما تقدر عليه
مِدَرَّبْ رِبَايِةْ نُسُوْرْ ، وأسود
مَقَدِّمْ لشعبو حياته بإيديه

***

فمعقوله يطلع خؤون ، وعميل
وما فينا بيت الا شايل جميل
خدمنا فـ مصنع شجاعه ، ورجال
وصدق ، وأمانه ما ليها مثيل

***

يا بويا يا خويا يا عمي يا خال
يا صحبي يا جاري فرقنا محال
ولو بِنَّا حَبّةْ عوالق ، وسوس
فما في جبل دَكُّو شق النِّمال

***

يا مصر يا حقل محبه ، وصفاء
يا مصر يا مصنع ولاء ، وانتماء
يا مصر يا أرض ، ويا شعب ، ويا جيش
وشَيْفك عروسهْ فـِ أجمل رداء

***

يا مصر يا آيه ما تقبل مِسَاسْ
يا جيشي يا دعوةْ سكينه ، وخلاص
يا شعب يا ساكن في جامع ، ودِير
يا أرضي .. لكلِّ الحواضر أساس

***

رصيدَكْ يا جيشي فـ قلبي تلال
وبيزيد محبه ليصبح جبال
ولو يوْم غراب قام وزعَّق بِبِين ( فراق )
فراسي يا ناس مش صفيحة زِبَال

***

سلام للأمام ، وسلام للأمام
ولو بينكو خاين ، وماسك زمام
وسَكْتين ..فمعرفش تبقو انتو إيه
وتبقى التَّحِيَّا لِكم كالحرام

============================

تمت بحمد الله ، والله من وراء القصد

بقلم / محمد محمود شعبان ( حمادة )

مصر ـ الزقازيق ـ محافظة الشرقية .

**جمال عمران** · 07-05-2012, 16:26

ياحلوة يا أم الحلا والجمال يامصر ..
أنتى يابلدى رايه فوق هامات العصر ..
انتى الكرامة والحرية يابلدى ..
وانتى صاحبة العزة ورايات النصر ..
و

**جمال عمران** · 07-05-2012, 17:12

يامصر تاهت خطاوى الولاد ..
وانفطرت يامصر قلوب العباد ..
ليه الحيايى والتعابين بقت سايبه ..؟
وقاعده تحرب لخراب البلاد ؟؟

**محمد محمود محمد شعبان** · 08-05-2012, 20:19

فاعلاتن .. فاعلاتن .. فاعلاتْ

يا حبيبي شرعنا غاية الجمــــــــال
قصر عالي حصّنو سور الجـــــلال
واحنا فيه راح نهتدي بانسام هُداه ( أنسام )
ديني شمس فـْ ضيّها مااقْبلْ جدال

**جمال عمران** · 08-05-2012, 20:33

المشاركة الأصلية بواسطة حمادة الشاعر مشاهدة المشاركة

فاعلاتن .. فاعلاتن .. فاعلاتْ

يا حبيبي شرعنا غاية الجمــــــــال
قصر عالي حصّنو سور الجـــــلال
واحنا فيه راح نهتدي بانسام هُداه ( أنسام )
ديني شمس فـْ ضيّها مااقْبلْ جدال

الاستاذ حمادة ( الراجل ده هيجننى )
مش فرض ولا حاجة لكن مجرد فكرة ...انت ليه مش بتكتب رباعياتك فى المسابقه ؟؟؟؟
تحيتى ومودتى ..

* أكتب رباعية هنا *

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث

***** أكتب رباعية هنا *****

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث

* أكتب رباعية هنا *