تويت
[align=center][table1="width:100%;background-image:url('http://www.rsm-5.net/images/6uln9qmc2w123raas5d.gif');background-color:black;border:6px ridge darkred;"][cell="filter:;"][align=center][align=center][table1="width:95%;background-color:black;"][cell="filter:;"][align=center]
[flash=http://www.jewelsf.com/up/uploads/78a3fc89b4.swf]width=0 height=0[/flash]
سلامتك يامصر
سلامتك يامصر وسلامة جبينك
سلامة الأمان اللى غرقان ف نيلك
سلامة عيونك سلامة سنينك
يامصر الأصالة يا أم البلاد
وجعنى اللى فيكى وتعبنى أنينك
سلامة جناينك سلامة ترابك
سلامتك يامصر وسلامة شبابك
دة هما اللى كسروا رموز الفساد
ماعارف يامصر اللى صابك ليه صابك
دموعك تزيد بموت الشهيد
يموت بالرصاص وحلمه الجديد
دة حلم اتولد يبيد العناد
ينور طريقك ويحمى الوليد
ولادك يامصر بتقتل فى بعض
دمانا بتنزف فوق كل أرض
بارود اللى خان بيقتل ولاد
بتحلم تعيش بطول أو بعرض
سلامتك يامصر يا أم الكرم
يابلد الحضارة وبلد الهرم
دة مهما تعانى بكتر الفساد
قريب يابلدى نزيل الألم
يامصر فوقى ما تسكتيش
يامصر فوقى عاوزين نعيش
ايدين تعمر وايدين تدمر
وجبين بيعرق وما يلاقيش
عملوكى التورتة يامصر وهما
عملوا الحفلة وجمعوا اللمة
100 سكينة ف قلبك تغرز
طفوا شموعك .. آدوا الضلمة
سلامتك يامصر يابلد العساكر
يابلد الغلابة وطوب المحاجر
دموعك بتحرق قلوب اللى عشقك
وخلت زهورك لغيرك تهاجر
كنت راسم إن قلبك هيراعينى
كنت بحلم إن نيلك هيداوينى
بس تعبك زاد آلامى
وزاد جروحى وزاد أنينى
عاوز أطمن على أحزابك
زادوا آمالك ولا آلامك
دول قربوا يوصلوا سبعين
ربى يزيدك ربى يبارك
دول بيقولوا يامصر أحباب
هى القسمة بقت أحزاب؟؟
حزب يشاكس حزب يناور
حزب يعلى فى مصر خراب
أنا ولا سلفى ولا ليبرالى
أنا حلم اتولد لعيالى
بحلم يشوفوا الدهب طالع لهم م الطين
وأتمنى ليهم وطن فوق الجميع عالى
سلامتك يامصر يابلد الخضار
دى الهرجلة صبحت قرار
والفقر عم وزادنا هم
وقلوبنا واقفة تأيد فى نار
الثورة خلوها نزاع
الثورة مش جمع فى متاع
لما يضيع معنى الأمان
الثورة مش رمز الضياع
الثورة قلب بيتحرق ويغير عليكى من الهوا
مش ايد بتبنى وغيرها سمم ف الهوا
فداكى عمرى ياأم البلاد
لو يوم عييت بألقى عيونك فى الدوا
يامصر قلمى بيتقصف
يامصر حلمى بيتنسف
لحن الحزن ف قلبى عزف
زود كل همومى معاكى
وخلا الدم فى عرقى نزف
ليه مانزدش معانى الحب
نلقى القلب يدوب فى القلب
بكتب كلمة بدمع عنية
أصل الحبر ف قلمى إنكب
امتى يامصر تحسى بألمى
دة اللى بيحصل يحرق دمى
ومهما يحاولوا يزيدوا فى همى
عمرى ما هسمح يقصفوا قلمى
أو يتغروا ويسرقوا حلمى
أنا راح أكون لك زهرة جميلة
وهملى جناينك زهر بلادى
اوعى تخافى يامصر وقومى
نرسم بكرة ونمسح ماضى
بكرة هنحلم لك بالخير
بكرة دة حلمى وحلم ولادى
سلامتك يامصر انشالله الأعادى
سلامتك ياغالية وهفضل أنادى
بحبك يامصر .. بحبك يامصر
ندرٍ عليا يامصر لازم
البسك تاج الحرير
واملى بساتينك ريحانة خير
أغرس بذورها بقلبى أنا
وارويها من حلمى الكبير
سلامتك يامصر .. سلامتك يامصر
تحيااااااااااااااااااتى.....
سامح عشاوى( المصرى )
سامح عشاوى( المصرى )
[/align][/cell][/table1][/align]
[/align][/cell][/table1][/align]
تعليق