شعب السويس البطل .. ما خافش يوم من حد ..
والدنيا تعرف معدنه .. بالذات فى ساعة الجد ..
إسألوا عنه التاريخ .. إن كان فى مرة إتهد ؟؟..
ولاد كما الأباليس ..لو مدوا يهدوا مليون سد ..
...................
عفريت كده إتحنجل .. فرك ايديه الاتنين ..
نفخ ببقه عود عفريت .. ولعله كده تنكين ..
لما النيران أوى شعللت .. ودخنها غطى ميلين ..
فرح العبيط من هبله .. كان راسم خطتين ..
..................
لما العيال قامت سوا .. سوايسة يفهموا الطايرة ..
لقطوها كده م الهوا .. قامت النفوس ثايرة ..
عرفوا السوايسة اللعبة .. عملوا عليه دايرة ..
عفريت الندامة خاف .. وقبيلته كات حايرة ..
................
وشوشوا بعض عالخطة .. اتفقوا رقم عشرين ..
بعد النيران ما انطفت .. يدوب كده بساعتين ..
عفريت كبير ولعها .. تانى وفى دقيقتين ..
ضحكوا السوايسة بجد .. على فعل أبو قرنين ..
...............
كان عامل نفسه ريح .. طاير ابو العفاريت ..
رشوا الأبالسة نكت .. بانت قرون العبيط ..
مسكوه الولاد ربطوه .. على صارى جنب الحيط ..
عيط وقال حرمت .. ده انتم أبو النطيط ..
.............
ضحكوا السوايسة عليه ..وقالوا يللا نسيبه ..
وبكرة فى التحرير .. هنعرفه ونجيبه ..
ونعمله مسخرة للدنيا .. ونفضح كده عيبه ..
لو هو كان عفريت .. إحنا أبالسة نصيبه ..
...............