السلام عليكم ورحمة الله
أولاً أقدم التحية لكل الشعراء المشاركين معنا بالمسابقة
وأقدم كل الشكر والتقدير للأخ الغالي والصديق الطيب / الأستاذ أحمد علي
على مجهوده الرائع والواضح بالمسابقة
وبعتذر شديد الإعتذار لتغيبي وتأخيري عن المشاركة معكم والمتابعة
لعطل كبير أصاب جهازي إثر هجوم لملفات الهكرز عليه وقد أبلغت الأستاذ أحمد بذلك
والحمد لله مازال امامي فرصة أن أشارك معكم وأسعد بصحبتكم وصحبة أقلامكم الرائعة
لي عودة بإذن الله لوضع مشاركتي معكم
لكم خالص التحية والتقدير وتمنياتي للجميع بالتوفيق

السلام عليكم ورحمة الله هذه مشاركتي المتواضعة في المرحلة الثانية.
[read]الأمل[/read].
كلما جن الليل لابد يطلع النهار..
نوصيك يا بنادم لاتفقدالأمل في الغفار..
على وجهك ارسم بسمة جميلة...
تمشي لقلبك وتزيح الغمامة...
رمي حمولك وانس لي فات...
ودير بينك وبين اليأس مسافات...
الأمل الكبير واسع بابو...
فتحو..ورمي الحزن لصحابو...

انا باعتزر
انفضى تراب الزمن من فوق جبينك
واصرخى من بين ضلوعك
ومين يقدر يلومك
حقك عليا يا امى وباعتزر
انا باعتزر

حاسس مرارة دمعتك فوق الخدود،
جارحانى حتى فى تربتى
كان نفسى اكمل دنيتى
واللى ما يروحش جنة ربنا يبقى خسر
انا باعتزر

اوعى تتمنى حد غيرى يكون مكانى واكون معاكى
روحى فداكى
زكرايا جواكى
وفى قلب كل مصرى كان يتمنى ومش قدر
انا باعتزر

صدقينى يا امى مصر كانت محتاجلنا
ولا جاش فى بالنا
ولا فى خيالنا
نقدر نغير فى التاريخ وبقيت شهيد وبا فتخر
انا با عتزر

كلمات\ ممدوح بدوى

رباعيتي بالمرحلة الاولى من المسابقة
من وحي الصورة


شبت وشاب شعري يازمن
واتكرمشت جفوني
واقف مستني حافي القدم
واتشققت كعوبي
بعد مالفيت بلد بلد
غريب بدور ع اللي يواسيني
ورجعتلك ياوطن
ضهري محني
متبعزقة كرامتي ومتقطعة هدومي
*************

ونصي للمرحلة الثانية واختارت ( الحب )

قالوا م القلب للقلب رسول
وأنا ياما بعتلك مراسيل
وتعب إنتظاري ويا الليل الطويل
طال بعادنا سنين وسنين
وأنا كل منايا نظرة عين
لسا بستناك وبتمنى لقاك
بنادي عليك وبترجاك
تسأل البحر عليا
يوماتي بيشوف دموع عينية
وبيحضن شوقي بحنية
والا الشمس ساعة الصبحية
تناغي الطير بأغنية
وهو بيرفرف حواليا
بتواسيني بضحكة شقية
وبتلون ضفايري بألونها الدهبية
ياما وياما عديت النجوم
وشال ويايا القمر الهموم
وكتير عشقت النوم
لجل ما أحلم بيك
وإتمنيت عمري منه مأقوم
طال الفراق يا نور العين
ولسا عندي أمل
نتقابل إحنا الإتنين
*********
شكراً لكم وتمنياتي للجميع بالتوفيق

ياوطن من القلب مليون تحية
بالسلام نبنيك وننسى عنف البندقية
الحوار أقصر طريق بيهو تتحل القضية
كل شئ يمكن بلوغو لو بدينا بحسن نية

مات فيتورى الشاعر المناضل
كيف تفوت والظلم حاصل
فى بلاد ماجاها عادل
يحكما لكن مابنرد الجانا نازل

شكرا اخى الكريم احمد
ومجهودعظيم مكلل انشاءالله بالنجاح
وشكرا مرة اخرى على دعوتك لى فى المسابقة
بالنسبة لعمل رباعية شعرية للصورة فان اقول :
راحل وجويا احساس بالخوف
راحل وعينى من الخوف ما تشوف
لكن قلبى على المدى فاتح دراعه
بيتمنى فى كل مكان يطوف
اما بالنسبة لموضوع الانتخابات
فانا كنت قدكتبت نص عن الانتخابات التى تمت عندنا فى مصرويشرفنى ان اعرضها هنا
وهى بعنوان : ابو قيردان والجرذان

الحيوانات
عملوا انتخابات
للى يحكم الغابة
بعد موت الملك
اللى اكلوه الديابة
واقسموا ما بينهم
هتكون فى منتهى النزاهه
ولا هيكون فيه غش ولا تزوير
ولا هتقف امام اللجان اى نداهه
وابتدت الاصوات تتوالى
وكل حيوان معاه مجموعة جرذان
لان عددهم كان فى الغابة كتير
وكان بأديهم تحديد المصير
وخلص التصويت
وابتدى فرز الاصوات
وسط امواج من الصوات
وكانت النتيجة
فوز الجرذان باغلبية غير مسبوقة
المعارضة صرخت
دى تمثيلية محبوكة
اخرس يا ابن ....
انت ماشى فى حاره مسدودة
والفار كبر
وانت ذى الدودة
وبعد يومين
الجلسة معقودة
لاختيار الرئيس
الجرذان اغلبية
والمعارضة بيقولوا عليها كدابة
الجرذان شكلوا اللجان
واتفقوا على الرئيس
ولازم يكون منهم
وممنوع يتكلم اى تيس
واتحدد الرئيس
ابو قردان
قعد على الكرسى مفرود الجناح
من الغيط فلاح
لرئيس الجناح
بس شكله عبيط
اخره شيلة قرنبيط
يبيع فيها ويظيط
او يشتغل قماح
فى صوامع الغلال
الجرذان وابوقردان
مسكوا الغابة
قسموها كام فدان
صبحت وسية جديدة
بس صاحبها
لابس توب حمل وديع
مش هيحسسنا وهى بتضيع
وهيسوق القطيع
بكل حنية
يا سلام على الجرذان
ولاد جنية
وابو قردان
مبروك عليه الصباحية
اما الجزءالثالث وهو الرباعيات
فاكتب هنا معكم نص لاول مرة اكتبه على النت بعنوان : هى مش بالدراع
ا
لو كانت بالدراع
كنت اول الفايزين
ولانى ماليش فى طرق الخداع
مفكرينى من العاجزين

انا ليا الف دراع
لكن مش من الخاينين
ودايما بكون فزاع
للى يروع الامنين

وعلشان حياتى شبه مماتى
بقضيها وداع فى وداع
تايه مابين صباحى ومسائى
شايل فى جيبى حباية صداع

وان قولت يا دنيا هاتى
تقولى خد يا طماع
افتش على اللى خته
الاقى صره بتشراوجاع

مين اللى قالك يا دنيا انى للهوى بياع
انا عارف ان انتى فانيه
واللى يامل فيكى يروح فى داهيه
ويقضى بقية حياته ملتاع

واخيرا اتمنى ان هذه الكلمات تنال الاعجاب
وشكرا