مسابقة شهر أبريل للشعر العامي ..

**جمال عمران** · 01-05-2012, 14:58

دورت على ساميه عبد الرحيم ..لقيتها مش هنا ..
والمسابقة اللى فاتت برضو كانت .. هربانه مننا ..
يارب حاسوبها يكون اتصلح ..عشان تشاركنا ..
وتكتب معانا كام رباعية .. ونشارك كلنا ..

**ابراهيم خالد احمد شوك** · 01-05-2012, 16:05

أمجادك ياوطن ماخافيه علينا
فى الرخا نبنيك ووقت الشدة مانسينا
وحدنا صفوفنا يد فى يد بى حب اتلمينا
يعيش الكل مبسوط وتانى مافى شئ هامينا

**جمال عمران** · 01-05-2012, 16:23

أحنا الخير للبلاد ورفعة شأنها ..
إحنا ليها الأمل ونحمى أمنها ..
وهى لينا الأم والنعم والفضل ..
وبثورة الربيع لازم نعيد مجدها ..

**نهى رجب محمد** · 01-05-2012, 17:01

آه يا بلد يا ام الولد
إمتا يجيلك المدد
يبقى ولادك السند
يخلص سُهادك والحقيقه تتولد
-----------------
نهى رجب محمد
ريشة المطر

**جمال عمران** · 01-05-2012, 18:01

دلوعه البنت كات ماشيه تتمختر ..
لمحت وش القمر عقدها اتبعتر ..
لقت نفسها لا حلوة ولا حاجة ..
أصل الحلاوة بالتواضع بتتعطر ..

**صفاء جمال** · 01-05-2012, 18:21

روحنا فدا الوطن ال بنحبه ونعشقه موت
مش هنرضا بالذل على ارضه ولا السكوت
واحنا فداه انشالله ننصاب أو نموت
وطننا غالى علينا والثورة علت الصوت

**ابراهيم خالد احمد شوك** · 01-05-2012, 19:34

تم المقصود لو ليك أعود
بينى وبينك اسمى عهود
أمرك مطاع نبذل له كل الجهود
عشان تظل عالى المقام وتسود

**محمد محمود محمد شعبان** · 01-05-2012, 20:47

( هي صورة )

هيَّ صوره وعـ الجْدارْ متعلقــــــه
والعيونْ بصهْ أماني مْشعلقـــــــه
فيه يقولَّك : ضِحكته زي العســــل
والحقيقه فـ البِدَلْ مِتْخَنَّقَـــــــه

**كلثومة جمال** · 01-05-2012, 22:10

رباعية مغربية

راح داك الزمان ومعاه ناسو..
وجا هاد الزمان بكل قساوتو...
الشر ما يضر..غير لي جابو لراسو..
في الشتا ء يقول البرد..والصيف يغلبو نعاسو...

**سامية عبد الرحيم** · 02-05-2012, 03:03

وأنا اللي كنت بقول الحب سلطان
وعلى سفينة الهوى كنت قبطان
فضلت أجدف بأحلامي وأنا سرحان
لحد ما غرقني غدره ف الأحزان

**ابراهيم خالد احمد شوك** · 02-05-2012, 06:12

نبدأ الحب ونسيب الحقد
الكره نار وايد بطاله تهد
نعيش اخوان لاجفا لاصد
اصلو الفرح الاخضر مويتو الود

**سامية عبد الرحيم** · 02-05-2012, 06:33

دا الود كان كلمة وفعل
ورباط شديد عمره ماينحل
دلوقتِ بقى مصلحة وحد
وإن عجزت الفراق هو الحل

**ابراهيم خالد احمد شوك** · 02-05-2012, 11:51

لما تضحك تملا كل الدنيا نور
الفرح بستان مُزيَّن بالزهور
البشاير بى حواليكَ حضور
تبقى ايامك سعادة وكوم حبور

**نهى رجب محمد** · 02-05-2012, 18:03

مرحلة تانية

تحت التوتة
--------

إمتى عرفتي إني بحبك؟!

دنا خبيت السر في بير مالوهوش قرار

أيوة بحبك

وكإنك مغروسه في روحي

جنة عريضة

وأنا فلاح عاشق أراضيها

أيوة عشقتك

ذي م باكل , ذي م بشرب

فاكر اسمك

كل م ببدأ أي كلام

ذي م بعزق , ذي م بروي

شجرة توتة

الحدوته م بتخلصش

عمري م هكبر أو أتأثر

بالزمن الجبار القاسي

هفضل عيل شابط فيك

حابب ضحكك , ماسح دمعك

وكإني منديل ف إديكي

لو عايزاني أسيبك وامشي

أنا مقدرش أشد جدوري من أراضيكي

أنا مستحمل لفحة مايو

برد امشير, زعابير طوبة

عشان أرضيكي

واقف أضلل أداري

عنيكي م الشمسا يه

أنا صف النخل اللي على يمينك

لما تمري مدي يمينك

دوقي طيابتي

دوقي حنيني

أنا عشري واقف أحميك

كوني أميرة قد كلامك

واتحرري من ذل سكاتك

قولي بحبك

وأنا من بكرة

هزرع كل الدنيا غيطانك

وانسى الشوك كله اللي أذاني

واستطعم بوحك وغناكي

عيشي أبيه ورافعه جبينك

عند الضيف هتلاقي اديا

إسندي عليا

عند الفرح هصقف وافرح

ازرع واحصد

لما يهد الجهد إديا

أتعب أنام

وأجري أجيلك ف الأحلام

صبح وليل هتلازمني عنيا

أنا عايش ف الدنيا عشانك

------------------------

نهى رجب محمد

ريشة المطر

13-10-2011

**أحمد على** · 03-05-2012, 12:14

ما تجي نحـلف على حب الوطنْ

ونْطير به ف السَّما فُوق المِحَنْ

دا الوطن لسه دموعه ف العين

دم ،حرايق ،آه .. شهيدي ف الكفنْ

مسابقة شهر أبريل للشعر العامي ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث