مسابقة شهر أبريل للشعر العامي ..

**جمال عمران** · 07-05-2012, 18:37

شوفى يامصر ولادك لما هبوا وثاروا ..
المصرى رجعت كرامته والعدا احتاروا ..
والثورة قايمة ومكملين ولادك ..
والفلول فى الليمان مهما لفوا وداروا..
..................................
لأن مشاركة الاخ حمادة انتهت بحرف ( الشين )

**محمد محمود محمد شعبان** · 07-05-2012, 19:52

أوّأ يا غراب ، وانعق يا حمــــــار
الوِدْن فـْ دار ، والعقـــــــل فـْ دار
ولا فيش فاصل كدا للإعــــــــلان
هرج ، وتهريج مش عارف اختار
===================
لعلها تحوز الرضا والقبول هذه المرة

**جمال عمران** · 07-05-2012, 20:01

روح ياحمادة قلبى غضبان عليك ..
لأن الحرف والكلمة مابين ايديك ..
ونفسى تختار كلام موزون يشدنا ..
ساعتها هدعيلك ربنا يخليك ..
....................
من باب الدعابه لحماده المشاغب

**أحمد على** · 07-05-2012, 20:25

كلكم ما شاء الله متجمعين
دا أنا افتكرتكم غايبين
ربنا يديم المحبة بينا
ادعو معي وقولوا آمين

**********

أهلا بكم جميعا

**جمال عمران** · 07-05-2012, 20:30

نقول يارب ديم الوداد بيننا ..
وحب الوطن يجمعنا ويزيننا ..
ولما تتجمع عالحب كلمتنا ..
نبقا بتقل الجبال ولا حد يوزننا ..

**أحمد على** · 07-05-2012, 20:37

الوطن همه همنا
والمحن دي من صنعنا
نتكاتف ونحب بعضنا
يزول الهم وتعود العزة لأمنا

**ابراهيم خالد احمد شوك** · 07-05-2012, 20:38

انت كيف تنوم والعدو متربص وساهر
ايدو على الزناد وفى الغدر ماهر
لو مابنعرف نحارب تراهو شِعرنا عامر
بالكلام المصادم وماكان فى يوم قاصر

**جمال عمران** · 07-05-2012, 20:42

راح الولديبكى و يسأل على حبه ..
لقى الحبيب هجر وكان فى يوم جنبه ..
لاعرف ليه الحبيب فارق وليه خانه ..
ولا عرف أيه جريرته ولا حتى ايه ذنبه ..

**محمد محمود محمد شعبان** · 07-05-2012, 20:43

ها ادعي واحنا نرد وراك
يا احمد جاي والحب معاك
حب نزيه مليان إحساس
تسلم مصر بفضل دعاك
================
طبعا مع حفظ الألقاب
واسمحوا أن أساجل نفسي
عشان كنت عاوز أسجل مشاركة بحرف الكاف
لرباعية الأستاذ جمال السابقة ، ولكن الأستاذ أحمد سبقني

**محمد محمود محمد شعبان** · 07-05-2012, 20:45

كلمتكوا زي العسل ، والقلب ليك مفتوح
والحب مهما حصل ، بيزيد ومش بيروح
والوزن سر العمل ، أستاذ يا بو عمران
معلش إن ما اتوصل ، ديما أنا مجروح
========================
طبعا مع حفظ الألقاب أيضا

**محمد محمود محمد شعبان** · 07-05-2012, 20:47

آسف يبدو إن أنا تأخرت زيادة عن اللزوم

**ابراهيم خالد احمد شوك** · 07-05-2012, 21:59

حبيبك وفى هواك دايب
ياريتك تحن مرة ونتطايب
ياما احبه تتخاصم وتتعاتب
لكن تصفى نفوسا وترجع تانى تتقارب

**محمد محمود محمد شعبان** · 07-05-2012, 22:15

بحب الناس ، وعاونهم
وحب الفرح فــ عيونهم
واسد وداني عن غيبه
وقول يا رب تكرمهم

**ابراهيم خالد احمد شوك** · 08-05-2012, 05:40

مرت سنين والشوق اليك كل يوم يزيد
الغربة طالت قول متين نرجع نعود
لى دار هناك فيها الحنان والكل سعيد
الناس قلوبا على بعض والالفة ضاماهم شديد

**أحمد على** · 08-05-2012, 07:16

دي الغربة دوامة واخدانا

لبعيد من أحبابنا سارقانا

دي ليل طويل علينا مكتوب
نسهره وندفع التمن شقانا

مسابقة شهر أبريل للشعر العامي ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث