مقدمة :
((بشوف بالعين اليمين خرفان بتأكل أحلام الغلابة))
((وجهة بصل))


بركن بيفضفض أحلام

مية طوفانك يا نوح مطفتش نار ابراهيم
دا الأه ف حلقى كتلة لهب
مانعه الكلام يتنفس
حايشه اللسان ليتمطع ف وش السكون
طب مين يوسع للتنهيد لأجل الحروف ما تهرب للشفايف .
لأجل الخوف ما يبقى خايف
من وحدته
ما نيش يا شمس النهاردة شوية برد هايطاطوا راسهم للظروف
ولا حتى ضلاية هتنحنى لتكشيرة محنتك
ده أنا نفس لابسه أسم جوه حلم ما اتحلمش
خايف أحلمه أقوم ما أنمش
غير على ريحة وردى اللى بينزف شلل
أهين يا أيوب غلبت صبرك لكن غلبنى الملل
يا قلبى يا متعاص رقع طيبة
مين اللى سود الفراغ بيا ؟
مين اللى حلم حلمى المحلوم متين مرة؟
بعزق يا حاوى بمر تعاويذك على جسمى .
يمكن اطلع تأويل من جحور القصيدة
يمكن أكون ترانيم مبأها النشاذ
يمكن أصير تراتيل عنوانها خلص الكلام
يمكن أكون بركان بيفضفض أحلام