تويت
حلم عشوائى !!!
__________________
ركبنا مكروباص من على المحطة،
كانت الدنيا زحمة وقفنا كتير ،
كان الطريق كله زحمة،
بيمشى بهدوء مش مناسب دوشة المكروباص،
فية ضحك بنات يشبه ضحك بنات الليل لكنهم كانوا بحجاب وبناطيل جينز،
كان معايا اتنين صحابى وكانوا بيقولو شعر وسط العالم المزعج دة ،
أن كنت مركز مع دخان سجاير الحشيش بتاع السواق والتباع كنت ببنى بالدخان أشكال،
الطريق كان واقف واصحابى نزلوا يجيبوا كنز قولتلهم
_انا عاوز شاى
وكان فية قهوة قريبة بس السواق قالى
بلاش فية واد ابن () بيثبت كل اللى بيخش
وضحك ضحك عشوائيين، لكن انا محترم قلت كدة فى نفسى ،
وبعدين انا بتاع علم نفس وهعرف اتعامل،
نزلت من المكروباص كلاكسات شتايم،
الشمس طالعة نص والنص التانى بيغرب ،
الليل داخل مع اننا كنا على المحطة من خمس ساعات،
دخلت القهوة ملقتش غير واحد شكله عشوائى طلبت بأحترام وبنص ابتسامة،
مخفتش انا بتاع علم نفس ،
رد زى العشوائين بس من غير مكر،
_ حاضر يا ابن عمى
جاب كوباية من صندوق كوباية مصفرة من قلة الغسيل بس عديتها ،
_سكرك اية يا برنس،
_مظبوط ،
حط معلقة شاى ومعلقتين سكر وصب من كنكة الماية السخنة وضحك ضحكة ملهاش داعى،
وبعد ما قلب
_ اتفضل ياباشا
الكوباية كانت صفرا ،الدنيا برا باب القهوة زحمة ،
وفية فطريات كتير فى الكوباية حاجات بيضة بتتحرك ،
وبانت أكتر لما الشمس غابت تماما واللمبة الصفرا اصفرت أكتر بعد الغروب ،
_اية دة ياريس
_اية ياباشا شاى اشرب
نبرة عدائية بس بادلته بنبرة مبتسمة
_ خلاص مش عايز
تف شتم وسبلى الدين
_ هو بروح أهلك شغال عند اللى جابوك
فتح مطوة وأول مرة اشوف مطوة بجد ،
انا خفت جريت على برا لقيت اصحابى ماسكين مطاوى وكانز بيرة،
وعملوا حواليا دايرة ،لا دول مش اصحابى ،جايز شبهم ،
اه شبهم ،صرخوا ،
_طلع ياض اللى معاك
ضربنى الاول ببوكس والتانى بشلوت ،
لقتنى رجعت تانى لبتاع القهوة،
فتحلى وشى بالمطوة،
ساعتها كانت العربيات بتتفرج بس القمر كان عندة حفلة تانية،
صرخت زى الولايا
_ الحقوونى
_قلعوة
قالها من هنا وبدأو يقربوا،
والدم بيسيل على خدى وعلى القميص الأبيض،
قلعونى جاكيت البدله ، قطعوها ،وملقوش حاجة ،
وقطعوا كل الهدوم وملقوش حاجة ،
ساعتها كل الناس منتظرة موت أو ريحة دم
بس لقيت بنات المكروباص اللى بيشبهوا بنات الليل خرجوا من المكروباص،
طلع العشوائى بسكينة كبيرة ،وانا شبه عريان،ودفعها جوا قلبى،ساعتها وعواميد النور بتبهت،
كان اتنين من بنات المكروباص ماسكين قنابل وبيستعدول لتفجير المكان،واصوات صحابى كانت جاى من بعيد بدندن
_ياعصفور ما ليك إلا السما
والجناح مكسور
لا قادر على الطير ولا الغنا
والأسم عصفور
والأسم عصفور !!!
__________________
ركبنا مكروباص من على المحطة،
كانت الدنيا زحمة وقفنا كتير ،
كان الطريق كله زحمة،
بيمشى بهدوء مش مناسب دوشة المكروباص،
فية ضحك بنات يشبه ضحك بنات الليل لكنهم كانوا بحجاب وبناطيل جينز،
كان معايا اتنين صحابى وكانوا بيقولو شعر وسط العالم المزعج دة ،
أن كنت مركز مع دخان سجاير الحشيش بتاع السواق والتباع كنت ببنى بالدخان أشكال،
الطريق كان واقف واصحابى نزلوا يجيبوا كنز قولتلهم
_انا عاوز شاى
وكان فية قهوة قريبة بس السواق قالى
بلاش فية واد ابن () بيثبت كل اللى بيخش
وضحك ضحك عشوائيين، لكن انا محترم قلت كدة فى نفسى ،
وبعدين انا بتاع علم نفس وهعرف اتعامل،
نزلت من المكروباص كلاكسات شتايم،
الشمس طالعة نص والنص التانى بيغرب ،
الليل داخل مع اننا كنا على المحطة من خمس ساعات،
دخلت القهوة ملقتش غير واحد شكله عشوائى طلبت بأحترام وبنص ابتسامة،
مخفتش انا بتاع علم نفس ،
رد زى العشوائين بس من غير مكر،
_ حاضر يا ابن عمى
جاب كوباية من صندوق كوباية مصفرة من قلة الغسيل بس عديتها ،
_سكرك اية يا برنس،
_مظبوط ،
حط معلقة شاى ومعلقتين سكر وصب من كنكة الماية السخنة وضحك ضحكة ملهاش داعى،
وبعد ما قلب
_ اتفضل ياباشا
الكوباية كانت صفرا ،الدنيا برا باب القهوة زحمة ،
وفية فطريات كتير فى الكوباية حاجات بيضة بتتحرك ،
وبانت أكتر لما الشمس غابت تماما واللمبة الصفرا اصفرت أكتر بعد الغروب ،
_اية دة ياريس
_اية ياباشا شاى اشرب
نبرة عدائية بس بادلته بنبرة مبتسمة
_ خلاص مش عايز
تف شتم وسبلى الدين
_ هو بروح أهلك شغال عند اللى جابوك
فتح مطوة وأول مرة اشوف مطوة بجد ،
انا خفت جريت على برا لقيت اصحابى ماسكين مطاوى وكانز بيرة،
وعملوا حواليا دايرة ،لا دول مش اصحابى ،جايز شبهم ،
اه شبهم ،صرخوا ،
_طلع ياض اللى معاك
ضربنى الاول ببوكس والتانى بشلوت ،
لقتنى رجعت تانى لبتاع القهوة،
فتحلى وشى بالمطوة،
ساعتها كانت العربيات بتتفرج بس القمر كان عندة حفلة تانية،
صرخت زى الولايا
_ الحقوونى
_قلعوة
قالها من هنا وبدأو يقربوا،
والدم بيسيل على خدى وعلى القميص الأبيض،
قلعونى جاكيت البدله ، قطعوها ،وملقوش حاجة ،
وقطعوا كل الهدوم وملقوش حاجة ،
ساعتها كل الناس منتظرة موت أو ريحة دم
بس لقيت بنات المكروباص اللى بيشبهوا بنات الليل خرجوا من المكروباص،
طلع العشوائى بسكينة كبيرة ،وانا شبه عريان،ودفعها جوا قلبى،ساعتها وعواميد النور بتبهت،
كان اتنين من بنات المكروباص ماسكين قنابل وبيستعدول لتفجير المكان،واصوات صحابى كانت جاى من بعيد بدندن
_ياعصفور ما ليك إلا السما
والجناح مكسور
لا قادر على الطير ولا الغنا
والأسم عصفور
والأسم عصفور !!!
تعليق