تويت
كل البشر بياع
طب ليه أنا المشتري؟
يا دنيا طعمك شهد
ومعايا بتمرري!!
يا دنيا لو تقدري
زيدي المرار زيدي
وانا صهد تنهيدي
كما فوهة بركان
يوصل لحد السما
يا دنيا زيدي كمان
قابلي البصر بالعمي
وارميلي كام عكاز
اتحسس الخطوات
وإملي الحواري إزاز
للمشية بالنيات
هضحك معاكى وأبات
والدمعة ف عنيا
لمي الهنا ليكي
وارمي الجراح ليا
منا كام سنة صابرة وبقول هتتعدل
والحال بينزل تحت
ولا مرة يتبدل
طبعي ماليش في الفحت
قلبي الملاك بنا
يعلا بكل الناس
واتمد ف البدروم
اقفل عليا الباب
وأبات غطايا هموم
زيدي المرار زيدي
منا أصلي استاهل
سلمت بالساهل
مفاتيحي للسجان
يا دنيا زيدي كمان
وأنا قادرة اتحمل
هفتح ف روحي طريق
للجنة وهكمل
وافضل بقلب برئ
وعشان عيون الورد
راح اسقي في العليق
ورداتي قدامي
يستاهلوا مني كتير
وعشان عيونهم بس
هقبل بأي مصير
لكن يا خوفي أبات
والفجر ميهلش
يلاقونى متمددة
يستكتروا الفاتحة
طب ليه أنا المشتري؟
يا دنيا طعمك شهد
ومعايا بتمرري!!
يا دنيا لو تقدري
زيدي المرار زيدي
وانا صهد تنهيدي
كما فوهة بركان
يوصل لحد السما
يا دنيا زيدي كمان
قابلي البصر بالعمي
وارميلي كام عكاز
اتحسس الخطوات
وإملي الحواري إزاز
للمشية بالنيات
هضحك معاكى وأبات
والدمعة ف عنيا
لمي الهنا ليكي
وارمي الجراح ليا
منا كام سنة صابرة وبقول هتتعدل
والحال بينزل تحت
ولا مرة يتبدل
طبعي ماليش في الفحت
قلبي الملاك بنا
يعلا بكل الناس
واتمد ف البدروم
اقفل عليا الباب
وأبات غطايا هموم
زيدي المرار زيدي
منا أصلي استاهل
سلمت بالساهل
مفاتيحي للسجان
يا دنيا زيدي كمان
وأنا قادرة اتحمل
هفتح ف روحي طريق
للجنة وهكمل
وافضل بقلب برئ
وعشان عيون الورد
راح اسقي في العليق
ورداتي قدامي
يستاهلوا مني كتير
وعشان عيونهم بس
هقبل بأي مصير
لكن يا خوفي أبات
والفجر ميهلش
يلاقونى متمددة
يستكتروا الفاتحة
تعليق