تركت الناس يالمظنون عا شانك = ولاسمع فيك هرج الحاسد الشاني
جمالك يوسفي والصوت داؤودي = وقد شهدوا بذلك لك صحاب الشان
عيوني مارتوت من زهرة البستان =
بحفني باشرب من عذب معيانك = ولوجاني عتب باقول معياني
ملكته بالرضاء وبذلت مجهودي = وعيني تحرسش ياقصبة المعيان
عيوني مارتوت من زهرة البستان=
معي حنات ع عودك وعا غصانك = حمامه غردت من شرق عا غصاني
قطعت الغصن ذي مشبوك في عودي = وباقي غصن لك واحد من الأغصان
عيوني مارتوت من زهرة البستان=
مصيبه ماعترف رطلك وميزانك = ورامي بالخلل كله لميزاني
ونا في الوزن لك ياصاحبي جودي = ومعروفي مرجح كفة الميزان
عيوني مارتوت من زهرة البستان=
لابغيتني صدق جيلك زور وديانك = شل عهد أنك تجي وتزور ودياني
وزيارتك غايتي فيها ومقصودي = نرد عوده على الماضي في الوديان
عيوني مارتوت من زهرة البستان =
باشل بالصوت عانغمك والحانك = مليت من كثر ماغنيت الحاني
من عذب نغمات أوتاري على عودي= باسمعك لحن عندي احسن الألحان
عيوني مارتوت من زهرة البستان =